१ युहन्‍ना 3:20 - बान्‍तावा राई

²⁰ खाउग़रि आन्‍साकोङ्‌वाआ आन्‍कान लाहि म़पाक, देकिनालो निनाम्‍हाङ आन्‍साकोङ्‌वादाङ्‌का तोक्‍पो म़मुयाङ, खोन्‍कि खोक्‍कोसाआ झारा अ़सिन्‌याङ।

१ युहन्‍ना 3:20 ပူးပေါင်းရင်းမြစ်များ

युहन्‍ना 21:17

खोक्‍कोसाआ मो सुम्‌कादुओदु अ़लोवा, “युहन्‍नाओ अ़छा सिमोन, दि खाना अ़ङ्‌का सोमात़तुक्‍ङा?” पत्रुस्‌ओ अ़राक सुवा, देकिनालो खोक्‍कोसाआ सुम्‌कादुओदु “दि खाना अ़ङ्‌का सोमात़तुक्‍ङा?” निकिना खो अ़सेना। मोसाआ खोक्‍को लो, “हाङ्‌पो, खानानिन झारा त़सिन्‍तुम्‌योम, अ़ङ्‌का सोमातुक्‍नानिन निकिना खानानिन त़सिन्‍तुम्‌योम।” येसुआ खो अ़लोवा, “अ़ङ्‌भेराचि चान्‍तुचि।

युहन्‍ना 8:9

मोचिआ ओ य़ङ अ़एनाकिना अ़धिवादाङ्‌का म़पुङ्‌सान्‍चिन्‌कि अ़-अ़क्‍छा लियाङ्‌सा म़खारा। खोन्‍कि येसु ओन्‍ङा मो मेत्‍छामाएनान अ़छिरादा, खोन्‍कि मो मेत्‍छामा मोदाङा अ़चुबुदा एवायुङ्‌सा।

छाम्‍माय़ङ 5:33

ओ य़ङ धियायोक्‍खादाओ यहुदि बुसुवाचिआ अ़एनाकि मोचिओ चाअ़त्‍लो अ़चुमाइसुङ कारा, खोन्‍किना मोचिआ छाम्‍माय़ङ्‌चि सेत्‍मा म़लाप्‍तुचि।

रोमि 8:34

निनाम्‍हाङ्‌ओ अ़चुम़नाचि हेवामिचिओ निकिना लाहिपाक्‍मा काऱ साङ ओ? साङ्‌छाङ मात्‍द़ङ, देकिनालो ख्रिस्‍त आन्‍को निम्‍पाङ म़सुवा, मोदाङ्‌का च़लोक, खो म़सुवादाओदाङ्‌का अ़ह़ङ म़लिसा खोन्‍कि निनाम्‍हाङ्‌ओ अ़चुचुप्‍ताङ्‌छुक्‍लिप्‍पा म़युङ्‌याङ खोन्‍कि आन्‍को निम्‍पाङ याम़मात्‌याङ।

१ कोरिन्‍थि 4:4

अ़ङ्‌को अ़ङ्‌देङ्‌सालाप्‍पादा दि-दि युङ्‌याङ निकिना अ़ङ्‌का अ़सिन्‍ऩङ्‌ऩङ, मेन मोसाआ अ़ङ्‌का मान्‍ह़त्‍माय़ङ अ़कान्‍ऩङ। अ़ङ्‌छ़ङ काछेन ना हाङ्‌पाङा म़युङ्‌याङ।

तितस 3:11

ओवाको म़नाचि म़पोप्‍ताओ खोन्‍कि हेवा मुयाङ्‌सा अ़चुकाचिलाम्‍पा आप्‍पि हेवामिओनि खाङ्‌अ़मु निकिना खाना त़सिन्‍तुङुङा।

हिब्रु 4:13

निनाम्‍हाङ्‌ओ अ़चुखाङ्‌मादाङ्‌का मुन्‍माय़ङ दित्‍छाङ अ़कुम्‍निन। खोक्‍कोसोओ अ़चुबुदा झारा य़ङ्‌चि ऩदिप्‍निनिन, खोन्‍कि छेङ्‌छेङ्‌छेङ्‌वा म़मुयाङ। आन्‍कान मुम्‌ओ अ़छ़ङ य़ङ खोक्‍को खाएत्‍मादोत।

हिब्रु 6:13

निनाम्‍हाङ्‌आ अब्राहाम अ़हिप्‍ताङाहिदा किरे चामा खोक्‍कोएदाङ्‌का तोक्‍पो नि साङ्‌छाङ मात्‍द़ङ्‌याङ्‌ओसा आप्‍पि अ़चुऩङ्‌दा किरे म़चा।

१ युहन्‍ना 3:19

आन्‍कान ओदाङ्‌काङा अ़छ़ङ्‌दाओ निकिना आन्‍कान सिन्‍तुम, खोन्‍कि निनाम्‍हाङ्‌ओ अ़चुबुदा आन्‍साकोङ्‌वा सेवाङ्‌नि लु,

१ युहन्‍ना 3:21

सोमातुक्‍नाङ्‌नानिन्‌ओ यावाचि ओ, आन्‍साकोङ्‌वाआ आन्‍कान लाहि म़पाक्‍निन्‌नालो निनाम्‍हाङ्‌ओ अ़चुबुदा खात्‍मा आन्‍कान राक तोक्‍तुम।

१ युहन्‍ना 4:4

सोमातुक्‍नाङ्‌नानिन्‌ओ छाचि ओ, खानानिन निनाम्‍हाङ्‌दाङ्‌का ओ, खोन्‍कि सोज्‍जेओ निनाम्‍हाङ्‌य़ङ खाकालुचिएदा त़छोसिन्‌युङ्‌सिन। देकिनालो खानानिन्‌एदा कायुङ सेङ्‌लावा हेन्‍खामादाओ लावादाङ्‌का तोक्‍पो म़मुयाङ।

खाङ्‌मुमा 2:23

अ़ङ्‌का मो कात़ङ्‌चि सेरुङ्‌च़ङ। खोन्‍कि झारा साम्‍भुङ्‌चिआ अ़सिन, अ़ङ्‌का खोङा ओ, झारासोओ अ़चुमिन्‍माचि खोन्‍कि अ़चुसाकोङ्‌वाचि लामुङ्‌च़ङ, खोन्‍कि खानानिन झारासा त़मुम्‌ओ आम्‍नुओ काचिचिओ सिरिफा अ़ङ्‌का लानाप़नानिन।