१ युहन्‍ना 2:6 - बान्‍तावा राई

⁶ साङ निनाम्‍हाङ्‌एदा युङ्‌ङानि य़ङ, खो ख्रिस्‍तओ अ़चुच़माथाङ्‌मावात्‍नि कोन्‍मादोत।

१ युहन्‍ना 2:6 ပူးပေါင်းရင်းမြစ်များ

मत्‍ति 11:29

अ़ङ्‌कोम खुयानुम, खोन्‍कि अ़ङ्‌काएदाङ्‌का चिन्‍तानिन्‍चिन, देकिनालो अ़ङ्‌मिन्‍मा नोत्‌याङ्‌ओ खोन्‍कि कासिम्‍नान्‍चिन मुङाङा। खोन्‍किना खानानिन्‌आ आम्‍नुओ ह़ङ्‌म़ङ्‌चिदा सावातोम्‍मा त़तोक्‍तुम।

युहन्‍ना 13:15

अ़ङ्‌का खानानिन अ़क्‌तात अ़मात्‍ऩङ खाङ्‌मेत्‍नायुङ्‌नानिन, खोन्‍कि अ़ङ्‌का देत्‍नि आम्‍नुओ निम्‍पाङ चुवाङ, खानानिन्‌छाङ मोवात्‍निङा चुवानिन।

युहन्‍ना 15:10

अ़ङ्‌लोमाय़ङ्‌चि त़मुम्‍च़म्‌नालो खानानिन अ़ङ्‌सोमातुक्‍मादा त़याइन। मोवात्‍निङा अ़ङ्‌का अ़ङ्‌पापाओ अ़चुलोमाय़ङ्‌चि मुङ्‌युङ्‌सुङ्‌च़ङ खोन्‍कि खोक्‍कोसोओ अ़चुसोमातुक्‍मादा युङ्‌ङा।

१ कोरिन्‍थि 11:1

अ़ङ्‌का ख्रिस्‍त त़ङ्‌तुङ्‌वा खानानिन्‌छाङ अ़ङ्‌का कात़ङ लिसानिन।

एफिसि 5:2

देत्‍नि ख्रिस्‍तआ आन्‍कान सोमाम़तुक्‍ता खोन्‍कि निनाम्‍हाङ्‌ओ निम्‍पाङ नाम्‍नुयाङ्‌ओ छुक्‍दाम खोन्‍कि हेन्‍खोक्‌वावात्‍नि म़लिसाकि खोक्‍को आप्‍पि आन्‍को निम्‍पाङ म़सुवा, मोवात्‍नि खानानिन्‌छाङ सोमातुक मुवानिन।

१ पत्रुस 2:21

देकिनालो ओसोओ निकिना निनाम्‍हाङ्‌आ खानानिन ऩबुत्‍तिन्‌ओ। ख्रिस्‍तआछाङ आम्‍नुओ निम्‍पाङ दुखा अ़आङ्‌ताकि अ़क्‌तात अ़मात्‍ऩङ ऩछित्‍तिन्‍दान, खोन्‍कि खोक्‍कोसोओ अ़चुलाम्‌दा खानानिन्‌छाङ कोन्‍मादोत।

१ युहन्‍ना 2:28

खोन्‍कि हान अ़चुप्‍पो सोमातुक्‍निङ्‌निओ छाचि ओ, खोक्‍कोएदा युङायाक्‍तानिन, खोन्‌ओसा खोक्‍को खाङ्‌म़मुनान्‍चिन्‌ओ ग़रि आन्‍कान राक तोक्‍तुम्‍ने, खोन्‍कि खोक्‍कोसोओ अ़चुबुदा आन्‍कान लेजोदा अ़छुक्‍तिमिन्‍ने।

१ युहन्‍ना 2:4

साङ्‌आ “खोक्‍को अ़ङ्‌का सिन्‍तुङ्‌योङ”नि य़ङ, मेन खोक्‍कोसोओ अ़चुलोमाय़ङ अ़लोउन्‌नालो मो सोज्‍जे ओ, खोन्‍किना मोएदा अ़छ़ङ मात्‍द़ङ।

१ युहन्‍ना 3:24

झारा निनाम्‍हाङ्‌ओ अ़चुलोमाय़ङ्‌चि काकाङ निनाम्‍हाङ्‌एदा म़युङ, खोन्‍कि मोचिएदा निनाम्‍हाङ म़याक। खोक्‍कोसाआ आन्‍कान म़पुवाओ सेङ्‌लावालाम्‍पाङा निनाम्‍हाङ आन्‍कान्‌एदा म़युङ्‌याङ्‌ओ य़ङ आन्‍कान सिन्‍तुम्‌योम।

१ युहन्‍ना 3:6

खोक्‍कोएदा कायुङ साङ्‌छाङ हेवा अ़मुनिन्‌युङ्‌निन। हेवा कामुयुङ्‌आ ना खोक्‍को खायुङ्‌सु ना सिन्‍तुयुङ्‌सु।

१ युहन्‍ना 4:17

छ़ङ्‌छेन्‍माओ लेन्‌दा आन्‍कान क़मा अ़दोत्‍निन निकिना ओवात्‍निङा आन्‍कान्‌एदा अ़छ़ङ सोम्‍तुक्‍मा अ़तासाला, देकिनालो ख्रिस्‍त दियाको म़मुयाङ आन्‍कान्‌छाङ ओ हेन्‍खामादा मोवाकोङा मुन्‌येन।