१ युहन्‍ना 5:8 - बान्‍तावा राई

⁸ देकिनालो सालुम्‍स़ङ काप़चि सुम्‌कातात म़युङ्‌याङ: सेङ्‌लावा, चाक्‌वा खोन्‍कि ह़, खोन्‍कि सुम्‌कातात्‍माङ अ़क्‌तात्‌ङा म़मुयाङ।

१ युहन्‍ना 5:8 ပူးပေါင်းရင်းမြစ်များ

मत्‍ति 28:19

खोन्‌ओसा खारानिन, खोन्‍कि झारा रावाचि काखेङ मुवानुम्‍च़म, निनाम्‍हाङ पापा, अ़चुछा खोन्‍कि सेङ्‌लावाओ अ़चुऩङ्‌दा मोचि बप्‍तिस्‍मा पुवानुम्‍च़म।

मर्कुस 14:56

ब़द्‍धेकापाङ्‌सा खोक्‍कोसोओ अ़चुदेङ्‌सालाप्‍पादा सोज्‍जेओ सालुम्‍स़ङ अ़पुवा, मेन मोचिओ अ़चुय़ङ मान्‍तोङ।

युहन्‍ना 15:26

अ़ङ्‌का खानानिन्‌एदा यायोक काप़ तासुङ। खोक्‍को अ़छ़ङ्‌ओ लावा म़मुयाङ। खोक्‍को अ़ङ्‌पापादाङ्‌का खानानिन्‌एदा म़ताकि अ़ङ्‌तुक्‌वादा सालुम्‍स़ङ ऩप़न।

युहन्‍ना 19:34

मेन रात्‍खामिचिएदाओ अ़क्‍छाआ खोक्‍कोसोओ अ़चुहेबेक्‌दा भेआ धुउ, खोन्‍कि मोन्‍ग़रिङा ह़ खोन्‍कि चाक्‌वा लोन्‍ता।

छाम्‍माय़ङ 15:15

खोन्‍कि निनाम्‍हाङ्‌य़ङ खाकालुचिओ अ़चुय़ङ्‌ओ य़ङ्‌एनान तोङ। साम्‌योक्‍मि छाप्‍लाखादा ओवात्‍नि छाप्‌याङ:

रोमि 8:16

आन्‍कान निनाम्‍हाङ्‌ओ अ़चुछाचि ओ निकिना सेङ्‌लावाआ आन्‍लावाएनान अ़छ़ङ अ़मु।

२ कोरिन्‍थि 1:22

खोक्‍कोसाआ आन्‍कान्‌एदा अ़चुसेप्‍मा म़पाक्‍तायुङ्‌सा, खोन्‍कि आन्‍साकोङ्‌वादा चिनोयाङ्‌वात्‍नि खोक्‍कोसोओ अ़चुलावा म़पुवायुङ्‌सा।

हिब्रु 13:12

मोवात्‍निओसा येसुआछाङ खोक्‍कोसोओ अ़चुह़लाम्‍पा म़नाचि अ़चुहेवादाङ्‌का सेङ्‌सि सहराओ अ़वाङ्‌खालाम्‌ओ बुङ्‌खालिप्‍पादा दुखा अ़आङ्‌ता।

हिब्रु 6:4

देकिनालो साङ्‌चिआ अ़क्‍दु साम अ़तोक्‍ताकि निनाम्‍मादुओ छुक्‍तुप्‍मा अ़छेम्‍सायुङ्‌साओ, खोन्‍कि सेङ्‌लावाओ काचिदा म़वाङायुङ्‌साओ,

१ पत्रुस 3:21

ओसाआ चाक्‌वाओ बप्‍तिस्‍मा खाङ्‌मुसु, खोन्‍कि ओसाआ खानानिन ऩलेइसिन्‌छाङ। ओ पोक्‌दाओ सिप्‍भाङ वालेक्‍तिन्‍खाइसिन्‌वात्‍नि माआङ, मेन ओसोओ अ़तुप्‍माय़ङ अ़च़क़ल़क छेन्‍खातायाएनान निनाम्‍हाङ्‌एदा लामा ओ। येसु ख्रिस्‍तओ अ़चुलामाखोन्‍मालोन्‍मालाम्‍पा ओसाआ खानानिन ऩलेइसिन।

१ युहन्‍ना 5:9

आन्‍कान म़नाओ अ़सालुम्‍स़ङ लोउम्‌नालो निनाम्‍हाङ्‌आ म़पुवाओ अ़चुसालुम्‍स़ङ तोक्‍पो मुयाङ। देकिनालो ओ निनाम्‍हाङ्‌ओ अ़चुसालुम्‍स़ङ ओ, खोक्‍कोसाआ अ़चुछाओ अ़तुक्‌वादा सालुम्‍स़ङ अ़पुवायुङ्‌सा।