१ युहन्‍ना 4:6 - बान्‍तावा राई

⁶ आन्‍कान ना निनाम्‍हाङ्‌दाङ्‌का ओ। साङ्‌आ निनाम्‍हाङ सिन्‍तु मोसाआ आन्‌य़ङ एनु, खोन्‍कि साङ निनाम्‍हाङ्‌दाङ्‌काओ माआङ, मोसाआ आन्‌य़ङ अ़एनुन। ओदाङ्‌काङा आन्‍कान अ़छ़ङ लावा खोन्‍कि सोज्‍जेओ लावा सिन्‍मा ऱम।

१ युहन्‍ना 4:6 ပူးပေါင်းရင်းမြစ်များ

लुका 10:22

अ़ङ्‌पापाआ झारा सामाचिएदा पाङ्‌मुमा सावा अ़ङ्‌का ऩपुवाङ्‌युङ्‌साङ। निनाम्‍हाङ्‌ओ अ़चुछा साङ निकि अ़ङ्‌पापाएदाङ्‌का साङ्‌आछाङ अ़सिन्‍तुन। अ़ङ्‌पापा साङ निकिना अ़ङ्‌काएदाङ्‌का साङ्‌आछाङ अ़सिन्‍तुन। खोन्‍कि अ़ङ्‌का साङ्‌एदा खाङ मुमानि मिन्‍ङा, मोएदाङ्‌का नि साङ्‌आछाङ अ़ङ्‌पापा साङ निकिना अ़सिन्‍तुन।”

युहन्‍ना 10:16

अ़ङ्‌को नि अ़ङ्‌भेराचि म़युङ्‌याङ। मोचि ओ रुहुप्‌दाओचि माआङ। मोचिछाङ अ़ङ्‌का तात्‍माचिदोत। मोचिआ अ़ङ्‌य़ङ अ़एन, खोन्‍कि मोचि अ़क रुहुप्‌ओ म़लि, खोन्‍कि मोचिओ निम्‍पाङ अ़क्‍छाङा अ़चुकाखाङ्‌पा लि।

युहन्‍ना 10:27

अ़ङ्‌भेराचिआ अ़ङ्‌य़ङ अ़एन, खोन्‍कि मोचि अ़ङ्‌का सिन्‍तुङ्‌च़ङ, खोन्‍कि मोचिआ अ़ङ्‌का ऩत़ङ्‌ङा।

युहन्‍ना 10:3

लाप्‍तिखोप काहुङ्‍आ भेरा काखाङ्‌पाओ निम्‍पाङ लाप्‍तिखोप होत्‍तु प़, खोन्‍कि भेराचिआ भेरा काखाङ्‌पाओ अ़य़ङ अ़एन, खोन्‍कि खोसाआ अ़भेराचिओ अ़चुऩङ्‌लाम्‍पा बुत्‍तुचि, खोन्‍कि मोचि बुङ्‌खाह्‍यात्‍नि खात्‍तुचि।

युहन्‍ना 13:20

अ़नुछ्‍याङा अ़ङ्‌का खानानिन लोनानिन, साङ अ़ङ्‌का छुत्‍तुङ, खो कालोक्‌आ अ़ङ्‌का अ़लोक्‍ङा, खोन्‍कि अ़ङ्‌का कालोक्‌आ अ़ङ्‌का काछुत्‍पा लोउ।”

युहन्‍ना 14:17

खोक्‍को अ़छ़ङ ओ लावा म़मुयाङ, खोक्‍को हेन्‍खामाआ लोक्‍मा अ़ऱन, देकिनालो हेन्‍खामाआ खोक्‍को ना खा, ना सिन्‍तु। खानानिन्‌आ खोक्‍को त़सिन्‍तुम, देकिनालो खोक्‍को खानानिन्‌एनान म़याक, खोन्‍कि खोक्‍को खानानिन्‌एदा म़युङ्‌युङ।

युहन्‍ना 15:26

अ़ङ्‌का खानानिन्‌एदा यायोक काप़ तासुङ। खोक्‍को अ़छ़ङ्‌ओ लावा म़मुयाङ। खोक्‍को अ़ङ्‌पापादाङ्‌का खानानिन्‌एदा म़ताकि अ़ङ्‌तुक्‌वादा सालुम्‍स़ङ ऩप़न।

युहन्‍ना 16:13

अ़छ़ङ ओ लावा म़ताहिदा खोक्‍कोसाआ खानानिन झारा अ़छ़ङ्‌दा ऩतित्‍तिन। खोक्‍को आप्‍पिओ अ़चुपाङ्‌लाम्‍पा ऩचेप्‍तिन्‍प़न। खोक्‍कोसाआ दि अ़एन, मो अ़चेप, खोन्‍कि लिसि म़ताओ य़ङ्‌चि खानानिन खाऩएत्‍तिन।

युहन्‍ना 18:37

पिलातस्‌आ खोक्‍को सेनु, “दि खाना हाङ्‌ङा ओ म़ल़क?” येसुआ लासुलो, “खानानिन्‌ङा खोवात्‍नि त़य़ङिन्‌युङ्‌सिन म़ल़क। ओसोओ निम्‍पाङ अ़ङ्‌का लिसाङ ओ, खोन्‍कि ओ अ़छ़ङ य़ङ्‍ओ निकिना सालुम्‍स़ङ प़सि अ़ङ्‌का ओ हेन्‍खामादा ताङ्‌ओ। झारा साङ्‌आ अ़छ़ङ य़ङ त़ङ्‌तु, मोसाआ अ़ङ्‌य़ङ एनु।”

युहन्‍ना 20:21

खोन्‍कि येसुआ मोचि म़लासुलोचि, “खानानिन सेवाङ्‌नि लिसानिन! देत्‍नि पापा निनाम्‍हाङ्‌आ अ़ङ्‌का ऩछुत्‍ताङ, मोवात्‍निङा अ़ङ्‌काछाङ खानानिन छुत्‍नानिन।”

युहन्‍ना 8:19

मोचिआ खोक्‍को अ़सेना, “आम्‍पा खादा युङ्‌याङ?” येसुआ म़लोचि, “खानानिन्‌आ ना अ़ङ्‌का त़सिन्‍ङाऩङ ना अ़ङ्‌पापा त़सिन्‍तुम। खानानिन्‌आ त़सिन्‍ताङ्‌ऩङ्‌ओदे अ़ङ्‌पापाछाङ त़सिन्‍तुम्‌ओ।”

युहन्‍ना 8:23

खोन्‍किना खोक्‍कोसाआ मोचि म़लोचि, “खानानिन ह्‍युनाओचि ओ, अ़ङ्‌का धानाओ ओ। खानानिन ओ हेन्‍खामादाओचि ओ, अ़ङ्‌का ओ हेन्‍खामादाओ माआङ।

रोमि 1:1

अ़ङ्‌का पावल, येसु ख्रिस्‍तओ अ़चुहारुक, अ़क्‍छा छाम्‍माय़ङ लिसि ऩबुत्‍ताङ ओ, खोन्‍कि निनाम्‍हाङ्‌ओ अ़चुनुय़ङ्‌खान खालुसि ऩछेन्‍ताङ्‌ओ।

रोमि 11:8

ओवात्‍नि साम्‍कालिन य़ङ्‌याङ, “निनाम्‍हाङ्‌आ मोचिओ अ़चुसाकोङ्‌वाचि खोन्‍कि खारुचि खामान्‍सिन्‍कादा म़मेत्‍तुप़युङ्‌सुचि। ओवाको म़क म़प़युङ्‌सुचि, मोसाआ खाऩखाङ्‌निन्‍ने। खोन्‍कि ओवाको नाबाक म़प़युङ्‌सुचि, मोसाआ खाऩएन्‍निन्‍ने, खोन्‍कि आय़ओ लेन्‌तारिछाङ मोचि मोवात्‍निङा म़मुयाङ।”

१ कोरिन्‍थि 14:37

अ़क्‍छाआ निनाम्‍हाङ्‌य़ङ खाकालु माङ्‌लो लावामि म़नानि मित्‍नान्‍चिन्‌नालो दि अ़ङ्‌का छाप्‍तुङ्‌योङ, मो हाङ्‌पाओ अ़चुलोमाय़ङ्‍ओ निकिना मोसाआ लोउने।

२ कोरिन्‍थि 10:7

खानानिन अ़नुछ्‍याओ य़ङ्‌चि खानुम्‍च़म। साङ अ़ङ्‌का ख्रिस्‍तओ निकिना सोम्‍कुवा मुनालो खोसाआ मित्‍मादोत, देत्‍नि खो ख्रिस्‍तओ ओ, मोवात्‍नि आन्‍कान्‍काछाङ ख्रिस्‍तओङा ओ।

२ थेसलोनिकि 1:8

निनाम्‍हाङ मान्‍सिन्‍कादाचि खोन्‍कि आन्‍हाङ्‌पा येसु ख्रिस्‍तओ अ़चुनुय़ङ्‌खान मान्‍लोक्‍कादाचि खोक्‍कोसाआ दन्‍दा म़प़चि।

१ तिमोथि 4:1

सेङ्‌लावा नुलोक म़य़ङ्‌याङ, माय़ङ तायाङ्‌ओ ग़रिदा काम़प लावाचि खोन्‍कि चाकावालावाचिओ अ़चुलाम अ़त़ङ खोन्‍कि खा-खाक्‍कोचिआ अ़चुसाकोङ्‌छ़ङ अ़छित।

२ पत्रुस 3:2

बुया सेङ्‌याङ्‌ओ निनाम्‍हाङ्‌य़ङ खाकालुचिआ खोन्‍कि आम्‍नुओ छाम्‍माय़ङ्‌चिलाम्‍पा खाअ़लुसाओ आन्‍हाङ्‌पा खोन्‍कि कालेन्‍पाओ अ़चुलोमाय़ङ खानानिन्‌आ मित्‍मादोत।

१ युहन्‍ना 4:1

सोमातुक्‍नाङ्‌नानिन्‌ओ यावाचि ओ, झारा लावाचि साकोङ्‌छ़ङ मान्‍मुदानुम्‍च़म, मेन लावाचि निनाम्‍हाङ्‌दाङ्‌का म़ताओ हे माआङ, मोचि सिन्‍मा निम्‍पाङ चिन्‍ताखानुम्‍च़म, देकिनालो सोज्‍जेओ निनाम्‍हाङ्‌य़ङ खाकालुचि ओ हेन्‍खामादा झारादात्‍नि म़खारायुङ्‌सा।

१ युहन्‍ना 4:4

सोमातुक्‍नाङ्‌नानिन्‌ओ छाचि ओ, खानानिन निनाम्‍हाङ्‌दाङ्‌का ओ, खोन्‍कि सोज्‍जेओ निनाम्‍हाङ्‌य़ङ खाकालुचिएदा त़छोसिन्‌युङ्‌सिन। देकिनालो खानानिन्‌एदा कायुङ सेङ्‌लावा हेन्‍खामादाओ लावादाङ्‌का तोक्‍पो म़मुयाङ।

१ युहन्‍ना 4:8

साङ खासोमाअ़तुक्‍निन, मोसाआ निनाम्‍हाङ अ़सिन्‍तुन, देकिनालो निनाम्‍हाङ सोमाकातुक म़मुयाङ।

१ युहन्‍ना 5:19

आन्‍कान सिन्‍तुम्‌योम आन्‍कान निनाम्‍हाङ्‌ओ अ़चुछाचि ओ, खोन्‍कि झारा हेन्‍खामा सैतानाओ अ़क़म्‍मादा याक्‌याङ।

यहुदा 1:17

मेन सोमातुक्‍नाङ्‌नानिन्‌ओ यावाचि ओ, खानानिन्‌आ आन्‍हाङ्‌पा येसु ख्रिस्‍तओ अ़चुछाम्‍माय़ङ म़नाचिआ बुया खाअ़लुसाओ य़ङ्‌चि मित्‍तानुम्‍च़म।