१ युहन्‍ना 4:9 - बान्‍तावा राई

⁹ ओवात्‍नि निनाम्‍हाङ्‌आ अ़चुसोमातुक्‍मा आन्‍रादा खाङ्‌अ़मुसा, आन्‍कान येसुलाम्‍पा ह़ङिन्‍ने निकिना खोक्‍कोसाआ अ़क्‍छा ओन्‍ङा ओ अ़चुछा हेन्‍खामादा अ़य़सा।

१ युहन्‍ना 4:9 ပူးပေါင်းရင်းမြစ်များ

मर्कुस 12:6

खोन्‍कि मो अङ्‌गुराखा हाङ्‌पाओ अ़क्‍छा ओन्‍ङा सोमातुक्‍तुङुओ अ़चुछा दुवाछा युङालारा। आदेङ्‌ओदु मोचिआ ‘अ़ङ्‌छा ना साया अ़मेत’नि म़मिनाकि खोक्‍कोसाआ मोचिएदा अ़चुछा अ़छुत्‍ता।

लुका 4:18

“हाङ्‌पाओ सेङ्‌लावा अ़ङ्‌काएदा याक्‌याङ। देकिनालो मान्‍तोक्‍कादाचि नुय़ङ्‌खान खाएत्‌सि अ़ङ्‌का ऩछेन्‍ताङ्‌युङ्‌साङ। म़छेक्‌याङ्‍ओचि लेत्‍लोइसि, दोप्‍म़क्‌चि खाकाखाङ मुसि, तिम्‍माछ़न्‍मादा म़छुक्‍ताओचि फोङ्‌लोइसि,

युहन्‍ना 10:10

काख़ ना ख़सि, सेत्‍सि खोन्‍कि लुक्‍सि ओन्‍ङा ता। मेन अ़ङ्‌का ना भेराचिआ ह़ङ्‌म़ङ अ़तोक्‍ने खोन्‍कि मो ह़ङ्‌म़ङ च़लोक अ़तोक्‍ने निकिना ताङ्‌ओ।

युहन्‍ना 14:6

येसुआ अ़लासालोवा, “लाम, अ़छ़ङ खोन्‍कि ह़ङ्‌म़ङ अ़ङ्‌काङा ओ। अ़ङ्‌काएदाङ्‌का नि साङ्‌लाम्‍पाछाङ अ़ङ्‌पापाएदु खात्‍मा अ़ऱनिन।

युहन्‍ना 3:16

निनाम्‍हाङ्‌आ हेन्‍खामा ओवात्‍नि सोमाअ़तुक्‍ता, खोक्‍कोसाआ आप्‍पिओ अ़क्‍छा ओन्‍ङा ओ अ़चुछा म़पुवा, खोन्‍कि खोक्‍कोएदा साकोङ्‌छ़ङ कामु साङ्‌छाङ अ़स़निन्‍ने, मेन मोसाआ अ़लुक्‍निन्‌ओ ह़ङ्‌म़ङ तोक्‍तुने।

युहन्‍ना 3:18

साङ खोक्‍कोएदा साकोङ्‌छ़ङ मु, मो लाहिदा अ़छुक्‍निन, मेन साकोङ्‌छ़ङ मान्‍मुकादा म़ना बुयाङा लाहि कामु काइसायुङ्‌सा, देकिनालो मो निनाम्‍हाङ्‌ओ अ़क्‍छा ओन्‍ङा ओ अ़चुछाओ अ़चुऩङ्‌दा साकोङ्‌छ़ङ मान्‍मुयुक।

युहन्‍ना 5:23

खोन्‍कि देत्‍नि मोचिआ पापा साया अ़मेत, मोवात्‍निङा झारासाआ अ़चुछा साया अ़मेत्‍ने। साङ्‌आ अ़चुछा साया अ़मेत्‍तुन, खो काछुत पापाछाङ साया अ़मेत्‍तुन।

युहन्‍ना 6:29

येसुआ मोचि म़लासुलोचि, “निनाम्‍हाङ्‌ओ अ़चुकाचि ओङा ओ, साङ निनाम्‍हाङ्‌आ अ़छुत्‍ता खोक्‍कोएदा साकोङ्‌छ़ङ मुमादोत।”

युहन्‍ना 6:51

निनाम्‍मादुङ्‌का धाओ अ़ह़ङ पेम्‍पाक अ़ङ्‌काङा ओ। साङ्‌आ ओ पेम्‍पाक चा, मो अ़धुन्‌तारि ह़ङ। खोन्‍कि खाक्‍को पेम्‍पाक अ़ङ्‌का हेन्‍खामादाओ ह़ङ्‌म़ङ्‌ओ निम्‍पाङ प़ङ, मो अ़ङ्‌पोक ओ।”

युहन्‍ना 6:57

देत्‍नि अ़ह़ङ पापा निनाम्‍हाङ्‌आ अ़ङ्‌का ऩछुत्‍ताङ खोन्‍कि पापा निनाम्‍हाङ्‌आ अ़ङ्‌का ह़ङ्‌म़ङ ऩपुवाङ्‌ओसाआ मोवात्‍निङा साङ्‌आ अ़ङ्‌का अ़चाङा, अ़ङ्‌का मो ह़ङ्‌म़ङ प़ङ।

युहन्‍ना 8:29

अ़ङ्‌का काछुत अ़ङ्‌काएदा म़युङ्‌याङ। खोक्‍कोसाआ अ़ङ्‌का अ़ङ्‌दाप्‍म़ङ मान्‍छित्‌दाऩयुक्‍ङा, देकिनालो अ़ङ्‌का अ़धुन खोक्‍कोसोओ अ़चुऩङानुसुङ।”

युहन्‍ना 8:42

येसुआ मोचि म़लोचि, “निनाम्‍हाङ आम्‍नुओ पाओनालो ना खानानिन्‌आ अ़ङ्‌का सोमात़तुक्‍ताङ्‌ऩङ्‌ओ। देकिनालो अ़ङ्‌का निनाम्‍हाङ्‌एदाङ्‌का ताङ्‌ओ। अ़ङ्‌का अ़ङ्‌मिन्‍माआ ताङ्‌ओ माआङ, मेन खोक्‍कोसाआ अ़ङ्‌का ऩछुत्‍ताङ्‍ओ।

युहन्‍ना 9:3

येसुआ म़लासुलोचि, “ओसाआ ना हेवा मु ना ओसोओ अ़मा खोन्‍कि अ़पाआङा। निनाम्‍हाङ्‌ओ अ़काचि ओ म़नाओ अ़ह़ङ्‌म़ङ्‌दा खाङ्‌मुने निकिना ओ दोप्‍म़क लिसाओ।

रोमि 8:32

निनाम्‍हाङ्‌आ आप्‍पिओ अ़चुछा मान्‍लेत्‌अ़दा, मेन आन्‍कान झारासोओ निम्‍पाङ अ़चुछा म़पुवालावा। दि खोक्‍कोसाआ आन्‍कान म़हिप्‍ताओ झारा सामाचिछाङ अ़चुछाएनान अ़क्‍नि म़प़निन कि?

हिब्रु 1:5

“खाना अ़ङ्‌दुवाछा छा ओ, अ़ङ्‌का आय़ आम्‍पा लिसाङ्‌युङ्‌साङ।” निकिना खाक्‍को निनाम्‍हाङ काफा निनाम्‍हाङ्‌आ देम्‍खा अ़लोवायुङ्‌सा कि? खोन्‍कि “अ़ङ्‌का मोसोओ अ़पा लिङा, खोन्‍कि खो अ़ङ्‌छा लि।” निकिना खोक्‍कोसाआ खाक्‍को निनाम्‍हाङ काफा देम्‍खा अ़लोवायुङ्‌सा कि?

१ युहन्‍ना 3:16

ओदाङ्‌काङा सोम्‍तुक्‍मा दि ओ निकिना आन्‍कान सिन्‍तुम, देकिनालो ख्रिस्‍तआ आन्‍को निकिना अ़चुह़ङ्‌म़ङ म़पुवा। खोन्‌ओसा आन्‍कान्‌छाङ ख्रिस्‍तियान आन्‌यावाचिओ निम्‍पाङ आन्‍ह़ङ्‌म़ङ प़मादोत।

१ युहन्‍ना 4:10

सोमातुक्‍मानिओ ओङा ओ, आन्‍कान निनाम्‍हाङ सोमातुक्‍तुम्‌ओ माआङ, मेन खोक्‍कोसाआ आन्‍कान सोमाम़तुक्‍ता ओ, खोन्‍कि आन्‍हेवा लेत्‍मा निम्‍पाङ हेन्‍खोक्‌वा लिसि अ़चुछा अ़य़सा।

१ युहन्‍ना 4:16

खोन्‍कि ओवात्‍नि निनाम्‍हाङ्‌आ आन्‍कान सोमाम़तुक्‍ताओ आन्‍कान सिन्‍तुम्‌योम, खोन्‍कि साकोङ्‌छ़ङ मुन्‌येन। निनाम्‍हाङ सोमाकातुक म़युङ्‌याङ, खोन्‍कि साङ सोमातुक्‍मादा युङ, मो निनाम्‍हाङ्‌एदा युङ, खोन्‍कि निनाम्‍हाङ मोएदा म़युङ।

१ युहन्‍ना 5:11

खोन्‍कि सालुम्‍स़ङ ओक्‍कोङा ओ, निनाम्‍हाङ्‌आ आन्‍कान अ़लुक्‍निन्‌ओ ह़ङ्‌म़ङ म़पुवायुङ्‌सा, खोन्‍कि ओ ह़ङ्‌म़ङ खोक्‍कोसोओ अ़चुछाएदा याक्‌याङ।

१ युहन्‍ना 5:13

खानानिन्‌एदा अ़लुक्‍निन्‌ओ ह़ङ्‌म़ङ याक्‌याङ्‌ओ सिन्‍तानुम निकिना निनाम्‍हाङ्‌ओ अ़चुछाएदा साकोङ्‌छ़ङ कामु खानानिन ओ य़ङ्‌चि छाप्‍नायुङ्‌नानिन।