१ पत्रुस 1:10 - बान्‍तावा राई

¹⁰ खानानिन्‌आ त़तोक्‍तुम्‌ओ लेन्‍माओ अ़तुक्‌वादा निनाम्‍हाङ्‌य़ङ खाकालुचिआ नुलोक अ़लामा खोन्‍कि अ़सेना, खोन्‍किना खानानिन ऩप़न्‌ओ निनाम्‍हाङ्‌ओ अ़चुसोम्‍तुक्‍माओ अ़तुक्‌वादा बुयाङा खाअ़लुसायुङ्‌सा।

१ पत्रुस 1:10 ပူးပေါင်းရင်းမြစ်များ

मत्‍ति 13:17

अ़नुछ्‍या अ़ङ्‌का खानानिन लोनानिन, खानानिन्‌आ त़खाम्‌ओ य़ङ्‌चि ब़द्‍धे निनाम्‍हाङ्‌य़ङ खाकालुचि खोन्‍कि साम्‌योक्‍मि म़नाचिआ खाङ्‌मा अ़न्‍नुनु म़सुवाङा, मेन खाङ्‌मा मान्‍तोक्‌अ़दा। खोन्‍कि खानानिन्‌आ त़एनुम्‌ओ य़ङ्‌चि मोचिआ एन्‍मा म़सुवाङा, मेन एन्‍मा मान्‍तोक्‌अ़दा।

मत्‍ति 26:24

म़नाओ अ़छा ना खोक्‍कोसोओ अ़तुक्‌वादा साम्‍कालिन्‌दा छाप्‍तावात्‍नि खात। मेन अ़चाअ़त्‍मादा छुक मो म़ना, साङ्‌आ म़नाओ अ़छा धान्‍तु। मो म़ना ना मान्‍लिओदे खोसोओ निम्‍पाङ अ़नुवाक लिसाओ।”

लुका 10:24

देकिनालो अ़ङ्‌का खानानिन लोनानिन, खानानिन त़खाम्‌योम्‍च़म्‌ओ काचिचि ब़द्‍धे निनाम्‍हाङ्‌य़ङ खाकालुचि खोन्‍कि हाङ्‌चिआ खाङ्‌मा म़सुवाङा, मेन खाङ्‌मा मान्‍तोक्‌अ़दा, खोन्‍कि खानानिन्‌आ त़एनुम्‌ओ य़ङ्‌चि मोचिआ एन्‍मा म़सुवाङा, मेन एन्‍मा मान्‍तोक्‌अ़दा।”

लुका 24:44

खोक्‍कोसाआ मोचि म़लोचि, “खानानिन्‌एनान युङाङ्‌याङ्‌हिदा अ़ङ्‌का चेवाङ्‍ओ य़ङ्‌चि ओचिङा ओ: मोसाओ अ़य़ङ्‌हुप, निनाम्‍हाङ्‌य़ङ खाकालुचिओ छाप्‍लाखा खोन्‍कि साम्‍ऱङ्‌भुङ्‍ओ छाप्‍लाखादा छाप्‍ताओ अ़ङ्‌तुक्‌वादाओ झारा य़ङ्‌चि तामालामाङादोत।”

युहन्‍ना 5:39

खानानिन साम्‍कालिन्‌दा त़लामुम्‌योम, देकिनालो मोदा अ़लुक्‍निन्‌ओ ह़ङ्‌म़ङ तोक्‍तुम्‌नि खानानिन त़मिनिन। अ़ङ्‌तुक्‌वादा सालुम्‍स़ङ काप़ मो साम्‍कालिन्‌ङा ओ!

युहन्‍ना 7:52

मोचिआ खो अ़लासालोवा, “दि खानाछाङ गालिल्‌दाङ्‌का ओ? साम्‍कालिन्‌दा लामुकि खा, खोन्‍कि खाना त़खा, गालिल्‌दाङ्‌का निनाम्‍हाङ्‌य़ङ खाकालु अ़लोन्‍निन।” [

छाम्‍माय़ङ 10:43

झारा निनाम्‍हाङ्‌य़ङ खाकालुचिआ ओक्‍को येसुओ अ़तुक्‌वादा सालुम्‍स़ङ अ़पुवायुङ्‌सा, ‘खोक्‍कोसोओ अ़चुऩङ्‌दा साकोङ्‌छ़ङ कामुचि साङ्‌नुछाङ निनाम्‍हाङ्‌आ अ़चुहेवाचि म़लेत्‍तुप़चि।’”

छाम्‍माय़ङ 17:11

मोदाओ यहुदिचि थेसलोनिकेदाओ म़नाचिदाङ्‌का ब़द्‍धे कासिम्‍नान्‍चिन म़मुवाङा। खोन्‍कि पावल्‌आ खालुसुओ निनाम्‍हाङ्‌य़ङ मोचिआ मिन्‍मा पाक्‍सा अ़एना। पावल्‌आ चिन्‍तुङुचिओ य़ङ अ़नुछ्‍या हे माआङ निकिना मोचिआ अ़लेन्‍खिन्‍तुम साम्‍कालिन अ़खिप्‍ताकि नुलोक अ़तोङ्‌साखाङा।

छाम्‍माय़ङ 28:23

खोन्‍किना खोचिआ पावल तुप्‍खालेन अ़तोङ्‌सा, खोन्‍कि खो युङाङाओदा ब़द्‍धे यहुदिचि म़ता। खोसाआ अ़वाय़ङ्‌दाङ्‌का अ़नाम्‍प़क्‌तारि निनाम्‍हाङ्‌ओ अ़चुहाङ्‌होन्‌ओ अ़तुक्‌वादा खाएत्‌याङ्‌सा खोन्‍कि मोसाओ अ़य़ङ्‌हुप खोन्‍कि निनाम्‍हाङ्‌य़ङ खाकालुचिओ अ़चुछाप्‍लाखादाङ्‌का येसुओ अ़तुक्‌वादा साकोङ्‌छ़ङ मुमा निम्‍पाङ सोन्‍तुचि।

छाम्‍माय़ङ 7:52

आम्‍नुओ सुन्‍तुम्‌चिआ दुखा मान्‍प़म़दोचिओ निनाम्‍हाङ्‌य़ङ खाकालुचि साङ्‌छाङ मात्‍द़ङ्‌चि। आम्‍नुओ सुन्‍तुम्‌चिआ साम्‌योक्‍मि म़ना मसिह म़ताङाओ अ़तुक्‌वादा निनाम्‍हाङ्‌य़ङ खाकालुचि झारा म़सेरुचि। आइमित खानानिन खोक्‍को मसिह साकोङ्‌छ़ङ्‌दा त़धान्‍तुम, खोन्‍कि त़सेरुम।

हिब्रु 11:13

ओ झारा म़नाचि निनाम्‍हाङ्‌आ प़नानिन निकिना म़हिप्‍तुचिओ य़ङ मान्‍तोक्‍माङ निनाम्‍हाङ साकोङ्‌छ़ङ मुयाङ्‌सा म़सुवादा। खोन्‍नुछाङ निनाम्‍हाङ्‌आ म़हिप्‍तुचिओ य़ङ मोचिआ अ़थायाङ्‌काङा अ़खाकि अ़चुऩङानुवा। मोवात्‍नि मोचिआ खोचि ओ हेन्‍खामादा तावाङ्‌चि खोन्‍कि काहुलुक्‌चि म़मित्‍तान्‍चिन।

हिब्रु 11:40

निनाम्‍हाङ्‌आ आन्‍को निम्‍पाङ च़लोक अ़नुवाक मित्‍चिऩङ अ़मुवा। अ़क्‍धुवा आन्‍कान खोन्‍कि मोचि अ़क्‍नि अ़च़क़ल़क म़मुनि खोक्‍कोसोओ अ़चुमित्‍चिऩङ मुवाङा।

१ पत्रुस 1:11

ख्रिस्‍तआ दुखा आङ्‌मादोत खोन्‍कि आदेङ साया अ़तोक निकिना बुयादाङ्‌काङा ख्रिस्‍तओ अ़चुलावाआ मोचि खाङ्‌म़मेत्‍तुङुचिहिदा, देम्‍खा खोन्‍कि देत्‍नि मोवात्‍नि लि निकिना सिन्‍मा खोचि म़लामा।

१ पत्रुस 1:13

खोन्‌ओसा आम्‍नुओ मिन्‍मा चुम्‍सानुम, क़म्‍तानिन्‍चिन, खोन्‍कि हाङ्‌पा येसु ख्रिस्‍त खाङ्‌म़मुनान्‍चिन्‌हिदा खानानिन सोमाऩतुक्‍तिन्‌ओदा झारा सोम्‍कुवा मुवानिन।