१ युहन्‍ना 4:7 - बान्‍तावा राई

⁷ सोमातुक्‍नाङ्‌नानिन्‌ओ यावाचि ओ, आन्‍कान अ़क्‍छा निएदा सोमातुक्‍मुन्‍ने, देकिनालो सोम्‍तुक्‍मा निनाम्‍हाङ्‌एदाङ्‌का ता। खोन्‍कि झारा साङ खासोमातुक, खो निनाम्‍हाङ्‌एदाङ्‌का लिसाओ, खोन्‍कि मोसाआ निनाम्‍हाङ सिन्‍तु।

१ युहन्‍ना 4:7 ပူးပေါင်းရင်းမြစ်များ

युहन्‍ना 13:34

अ़क्‌तात अ़ऩङ्‌वा लोमाय़ङ अ़ङ्‌का खानानिन प़नानिन: खानानिन अ़क्‍छा निएदा सोमातुक्‍कातुक मुवानिन। खानानिन अ़ङ्‌का देत्‍नि सोमातुक्‍नानिन, खानानिन्‌आछाङ अ़क्‍छा निएदा मोवात्‍निङा सोमातुक्‍कातुक मुवानिन।

युहन्‍ना 17:3

खानानिन अ़क्‍छा ओन्‍ङा ओ अ़नुछ्‍याओ निनाम्‍हाङ त़युङिन्‌येन, खोन्‍कि खानानिन्‌आ येसु ख्रिस्‍त त़छुत्‍तुम। खानानिन खोन्‍कि खो सिन्‍मालाम्‍पा अ़लुक्‍निन्‌ओ ह़ङ्‌म़ङ अ़तोक।

१ कोरिन्‍थि 8:3

मेन निनाम्‍हाङ सोमाकातुक म़ना निनाम्‍हाङ्‌आ अ़सिन।

२ कोरिन्‍थि 4:6

निनाम्‍हाङ्‌आ “कुन्‍चियाधेक्‍धेक्‌ओदा साम लेत्‍ने!”नि म़य़ङा। मो निनाम्‍हाङ्‌आङा येसु ख्रिस्‍तओ अ़चुङाइवादा निनाम्‍हाङ्‌ओ अ़चुसाम आन्‍कान सिन्‍मा ऱम्‍ने निकिना आन्‍साकोङ्‌वादा खोक्‍कोसोओ अ़चुसाम अ़लेइसायुङ्‌सा।

गलाति 4:9

मेन हान ना खानानिन्‌आ निनाम्‍हाङ त़सिन्‍तुम्‌युङ्‌सुम, माङ्‌लो ब़द्‍धे अ़च़वाङ निनाम्‍हाङ्‌आ खानानिन ऩसिन्‍तिन्‌युङ्‌सिन। हान देत्‍नि खानानिन मान्‍ऱकादा खोन्‍कि बुयाओ अ़चुप्‍पो लाम्‌चिदा त़लासिन? दि खानानिन हान्‍छाङ मोचिओ अ़चुहारुक लिमा त़स़न्‌येन?

गलाति 5:22

मेन सेङ्‌लावाओ अ़चुसिवा सोम्‍तुक्‍मा, मिन्‍माचानुमा, सेवाङ्‌नि, हुङ्‌मा, सोम्‍तुक्‍मा खाङ्‌मुमा, नुलोक मुमायु, सोम्‍कुवामुमायु,

२ तिमोथि 1:7

देकिनालो निनाम्‍हाङ्‌आ आन्‍कान क़माओ लावा माआङ, मेन सावा, सोम्‍तुक्‍मा खोन्‍कि आप्‍पि क़म्‍मान्‍चिन्‌ओ लावा म़पुवायुङ्‌सा।

१ पत्रुस 1:22

हान खानानिन अ़छ़ङ य़ङ्‌दा लोमाय़ङ्‌वा त़च़न्‌किना आम्‍नुओ मिन्‍मा त़सेङ्‌सुम्‌ओसा आम्‍नुओ साकोङ्‌छ़ङ कामु यावाचि सोमातुक्‍तानुम्‍च़म। अ़क्‍छा निएदा साकोङ्‌वादाङ्‌का राक्‌एनान सोम्‍तुक्‍मुवानिन।

१ युहन्‍ना 2:10

साङ्‌आ अ़निछा सोमातुक्‍तु, मो साम्‌दा युङ, खोन्‍कि खो मोदा धुङ्‌माओ अ़तुक्‌वाङा मात्‍द़ङ।

१ युहन्‍ना 2:29

ख्रिस्‍त साम्‌योक्‍मि म़मुयाङ निकिना खानानिन त़सिन्‍तुम्‌नालो खानानिन सिन्‍मादोत झारा नुलोक काच़चि निनाम्‍हाङ्‌एदाङ्‌का म़लिसाओ।

१ युहन्‍ना 2:3

आन्‍कान खोक्‍कोसोओ अ़चुलोमाय़ङ्‌चिवा च़न्‌नालो अ़नुछ्‍याङा आन्‍कान खोक्‍को सिन्‍तुम्‌योम निकिना ओ य़ङ्‌दाङ्‌काङा आन्‍कान सिन्‍मा ऱम।

१ युहन्‍ना 2:4

साङ्‌आ “खोक्‍को अ़ङ्‌का सिन्‍तुङ्‌योङ”नि य़ङ, मेन खोक्‍कोसोओ अ़चुलोमाय़ङ अ़लोउन्‌नालो मो सोज्‍जे ओ, खोन्‍किना मोएदा अ़छ़ङ मात्‍द़ङ।

१ युहन्‍ना 2:7

सोमातुक्‍नाङ्‌नानिन्‌ओ अ़ङ्‌यावाचि ओ, अ़ङ्‌का अ़ऩङ्‌वा लोमाय़ङ छाप्‍तुङ्‌योङ्‌ओ माआङ, मेन बुयाओ लोमाय़ङ्‌ङा ओ, मो अ़पुङ्‌चिपुक्‌दाङ्‌काङा खानानिन्‌एदा युङाङा।

१ युहन्‍ना 3:9

झारा निनाम्‍हाङ्‌दाङ्‌का म़लिसाओचिआ हेवा ऩमुनिन्‌युङ्‌निन, देकिनालो खोक्‍कोएदा निनाम्‍हाङ्‌ओ अ़चुच़माथाङ्‌मा याक, खोन्‍कि खो हेवा मुमायुङ्‌माङा अ़ऱनिन, देकिनालो खो निनाम्‍हाङ्‌एदाङ्‌का लिसाओ।

१ युहन्‍ना 4:11

सोमातुक्‍नाङ्‌नानिन्‌ओ यावाचि ओ, ओवात्‍नि निनाम्‍हाङ्‌आ ओन च़लोक आन्‍कान सोमाम़तुक्‍तानालो आन्‍कान्‌छाङ अ़क्‍छा निएदा सोमातुक्‍मुमादोत।

१ युहन्‍ना 4:12

साङ्‌आछाङ निनाम्‍हाङ देम्‍खाछाङ मान्‍खाङ्‌युक्‍तु। मेन आन्‍कान अ़क्‍छा निएदा सोमातुक्‍मुन्‌नालो निनाम्‍हाङ आन्‍कान्‌एदा म़युङ, खोन्‍कि खोक्‍कोसोओ अ़चुसोम्‍तुक्‍मा आन्‍कान्‌एदा ताला।

१ युहन्‍ना 4:16

खोन्‍कि ओवात्‍नि निनाम्‍हाङ्‌आ आन्‍कान सोमाम़तुक्‍ताओ आन्‍कान सिन्‍तुम्‌योम, खोन्‍कि साकोङ्‌छ़ङ मुन्‌येन। निनाम्‍हाङ सोमाकातुक म़युङ्‌याङ, खोन्‍कि साङ सोमातुक्‍मादा युङ, मो निनाम्‍हाङ्‌एदा युङ, खोन्‍कि निनाम्‍हाङ मोएदा म़युङ।

१ युहन्‍ना 4:20

साङ “अ़ङ्‌का निनाम्‍हाङ सोमातुक्‍तुङ”नि य़ङ, मेन अ़निछा अ़ऩङाछिरुनालो मो काम़प ओ, देकिनालो खोसाआ खाओ अ़निछाङा सोमामान्‍तुक्‍कादाआ मान्‍खाङ्‌युक्‍तुओ निनाम्‍हाङ सोमातुक्‍मा अ़ऱन।

१ युहन्‍ना 4:8

साङ खासोमाअ़तुक्‍निन, मोसाआ निनाम्‍हाङ अ़सिन्‍तुन, देकिनालो निनाम्‍हाङ सोमाकातुक म़मुयाङ।

१ युहन्‍ना 5:1

येसुङा ख्रिस्‍त म़युङ्‌याङ निकिना साकोङ्‌छ़ङ कामु झारा निनाम्‍हाङ्‌ओ अ़चुछा ओ। साङ्‌आ निनाम्‍हाङ पापा सोमातुक्‍तु, मोसाआ अ़चुछाछाङ सोमातुक्‍तु।

२ युहन्‍ना 1:5

खोन्‍कि मेत्‍छामा, अ़ङ्‌का खाना अ़क्‌तात अ़ऩङ्‌वा लोमाय़ङ छाप्‍तुङ्‌योङ्‌ओ माआङ, मेन मो बुयादाङ्‌काङा आन्‍कान्‌एदा युङाङा, आन्‍कान अ़क्‍छा निएदा सोमातुक्‍मुमादोत।