१ युहन्‍ना 4:1 - बान्‍तावा राई

¹ सोमातुक्‍नाङ्‌नानिन्‌ओ यावाचि ओ, झारा लावाचि साकोङ्‌छ़ङ मान्‍मुदानुम्‍च़म, मेन लावाचि निनाम्‍हाङ्‌दाङ्‌का म़ताओ हे माआङ, मोचि सिन्‍मा निम्‍पाङ चिन्‍ताखानुम्‍च़म, देकिनालो सोज्‍जेओ निनाम्‍हाङ्‌य़ङ खाकालुचि ओ हेन्‍खामादा झारादात्‍नि म़खारायुङ्‌सा।

१ युहन्‍ना 4:1 ပူးပေါင်းရင်းမြစ်များ

मर्कुस 13:21

खोन्‍किना खा-खाक्‍कोसाआ ‘खानुम! ख्रिस्‍त ना ओदा म़युङ्‌याङ!’ माङ्‌लो ‘खानुम! मोदा म़युङ्‌याङ!’नि ऩलोन्‌नुछाङ मो साकोङ्‌छ़ङ मान्‍मुदानुम।

लुका 12:57

खोन्‍कि खानानिन खाक्‍को य़ङ तोङ्‌याङ निकिना आप्‍पि देकि अ़छ़ङ त़मुन्‍मिन्‌येन?

लुका 21:8

खोक्‍कोसाआ मोचि म़लासुलोचि, “चाप्‍चेत्‍तानिन्‍चिन, साङ्‌आछाङ खानानिन ऩथेम्‍सिमिन्‍ने। देकिनालो ब़द्‍धे म़नाचि अ़ङ्‌ऩङ्‌दा ‘अ़ङ्‌का ख्रिस्‍त ओ!’नि य़ङ्‌सा म़ता। खोन्‍कि ‘ग़रि ताचिआयुङ्‌सा!’नि म़य़ङ। मेन मोचि मान्‍त़ङ्‌दानुम्‍च़म।

छाम्‍माय़ङ 17:11

मोदाओ यहुदिचि थेसलोनिकेदाओ म़नाचिदाङ्‌का ब़द्‍धे कासिम्‍नान्‍चिन म़मुवाङा। खोन्‍कि पावल्‌आ खालुसुओ निनाम्‍हाङ्‌य़ङ मोचिआ मिन्‍मा पाक्‍सा अ़एना। पावल्‌आ चिन्‍तुङुचिओ य़ङ अ़नुछ्‍या हे माआङ निकिना मोचिआ अ़लेन्‍खिन्‍तुम साम्‍कालिन अ़खिप्‍ताकि नुलोक अ़तोङ्‌साखाङा।

छाम्‍माय़ङ 20:29

देकिनालो अ़ङ्‌का सिन्‍तुङ्‌योङ, अ़ङ्‌का खात्‍ङालोन्‍ङाकिना खोक्‍लि कुतिवाचिवाको क़माकात्‍तुओ म़नाचि आम्‍नुओ रादा म़ता, खोन्‍कि मोचिआ निनाम्‍हाङ्‌ओ अ़साम्‍भुङ दित्‍छाङ मान्‌युङ्‌माङ लुक्‍मा म़लाप।

१ कोरिन्‍थि 12:10

खा-खाक्‍को म़दोम्‍दाओ काचिचि मुमा सावा, खा-खाक्‍को निनाम्‍हाङ्‌य़ङ खालुमा, खा-खाक्‍को लावाचि छेन्‍मा, खा-खाक्‍को अ़खाला-अ़खालाओ निय़ङ्‌चि चेप्‍मा, खोन्‍कि खा-खाक्‍को मो य़ङ्‌चिओ अ़चुतुप्‍माय़ङ्‌चि फान्‍मा लावामि सावा म़प़।

१ कोरिन्‍थि 14:29

निनाम्‍हाङ्‌य़ङ खाकालुचि ह़वाङ माङ्‌लो सुम्‍पाङ म़चेप्‍ने, खोन्‍कि निचिआ मोचि म़चेप्‌ओ य़ङ नुलोक छ़ङ अ़छेन्‍ने।

१ थेसलोनिकि 5:20

निनाम्‍हाङ्‌य़ङ ऩङामान्‍छित्‌दानुम।

१ थेसलोनिकि 5:21

झारा य़ङ्‌चि चिन्‍ताखानुम्‍च़म। खाक्‍को य़ङ अ़नुवाक मुयाङ, मो य़ङ लावायुङ्‌सानुम।

२ थेसलोनिकि 2:2

हाङ्‌पाओ अ़लेन बुयाङा ताचिआयुङ्‌सा निकिना खा-खाक्‍कोचि म़य़ङ्‌नुछाङ, खानानिन च़क्‍नि त़दोम्‍तिन्‍दान्‍मिन्‍ने माङ्‌लो मान्‍क़दानिन। मोचिआ सेङ्‌लावादाङ्‌काओ माङ्‌लो खालुमाय़ङ्‌दाङ्‌काओ माङ्‌लो आन्‍कान्‍कालाम्‍पाओ छाप्‍लावावाको मुयाङ्‌नि म़य़ङ्‌नुछाङ खानानिन साकोङ्‌छ़ङ मान्‍मुदानुम।

१ तिमोथि 4:1

सेङ्‌लावा नुलोक म़य़ङ्‌याङ, माय़ङ तायाङ्‌ओ ग़रिदा काम़प लावाचि खोन्‍कि चाकावालावाचिओ अ़चुलाम अ़त़ङ खोन्‍कि खा-खाक्‍कोचिआ अ़चुसाकोङ्‌छ़ङ अ़छित।

२ तिमोथि 3:13

मेन अ़अ़त्‍पा म़नाचि खोन्‍कि काधान्‍चिआ निचि म़धान्‍तुचि खोन्‍कि मोचि आप्‍पि म़धान्‍नान्‍चिन्‌कि च़लोक अ़अ़त्‍पा लियाङ्‌सा म़खात।

२ पत्रुस 2:1

देत्‍नि म़नाचिओ अ़चुरादाछाङ सोज्‍जेओ निनाम्‍हाङ्‌य़ङ खाकालुचि म़युङाङा, मोवात्‍निङा आम्‍नुओ रादाछाङ सोज्‍जेओ काचिन्‍पाचि म़याक। मोचिआ मान्‍सिन्‍माङ सोज्‍जेओ लुक्‍खा ताया ऩचिन्‍तिन। ओदातारि हे तोक्‍पो अ़चुहाङ्‌पाछाङ मोचिआ ऩङाअ़छित, खोन्‍कि आप्‍पिएदा च़क्‍नि लुक्‍मा अ़तात।

१ युहन्‍ना 2:18

सोमातुक्‍नाङ्‌नानिन्‌ओ छाचि ओ, आदेङ्‌ओ ग़रि ओङा ओ। ख्रिस्‍तओ अ़चुङेङ तायाङ निकिना खानानिन्‌आ त़एनुम्‌युङ्‌सुम। ओन्‍ग़रिछाङ ख्रिस्‍तओ अ़चुङेङ्‌चि ब़द्‍धे म़ताचिआयुङ्‌सा। खोन्‌ओसा ओ आदेङ्‌ओ ग़रिओ निम्‍पाङ आन्‍कान सिन्‍तुम्‌योम।

१ युहन्‍ना 2:7

सोमातुक्‍नाङ्‌नानिन्‌ओ अ़ङ्‌यावाचि ओ, अ़ङ्‌का अ़ऩङ्‌वा लोमाय़ङ छाप्‍तुङ्‌योङ्‌ओ माआङ, मेन बुयाओ लोमाय़ङ्‌ङा ओ, मो अ़पुङ्‌चिपुक्‌दाङ्‌काङा खानानिन्‌एदा युङाङा।

२ युहन्‍ना 1:7

देकिनालो हेन्‍खामादा ब़द्‍धेकापाङ काधान्‌चि झारादात्‍नि म़खारायुङ्‌सा, मोचिआ येसु ख्रिस्‍त अ़चुपोक्‌दा म़ताओनि ऩय़ङ्‌निन। मोवाको म़नाङा काधान खोन्‍कि ख्रिस्‍तओ अ़चुङेङ ओ।

३ युहन्‍ना 1:11

सोमातुक्‍नाङ्‌नाओ यावा, अ़अ़त्‍पा य़ङ मान्‍खेङ्‌दो, मेन अ़नुवाक य़ङ ओन्‍ङा खेङ्‌सु। साङ नुलोक च़, मो निनाम्‍हाङ्‌दाङ्‌का ओ, साङ अ़त्‍लो च़, मोसाआ निनाम्‍हाङ मान्‍सिन्‌युक्‍तु।

खाङ्‌मुमा 2:2

खाना त़मुचिओ य़ङ्‌चि, आम्‍काचिचि खोन्‍कि खाना देत्‍नि त़आङ्‌तुओचि अ़ङ्‌का सिन्‍तुङ्‌योङ। खोन्‍कि खाना अ़अ़त्‍पा म़नाचि आङ्‌मा त़ऱन्‍चिन, मोचि आप्‍पि ‘छाम्‍माय़ङ्‌ओचि’नि ना म़लोनान्‍चिन, मेन माआङ। खोन्‍कि खाना मोचि त़चिन्‍तुखोचिहिदा सोज्‍जेओ त़धिरुचिओ अ़ङ्‌का सिन्‍तुङ्‌योङ।