१ युहन्‍ना 5:7 - बान्‍तावा राई

⁷ खोन्‍कि सालुम्‍स़ङ काप़ ना सेङ्‌लावाङा म़युङ्‌याङ, देकिनालो सेङ्‌लावा अ़छ़ङ म़मुयाङ।

१ युहन्‍ना 5:7 ပူးပေါင်းရင်းမြစ်များ

मत्‍ति 17:5

पत्रुस चेवाङाहिदाङा, छोक्‍छोक्‍छोक्‌वाओ य़वारिआ मोचि भुक्‍तुखात्‍तुचि, खोन्‍कि मो य़वारिदाङ्‌का अ़क्‌तात य़ङ ता, “ओक्‍को सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा च़लोक अ़ङ्‌ऩङानुवायुङ्‌सा। खोक्‍कोसाआ ऩलोन्‌ओ एनानुम!”

मत्‍ति 18:16

मेन खोसाआ आम्‌य़ङ अ़एनुन्‌नालो नि अ़क्‍छा ह़वाङ अ़क्‍नि खात्‍तुचि, खोन्‍किना ह़वाङ माङ्‌लो सुम्‌कापाङ सालुम्‍स़ङ्‌चिओ अ़चुसालुम्‍स़ङ्‌लाम्‍पा झारा य़ङ अ़छ़ङ कान्‍मादोत।

मत्‍ति 28:19

खोन्‌ओसा खारानिन, खोन्‍कि झारा रावाचि काखेङ मुवानुम्‍च़म, निनाम्‍हाङ पापा, अ़चुछा खोन्‍कि सेङ्‌लावाओ अ़चुऩङ्‌दा मोचि बप्‍तिस्‍मा पुवानुम्‍च़म।

युहन्‍ना 1:1

अ़पुङ्‌चिपुक्‌दा य़ङ म़युङाङा। मो य़ङ निनाम्‍हाङ्‌एनान म़युङाङा, खोन्‍कि मो य़ङ निनाम्‍हाङ्‌ङा ओ।

युहन्‍ना 10:30

अ़ङ्‌पापा खोन्‍कि अ़ङ्‌का अ़क्‌तात्‌ङा ओ।”

युहन्‍ना 12:28

आपो, आम्‍नुओ ऩङ लोङ्‌सानुम!” खोन्‍किना निनाम्‍मादुङ्‌का अ़क्‌तात य़ङ ता, “अ़ङ्‌का आप्‍पि लोङ्‌साङ्‌युङ्‌साङ्‌च़ङ, खोन्‍कि हान्‍छाङ लाङालोङ्‌ङान्‍च़ङ।”

युहन्‍ना 14:17

खोक्‍को अ़छ़ङ ओ लावा म़मुयाङ, खोक्‍को हेन्‍खामाआ लोक्‍मा अ़ऱन, देकिनालो हेन्‍खामाआ खोक्‍को ना खा, ना सिन्‍तु। खानानिन्‌आ खोक्‍को त़सिन्‍तुम, देकिनालो खोक्‍को खानानिन्‌एनान म़याक, खोन्‍कि खोक्‍को खानानिन्‌एदा म़युङ्‌युङ।

युहन्‍ना 15:26

अ़ङ्‌का खानानिन्‌एदा यायोक काप़ तासुङ। खोक्‍को अ़छ़ङ्‌ओ लावा म़मुयाङ। खोक्‍को अ़ङ्‌पापादाङ्‌का खानानिन्‌एदा म़ताकि अ़ङ्‌तुक्‌वादा सालुम्‍स़ङ ऩप़न।

युहन्‍ना 5:26

देत्‍नि पापा आप्‍पिएदा ह़ङ्‌म़ङ प़मा सावा याक्‌याङ, मोवात्‍निङा खोक्‍कोसाआ अ़चुछाछाङ अ़धुन्‌ओ ह़ङ्‌म़ङ प़माओ सावा अ़पुवायुङ्‌सा।

युहन्‍ना 8:18

अ़ङ्‌तुक्‌वादा अ़ङ्‌का आप्‍पि सालुम्‍स़ङ प़ङ, खोन्‍कि अ़ङ्‌का काछुत पापा निनाम्‍हाङ्‌आछाङ अ़ङ्‌तुक्‌वादा सालुम्‍स़ङ अ़प़।”

युहन्‍ना 8:54

येसुआ म़लासुलोचि, “अ़ङ्‌का आप्‍पि अ़ङ्‌ऩङ लोङ्‌सुङ्‌नालो अ़ङ्‌ऩङ लोङ्‌माय़ङ सोज्‍जे लि। अ़ङ्‌ऩङ कालोङ अ़ङ्‌पापा म़युङ्‌याङ, खोक्‍को खानानिन्‌आ ‘आन्‍काओ निनाम्‍हाङ’नि त़लोम्‌योम।

छाम्‍माय़ङ 2:33

खोन्‌ओसा निनाम्‍हाङ्‌आ येसु अ़झोइसाकि तोक्‍पो अ़मुवा, खोन्‍कि निनाम्‍हाङ्‌आ अ़हिप्‍ताओ सेङ्‌लावा येसु अ़पुवा, खोन्‍किना येसुआ आन्‍कान सेङ्‌लावा च़लोक म़पुवायुङ्‌सा। मो खानानिन ओन्‍ग़रि त़खाम्‌योम खोन्‍कि त़एनुम्‌योम।

छाम्‍माय़ङ 5:32

आन्‍कान्‍का ओ य़ङ्‌चिओ अ़सालुम्‍स़ङ युङिन्‌येन्‍का, खोन्‍कि सेङ्‌लावाछाङ ओ य़ङ्‌चिओ अ़सालुम्‍स़ङ म़युङ्‌याङ। खोन्‍कि निनाम्‍हाङ्‌आ लोचिवा काच़चि सेङ्‌लावा म़प़युङ्‌सुचि।”

१ युहन्‍ना 1:1

अ़पुङ्‌चिपुक्‌दाङ्‌का युङाङाओ, मो आन्‍कान्‍का एनुम्‍काओ, आन्‍काओ म़क्‌आङा आन्‍कान्‍का खाम्‍का ओ, खोन्‍कि आन्‍काओ छुक्‌आ नोप्‍तुम्‍काओ, मोक्‍को ह़ङ्‌म़ङ य़ङ्‌ओ अ़तुक्‌वादा आन्‍कान्‍का छाप्‍तुम्‌योम्‍का।

१ युहन्‍ना 5:6

मो खोक्‍कोङा ओ, येसु ख्रिस्‍त चाक्‌वा खोन्‍कि ह़लाम्‍पा म़ता। खोक्‍को चाक्‌वादा ओन्‍ङा माआङ, मेन चाक्‌वा खोन्‍कि ह़लाम्‍पा म़ता।

१ युहन्‍ना 5:8

देकिनालो सालुम्‍स़ङ काप़चि सुम्‌कातात म़युङ्‌याङ: सेङ्‌लावा, चाक्‌वा खोन्‍कि ह़, खोन्‍कि सुम्‌कातात्‍माङ अ़क्‌तात्‌ङा म़मुयाङ।

खाङ्‌मुमा 19:13

खोक्‍को ह़आ वाहोवाओ तित हुम्‍साङा। खोक्‍को ‘निनाम्‍हाङ्‌ओ अ़चुय़ङ’निकिना सिन्‍ताङा।