१ युहन्‍ना 5:10 - बान्‍तावा राई

¹⁰ साङ निनाम्‍हाङ्‌ओ अ़चुछाएदा साकोङ्‌छ़ङ मु, मोसोओ अ़साकोङ्‌वादा ओ सालुम्‍स़ङ याक। साङ्‌आ निनाम्‍हाङ साकोङ्‌छ़ङ अ़मुन, मोसाआ निनाम्‍हाङ काम़प काइसु। देकिनालो निनाम्‍हाङ्‌आ अ़चुछाओ अ़तुक्‌वादा अ़पुवाओ अ़चुसालुम्‍स़ङ्‌दा मोसाआ साकोङ्‌छ़ङ मान्‍मुयुक्‍तु।

१ युहन्‍ना 5:10 ပူးပေါင်းရင်းမြစ်များ

युहन्‍ना 3:16

निनाम्‍हाङ्‌आ हेन्‍खामा ओवात्‍नि सोमाअ़तुक्‍ता, खोक्‍कोसाआ आप्‍पिओ अ़क्‍छा ओन्‍ङा ओ अ़चुछा म़पुवा, खोन्‍कि खोक्‍कोएदा साकोङ्‌छ़ङ कामु साङ्‌छाङ अ़स़निन्‍ने, मेन मोसाआ अ़लुक्‍निन्‌ओ ह़ङ्‌म़ङ तोक्‍तुने।

युहन्‍ना 3:18

साङ खोक्‍कोएदा साकोङ्‌छ़ङ मु, मो लाहिदा अ़छुक्‍निन, मेन साकोङ्‌छ़ङ मान्‍मुकादा म़ना बुयाङा लाहि कामु काइसायुङ्‌सा, देकिनालो मो निनाम्‍हाङ्‌ओ अ़क्‍छा ओन्‍ङा ओ अ़चुछाओ अ़चुऩङ्‌दा साकोङ्‌छ़ङ मान्‍मुयुक।

युहन्‍ना 3:33

साङ्‌आ खोक्‍कोसोओ अ़सालुम्‍स़ङ लोउयुङ्‌सु, मोसाआ निनाम्‍हाङ अ़छ़ङ म़मुयाङ्‌निओ य़ङ अ़छ़ङ खाङ्‌मुसु।

युहन्‍ना 5:38

खोक्‍कोसोओ अ़चुय़ङ खानानिन्‌एदा अ़युङ्‌निन, देकिनालो साङ खोक्‍कोसाआ अ़छुत्‍ता, खानानिन खोक्‍कोएदा साकोङ्‌छ़ङ त़मुन्‍मिन।

छाम्‍माय़ङ 8:37

फिलिप्‌आ खो लासु लो, “आम्‍साकोङ्‌वा हुत्‌याङ्‌का येसु ख्रिस्‍तएदा साकोङ्‌छ़ङ त़मुनालो खाना बप्‍तिस्‍मा लोक्‍मा त़ऱ।” अ़सावाऱक क़प्‍माय़ङ्‍आ लो, “येसु ख्रिस्‍त निनाम्‍हाङ्‌ओ अ़चुछा ओ निकिना अ़ङ्‌का साकोङ्‌छ़ङ मुङा।”]

रोमि 8:16

आन्‍कान निनाम्‍हाङ्‌ओ अ़चुछाचि ओ निकिना सेङ्‌लावाआ आन्‍लावाएनान अ़छ़ङ अ़मु।

गलाति 4:1

अ़ङ्‌का य़ङ्‌ङाङाओसो अ़तुप्‍माय़ङ ओङा ओ, पाङ्‌कातोक देम्‍खातारिछाङा मु, खो झारा सामाओ अ़चुहाङ्‌पानुछाङ हारुक्‌दाङ्‌का निवात्‍नि अ़मुनिन।

गलाति 4:6

खानानिन निनाम्‍हाङ्‌ओ अ़चुछाचि त़लिसिन्‌ओसा, निनाम्‍हाङ्‌आ अ़चुछाओ अ़चुलावा आन्‍साकोङ्‌वादा म़पाक्‍तापुवा, मो लावाआ “अब्‍बा, आपो!”नि य़ङ्‌सा अ़बुत।

कलस्‍सि 3:3

देकिनालो ख्रिस्‍त म़सुवाहिदा खानानिन अ़क्‍नि त़स़न्‌युङ्‌सिन, खोन्‍कि हान निनाम्‍हाङ्‌आ आम्‍नुओ ह़ङ्‌म़ङ ख्रिस्‍तएनान अ़रात्‍तायुङ्‌सा।

हिब्रु 3:12

ब़ब़, नाना खोन्‍कि निछाचि ओ, चाप्‍चेत्‍तानिन्‍चिन! खानानिन खा-खाक्‍कोएदा याक्‌याङ्‌ओ अ़अ़त्‍पा खोन्‍कि साकोङ्‌छ़ङ मान्‍मुदामा साकोङ्‌वाआ खानानिन अ़ह़ङ निनाम्‍हाङ्‌एदाङ्‌का अ़थाया ऩखात्‍तिमिन्‍ने।

२ पत्रुस 1:19

खोन्‍कि निनाम्‍हाङ्‌य़ङ खाकालुचिओ अ़चुय़ङ आन्‍कान्‌एदा च़लोक सोम्‍कुवा मुमा खान्‍तुओ मुयाङ। देकिनालो फ़ऱऱवा खादात्‌याङ्‌ओ लेन मान्‍तायुक्‌तारि खोन्‍कि आम्‍नुओ साकोङ्‌वादा अ़वाय़ङ्‌ओ साङ्‌केन्‍मा मान्‍लोन्‌युक्‌तारि कुन्‌यामादा लेत्‌याङ्‌ओ कुपिवा खानानिन्‌आ ओ य़ङ्‌दा नुलोक मिन्‍मा पाक्‍तानुम।

१ युहन्‍ना 1:10

आन्‍कान हेवा मान्‍मुयुक्‍तिन्‌नि य़ङिन्‌नालो आन्‍कान निनाम्‍हाङ काम़प्‍पा मुम, खोन्‍कि खोक्‍कोसोओ अ़चुय़ङ आन्‍कान्‌एदा अ़याक्‍निन।

१ युहन्‍ना 5:1

येसुङा ख्रिस्‍त म़युङ्‌याङ निकिना साकोङ्‌छ़ङ कामु झारा निनाम्‍हाङ्‌ओ अ़चुछा ओ। साङ्‌आ निनाम्‍हाङ पापा सोमातुक्‍तु, मोसाआ अ़चुछाछाङ सोमातुक्‍तु।

खाङ्‌मुमा 12:17

खोन्‍किना मो अ़धिवाङ प़ मो मेत्‍छामाएदा चाअ़त्‍लो अ़च़ऱपाकारा। खोन्‌ओसा मोसाआ मो नि मेत्‍छामाओ अ़छाचिएनान ङेन मुमा पुङ्‌सु। मोचि निनाम्‍हाङ्‌ओ अ़चुय़ङ काकाङ्‌चि खोन्‍कि येसुआ अ़मुवाओ खोन्‍कि म़चिन्‍तुचिओ य़ङ्‌दा सोम्‍कुवा कामुचिओ।

खाङ्‌मुमा 2:17

साङ्‌को अ़एन्‍खा नाबाक याक्‌याङ, मोसाआ एनुने, सेङ्‌लावाआ साम्‍भुङ्‌चि दे म़लोङुचि। साङ छो, अ़ङ्‌का मो सुकुलादाओ मन्‍ना प़ङ, खोन्‍कि अ़ङ्‌का मो अ़ऩङ्‌वा ऩङ छाप्‌याङ्‌ओ अ़क्‌तात ओम्‌याङ्‌ओ लुङ प़ङ, मो लुङ कातोक्‌आ ओन्‍ङा मो ऩङ सिन्‍तु।

खाङ्‌मुमा 2:28

अ़ङ्‌का मो अ़वाय़ङ्‌ओ साङ्‌केन्‍मा प़ङ।