१ युहन्‍ना 3:24 - बान्‍तावा राई

²⁴ झारा निनाम्‍हाङ्‌ओ अ़चुलोमाय़ङ्‌चि काकाङ निनाम्‍हाङ्‌एदा म़युङ, खोन्‍कि मोचिएदा निनाम्‍हाङ म़याक। खोक्‍कोसाआ आन्‍कान म़पुवाओ सेङ्‌लावालाम्‍पाङा निनाम्‍हाङ आन्‍कान्‌एदा म़युङ्‌याङ्‌ओ य़ङ आन्‍कान सिन्‍तुम्‌योम।

१ युहन्‍ना 3:24 ပူးပေါင်းရင်းမြစ်များ

युहन्‍ना 10:38

मेन अ़ङ्‌का अ़ङ्‌पापाओ अ़चुकाचि मुङ्‌नालो खानानिन अ़ङ्‌काएदा साकोङ्‌छ़ङ त़मुन्‍मिन्‌नुछाङ ओ म़दोम्‍दाओ काचिचिदा साकोङ्‌छ़ङ मुवानिन। खोन्‌ओसा खानानिन्‌आ सिन्‍मा त़ऱम खोन्‍कि त़तुप्‍तुम, पापा अ़ङ्‌काएदा म़याक्‌याङ खोन्‍कि अ़ङ्‌का पापाएदा याक्‍ङाङा।”

युहन्‍ना 14:17

खोक्‍को अ़छ़ङ ओ लावा म़मुयाङ, खोक्‍को हेन्‍खामाआ लोक्‍मा अ़ऱन, देकिनालो हेन्‍खामाआ खोक्‍को ना खा, ना सिन्‍तु। खानानिन्‌आ खोक्‍को त़सिन्‍तुम, देकिनालो खोक्‍को खानानिन्‌एनान म़याक, खोन्‍कि खोक्‍को खानानिन्‌एदा म़युङ्‌युङ।

युहन्‍ना 17:21

मोवात्‍नि मोचि झारा अ़क्‌तात म़लिने। आपो, देत्‍नि खानानिन अ़ङ्‌काएदा त़याइन्‌येन, खोन्‍कि अ़ङ्‌का खानानिन्‌एदा मोवात्‍निङा मोचिछाङ आन्‍काचिएदा म़याक्‍ने, खोन्‍कि खानानिन्‌आ अ़ङ्‌का त़छुत्‍ताङ्‌ऩङ्‍ओ निकिना हेन्‍खामादाओ म़नाचि साकोङ्‌छ़ङ म़मुने।

१ कोरिन्‍थि 3:16

दि खानानिन निनाम्‍हाङ्‌ओ अ़चुब़क्‍खाखिम खोन्‍कि निनाम्‍हाङ्‌ओ अ़चुलावा खानानिन्‌एदा म़याक निकिना त़सिन्‍तिमिन्‌येन?

१ कोरिन्‍थि 6:19

आम्‍नुओ पोक निनाम्‍हाङ्‌ओ सेङ्‌लावाओ अ़चुब़क्‍खाखिम्‌ओ निकिना दि खानानिन त़सिन्‍तिमिन्‌येन? मो सेङ्‌लावा खानानिन्‌आ निनाम्‍हाङ्‌दाङ्‌का त़तोक्‍तुम्‌युङ्‌सुम, खोन्‍कि खोक्‍को खानानिन्‌एदा म़याक। खानानिन्‌छाङ आम्‍नुओ माआङ।

२ कोरिन्‍थि 6:16

सेम्‍पोक्‌एनान निनाम्‍हाङ्‌ओ अ़चुब़क्‍खाखिम देत्‍नि तोङ्‌मा? देकिनालो आन्‍कान अ़ह़ङ निनाम्‍हाङ्‌ओ अ़चुब़क्‍खाखिम ओ। निनाम्‍हाङ ओवात्‍नि म़य़ङायुङ्‌सा, “‘अ़ङ्‌का मोचिएदा याक्‍ङा, खोन्‍कि मोचिओ अ़चुरादा कोन्‍ङा, खोन्‍कि अ़ङ्‌का मोचिओ अ़चुनिनाम्‍हाङ लिङा, खोन्‍किना मोचि अ़ङ्‌म़ना म़लि।’

१ थेसलोनिकि 4:8

खोन्‌ओसा साङ्‌आ ओ चिन्‍माय़ङ ऩङाछिरु, मोसाआ म़ना माआङ, मेन निनाम्‍हाङ ऩङाछिरु, खोक्‍कोसाआङा खानानिन अ़चुसेङ्‌लावा ऩप़न।

२ तिमोथि 1:14

खाना ऩपुवाओ अ़नुवाक य़ङ्‌चि आन्‍कान्‌एदा कायाक सेङ्‌लावाओ अ़सावाआ रात्‍तुयुङ्‌सु।

१ युहन्‍ना 2:24

खानानिन्‌आ बुयादाङ्‌का दि त़एनुम्‌युङ्‌सुम, मो खानानिन्‌एदा युङ्‌युङ्‌ने। बुयादाङ्‌काङा त़एनुम्‌ओ मो य़ङ खानानिन्‌एदा युङ्‌युङ्‌नालो खानानिन निनाम्‍हाङ्‌ओ अ़चुछा खोन्‍कि निनाम्‍हाङ पापाएदा त़युङिन।

१ युहन्‍ना 2:3

आन्‍कान खोक्‍कोसोओ अ़चुलोमाय़ङ्‌चिवा च़न्‌नालो अ़नुछ्‍याङा आन्‍कान खोक्‍को सिन्‍तुम्‌योम निकिना ओ य़ङ्‌दाङ्‌काङा आन्‍कान सिन्‍मा ऱम।

१ युहन्‍ना 2:5

मेन साङ्‌आ खोक्‍कोसोओ अ़चुय़ङ लोउ, खोएदा निनाम्‍हाङ्‌लिप्‍पाओ अ़चुसोम्‍तुक्‍मा अ़नुछ्‍याङा ताला। ओ य़ङ्‌दाङ्‌काङा आन्‍कान खोक्‍कोएदा याइन्‌येन्‌निओ य़ङ्‌दा आन्‍कान अ़छ़ङ लिसिन।

१ युहन्‍ना 2:6

साङ निनाम्‍हाङ्‌एदा युङ्‌ङानि य़ङ, खो ख्रिस्‍तओ अ़चुच़माथाङ्‌मावात्‍नि कोन्‍मादोत।

१ युहन्‍ना 3:22

खोन्‍कि आन्‍कान दि दोत्‍तुम, खोक्‍कोएदाङ्‌का तोक्‍तुम, देकिनालो आन्‍कान खोक्‍कोसोओ अ़चुलोमाय़ङ्‌चि काङ्‌सिन, खोन्‍कि खोक्‍कोसोओ अ़चुऩङानुलो काचि मुन।

१ युहन्‍ना 4:7

सोमातुक्‍नाङ्‌नानिन्‌ओ यावाचि ओ, आन्‍कान अ़क्‍छा निएदा सोमातुक्‍मुन्‍ने, देकिनालो सोम्‍तुक्‍मा निनाम्‍हाङ्‌एदाङ्‌का ता। खोन्‍कि झारा साङ खासोमातुक, खो निनाम्‍हाङ्‌एदाङ्‌का लिसाओ, खोन्‍कि मोसाआ निनाम्‍हाङ सिन्‍तु।