१ पत्रुस 1:6 - बान्‍तावा राई

⁶ ओन्‍ग़रि थुत्‍मेत्‍लोतारि खानानिन्‌आ अ़खाला-अ़खालाओ चिन्‍माखाङ्‌माचि त़आङ्‌तुम्‍च़म्‌नुछाङ ओ य़ङ्‌चिदा अ़न्‍नुनु ऩङानुसानिन्‍चिन।

१ पत्रुस 1:6 ပူးပေါင်းရင်းမြစ်များ

मत्‍ति 11:28

झारा त़होत्‍तिन्‌ओ खोन्‍कि पाङ्‌आ त़तिमिन्‌ओचि ओ, अ़ङ्‌काएदा तानिन। अ़ङ्‌का खानानिन सावातोम्‍मा प़नानिन।

मत्‍ति 26:37

खोन्‍कि खोक्‍कोसाआ पत्रुस खोन्‍कि जब्‍दियाओ ह़वाङ अ़छाचि अ़क्‍नि म़खात्‍तुचि खोन्‍कि खोक्‍को मिन्‍राक खोन्‍कि दुखाआ चाअ़त्‍लो योक्‍तुकिना अ़चुराक सुवा

मत्‍ति 5:12

मोन्‍ग़रि ऩङानुसानिन्‍चिन, खोन्‍कि छेमा काइसानिन्‍चिन, देकिनालो निनाम्‍मादु आम्‍नुओ सिरिफा तोक्‍पो युङ्‌याङ। देकिनालो खानानिन्‌दाङ्‌का बुयाओ निनाम्‍हाङ्‌य़ङ खाकालुचि मोवात्‍निङा मोचिआ म़ल़क्‍तुचिओ।

लुका 1:47

खोन्‍कि अ़ङ्‌कोङ्‌हुत्‌याङ्‌का अ़ङ्‌कालेन्‍पा निनाम्‍हाङ्‌एदा अ़ङ्‌ऩङानु।

लुका 10:20

खोन्‍नुछाङ चाकावालावाचि आम्‍नुओ क़म्‍मादा म़याक्‌याङ निकि आम्‍नुओ ऩङानुमा माआङ, मेन आम्‍नुओ ऩङ निनाम्‍मादु छाप्‍तायुङ्‌सा निकि आम्‍नुओ ऩङानुने।”

लुका 2:10

खोन्‍कि निनाम्‍हाङ काफाआ मोचि लोचि, “मान्‍क़दानिन! एनानुम, अ़ङ्‌का झारा म़नाचिओ निकि अ़न्‍नुनु ऩङानुमाओ य़ङ्‌खान तारुङ्‌कि आम्‍नुओ बुदा ताङ्‌युङ्‌साङ।

युहन्‍ना 16:22

खोन्‌ओसा ओन्‍ग़रि खानानिन दुखा लि, मेन अ़ङ्‌का खानानिन लोनाखाङ्‌नानिन, खोन्‍कि आम्‍नुओ साकोङ्‌वाओ अ़ऩङानु। खोन्‍किना साङ्‌आछाङ आम्‍नुओ ऩङानुमा खानानिन्‌एदाङ्‌का त़ङाप्‍तिमिन।

युहन्‍ना 16:33

अ़ङ्‌तुक्‌वाआ खानानिन सेवाङ्‌नि त़लिसिन्‍ने निकिना अ़ङ्‌का खानानिन ओ य़ङ्‌चि लोनायुङ्‌नानिन। खोन्‌ओसा हेन्‍खामादा खानानिन दुखा त़तोक्‍तिन, मेन राक मुवानिन! अ़ङ्‌का हेन्‍खामाएदा छोसाङ।”

छाम्‍माय़ङ 14:22

खोचिआ येसु काखेङ्‌चि “लावामि ह़ङ्‌म़ङ्‌दा सावा खोन्‍कि साकोङ्‌छ़ङ मुवायुङ्‌सानिन” निकिना राक अ़पुवाचुचिन। “निनाम्‍हाङ्‌ओ अ़चुहाङ्‌होन्‌दा वाङ्‌मा आन्‍कान ब़द्‍धे दुखाचि आङ्‌माङादोत”नि खोचिआ अ़लोवाचुचिन।

रोमि 12:12

आम्‍नुओ तामित्‍माआ खानानिन आम्‍नुओ ऩङानुने, आम्‍नुओ दुखादा काआङ लिसानिन, अ़धुन यामारायुङ्‌सानिन।

रोमि 5:11

ओन ओन्‍ङा माआङ, मेन आन्‍हाङ्‌पा येसु ख्रिस्‍तलाम्‍पा निनाम्‍हाङ्‌एदा आन्‍ऩङानुसिन्‍चिन, खोक्‍कोसाआ ओन्‍ग़रि आन्‍कान निनाम्‍हाङ्‌ओ अ़चुयावा म़मुवायुङ्‌सा।

रोमि 5:2

खोक्‍कोएदाङ्‌का आन्‍कान ओ सोम्‍तुक्‍मादा साकोङ्‌छ़ङ्‌लाम्‍पा वाङ्‌मा तोक्‍तुम्‌युङ्‌सुम। मो सोम्‍तुक्‍मादा आन्‍कान युङिन्‌येन, खोन्‍कि निनाम्‍हाङ्‌ओ अ़चुसाम आन्‍कान्‌छाङ तोक्‍मा सोम्‍कुवादा आन्‍ऩङानुसिन्‍चिन्‍ने।

रोमि 9:2

अ़ङ्‌साकोङ्‌वादा अ़न्‍नुनु सोखा खोन्‍कि अ़ङ्‌मिन्‍मादा अ़लुक्‍निन्‌ओ योक्‍मा याक्‌याङ।

२ कोरिन्‍थि 4:17

देकिनालो आन्‍काओ अ़क्‍दुओ खोन्‍कि अ़चुप्‍पो अ़चाअ़त्‍माआ आन्‍काओ निम्‍पाङ तोङ्‌माखाङ्‌का अ़ऱन्‍मिन्‌ओ खोन्‍कि अ़धुन्‌ओ तोक्‍पो ऩङ्‌लोङ्‌मा चुम्‍सुयुङ्‌सुङु।

२ कोरिन्‍थि 6:10

आन्‍काओ राक स़याङ, खोन्‍नुछाङ अ़धुन आन्‍काओ ऩङानुसिन्‍चिन्‍का। मान्‍तोक्‍कादानुछाङ, ब़द्‍धेकापाङ कातोक मुम्‍च़म्‍का, दित्‍छाङ मात्‍द़ङ्‌नुछाङ आन्‍कान्‍काएदा झारा सामाचि म़याक्‌याङ।

गलाति 5:22

मेन सेङ्‌लावाओ अ़चुसिवा सोम्‍तुक्‍मा, मिन्‍माचानुमा, सेवाङ्‌नि, हुङ्‌मा, सोम्‍तुक्‍मा खाङ्‌मुमा, नुलोक मुमायु, सोम्‍कुवामुमायु,

फिलिप्‍पि 2:26

खोसाआ खानानिन झारा अ़न्‍नुनु तुप्‍मा स़याङ। खो तुआओ य़ङ्‌खान खानानिन्‌आ त़एनुम्‌ओसा खो चाअ़त्‍लो लिसायुङ्‌सा।

फिलिप्‍पि 3:3

देकिनालो सेङ्‌लावालाम्‍पा काब़क आन्‍कान्‌ङा ओ, खोन्‍कि ख्रिस्‍त येसुआ दि अ़मुवायुङ्‌सा मोदा आन्‍कान तोक्‍पो कालि खोन्‍कि च़माथाङ्‌मादा सोम्‍कुवा मान्‍मुकादा अ़नुछ्‍याओ सिप्‍मायाम्‍बुन कापाक आन्‍कान्‌ङा ओ।

फिलिप्‍पि 4:4

हाङ्‌पाएदा अ़धुन आम्‍नुओ ऩङानुसानिन्‍चिन। अ़ङ्‌का लाङाय़ङ्‌ङा आम्‍नुओ ऩङानुसानिन्‍चिन!

१ थेसलोनिकि 1:6

खानानिन आन्‍कान्‍का खोन्‍कि हाङ्‌पा काखेङ त़लिसिन, देकिनालो ब़द्‍धे दुखा त़आङ्‌तुम्‌किछाङ सेङ्‌लावाआ ऩप़न्‌ओ ऩङानुयाङ्‌सा खानानिन्‌आ य़ङ्‌खान त़लोउम।

याकुब 1:2

ब़ब़, नाना खोन्‍कि निछाचि ओ, खानानिन्‌एदा अ़पारा-अ़पाराओ चिन्‍माखाङ्‌माचि म़ताहिदा आम्‍नुओ अ़न्‍नुनु ऩङानुने।

याकुब 1:9

मान्‍तोक्‍कादा साकोङ्‌छ़ङ कामुचिओ, आम्‍नुओ ऩङानुसानिन्‍चिन, देकिनालो निनाम्‍हाङ्‌आ खानानिन ऩझोइसिन।

याकुब 4:9

ओत्‌ओत्‌ओत्‌वा खावानिन, खोन्‍कि सोखा मुवानिन्‍किना घुक्‍स़क्‍नि खावानिन। खोन्‍कि आम्‍नुओ इमा सोखादा खोन्‍कि आम्‍नुओ ऩङानुमा राक्‍स़मादा फान्‍ने।

१ पत्रुस 3:17

निनाम्‍हाङ्‌ओ अ़चुमित्‍चिऩङ ओवाकोङानालो अ़त्‍लो काचि मुमाकि दुखा आङ्‌मादाङ्‌का अ़नुवाक काचि मुमाकि दुखा आङ्‌मा देम अ़नुवाक ओ।

१ पत्रुस 4:7

झारा य़ङ्‌चिओ अ़चुलुक्‍माखात्‍मा च़क्‌दा ताचिआयुङ्‌सा। खोन्‌ओसा खारुच़ङ्‌तानुम खोन्‍कि आम्‍नुओ यामात्‍माओ निम्‍पाङ चाप्‍चेत्‍तानिन्‍चिन।

१ पत्रुस 5:10

झारा सोमाकातुक निनाम्‍हाङ्‌आ ख्रिस्‍तदा अ़धुन अ़चुऩङ्‌चोन्‍माओ निम्‍पाङ खानानिन ऩबुत्‍तिन्‌युङ्‌सिन। खानानिन्‌आ अ़क्‍चित्‌तारि दुखा त़आङ्‌तुम्‍चिउम्‌कि खोक्‍कोसाआ खानानिन अ़ऩङ्‌वा ऩलासिन्‍मुन, ऩतोङ्‌सिन, सावापोरिओ ऩमुन, खोन्‍कि ऩतुङ्‌निन्‌ओ छ़ङ्‌दा खानानिन ऩयुङ्‌सिन।