१ युहन्‍ना 2:29 - बान्‍तावा राई

²⁹ ख्रिस्‍त साम्‌योक्‍मि म़मुयाङ निकिना खानानिन त़सिन्‍तुम्‌नालो खानानिन सिन्‍मादोत झारा नुलोक काच़चि निनाम्‍हाङ्‌एदाङ्‌का म़लिसाओ।

१ युहन्‍ना 2:29 ပူးပေါင်းရင်းမြစ်များ

युहन्‍ना 1:13

मोचि ह़लाम्‍पा, पोक मित्‍मालाम्‍पा माङ्‌नालो म़नाओ अ़मिन्‍मालाम्‍पा मुमाय़ङ माआङ, मेन मोचि निनाम्‍हाङ्‌एदाङ्‌का म़लिसाओ।

युहन्‍ना 7:18

साङ आप्‍पि अ़पाङ्‌लाम्‍पा चेप, मोसाआ आप्‍पिओ अ़साऩङ्‌वा लामु, मेन साङ्‌आ खो काछुत्‌ओ अ़साऩङ्‌वा लामु, मो अ़छ़ङ काचेप ओ, खोन्‍कि खोएदा म़प्‍माय़ङ अ़याक्‍निन।

छाम्‍माय़ङ 10:35

मेन झारा रावादा साङ्‌आ खोक्‍को कित्‍तु, खोन्‍कि निनाम्‍हाङ्‌ओ अ़मिन्‍मावा काचि मु, मो निनाम्‍हाङ्‌आ अ़लोक।

छाम्‍माय़ङ 22:14

खोन्‍किना खोसाआ अ़ङ्‌का अ़लोवाङ, ‘खाना आन्‍सुन्‍तुम्‌चिओ अ़चुनिनाम्‍हाङ्‌आ अ़चुमिन्‍मा सिन्‍सि खोन्‍कि साम्‌योक्‍मि येसु खाङ्‌सि खोन्‍कि खोक्‍कोसोओ अ़चुय़ङ एन्‍सि खाना ऩछेन्‍तायुङ्‌सा।

छाम्‍माय़ङ 3:14

मेन खानानिन सेङ्‌याङ्‌ओ खोन्‍कि साम्‌योक्‍मि येसु ऩङात़छिरुम्‌कि आम्‍नुओ निकि पिलातस्‌एदा अ़क्‍छा म़नाकासेत लेत्‍प़त़लुन।

२ कोरिन्‍थि 5:21

खोन्‌ओसा आन्‍कान खोक्‍कोएदा निनाम्‍हाङ्‌आ अ़नुवाक कान्‍मा म़ऱने निम्‍पाङ हेवाङा मान्‍मुकादा ख्रिस्‍त निनाम्‍हाङ्‌आ आन्‍को निम्‍पाङ हेवाओ हेन्‍खोक्‌वा अ़मुवा।

हिब्रु 7:26

आन्‍कान दोत्‌ओ मुलो काब़क्‍पा येसुङा ओ। खोक्‍को म़सेङ्‌याङ्‌ओ, थुपि मात्‍द़ङ्‌ओ, अ़च़क़ल़क, हेवामिचिदाङ्‌का अ़फेआकि निनाम्‍माचिदाङ्‌का धाना अ़झोइसा।

याकुब 1:18

खोक्‍कोसोओ तोक्‍पो अ़चुमित्‍चिऩङ्‌ओ अ़छ़ङ य़ङ्‌लाम्‍पा आन्‍कान म़मुया। खोवात्‍निओसा आन्‍कान खोक्‍कोसोओ झारा अ़चुमुन्‍माय़ङ्‌चिदाओ बुयाओ अ़सिवा लिसिन्‌युङ्‌सिन।

१ पत्रुस 1:23

निनाम्‍हाङ्‌ओ अ़ह़ङ खोन्‍कि अ़धुन युङ्‌युङ्‌ओ अ़चुय़ङ्‌लाम्‍पा, लुक्‍खात्‌ओ माआङ, मेन देम्‍खाछाङ अ़लुक्‍निन्‌ओ बिउलाम्‍पा खानानिन अ़ऩङ्‌वा त़लासिन्‍पुक्‍तिन्‌युङ्‌सिन्‍चिन।

१ पत्रुस 1:3

आन्‍हाङ्‌पा येसु ख्रिस्‍तओ अ़चुपा, निनाम्‍हाङ्‌ओ अ़चुऩङ्‌लोङ्‌ने! खोक्‍कोसोओ तोक्‍पो अ़चुसोम्‍तुक्‍माआ म़सुवादाओदाङ्‌का येसु ख्रिस्‍तओ अ़चुलामाखोन्‍मालोन्‍मालाम्‍पा आन्‍कान अ़ऩङ्‌वा ह़ङ्‌म़ङ तोक्‍तुम। हान आन्‍कान अ़ह़ङ सोम्‍कुवादा आन्‍कान अ़क्‌तात लिसिन्‌युङ्‌सिन।

१ पत्रुस 3:18

देकिनालो ख्रिस्‍त्‌छाङ आन्‍कान निनाम्‍हाङ्‌एदा तात्‍मा निम्‍पाङ साम्‌योक्‍मि म़ना मान्‍साम्‌योक्‍मिचिओ निकि खोक्‍को अ़धुन्‌ओ निम्‍पाङ हेवामिचिओ अ़चुफान्‌दा अ़क्‍दु म़सुवा। खोक्‍को पोक्‌दा म़सुवा, मेन लावादा म़खोन्‍तालोन्‍ता।

२ पत्रुस 1:4

ओलाम्‍पाङा अ़लुङ्‌स़रिओ खोन्‍कि तोक्‍पो अ़चुहिप्‍माय़ङ्‌चि आन्‍कान म़पुवायुङ्‌सा, खोन्‌ओसा ओ हेन्‍खामादाओ पोप्‍माय़ङ अ़अ़त्‍पा मित्‍माचिदाङ्‌का फुङ्‌सानिन खोन्‍किना खानानिन निनाम्‍हाङ्‌ओ अ़चुच़माथाङ्‌मादा वाङानिन।

१ युहन्‍ना 2:1

सोमातुक्‍नाङ्‌नानिन्‌ओ अ़ङ्‌छाचि ओ, खानानिन हेवा मान्‍मुदानिन निकिना अ़ङ्‌का ओ य़ङ छाप्‍तुङ्‌योङ। मेन साङ हेवा मुनुछाङ निनाम्‍हाङ पापाएदा आन्‍लिप्‍पादा काचेप अ़क्‍छा साम्‌योक्‍मि येसु ख्रिस्‍त म़युङ्‌याङ।

१ युहन्‍ना 3:5

आन्‍हेवा लेत्‍सि ख्रिस्‍त म़ताओ य़ङ खानानिन त़सिन्‍तुम्‌योम, खोन्‍कि खोक्‍कोएदा हेवा मात्‍द़ङ।

१ युहन्‍ना 3:7

सोमातुक्‍नाङ्‌नानिन्‌ओ अ़चुप्‍पो छाचि ओ, खाक्‍कोछाङ म़नाआ खानानिन ऩधान्‍तिमिन्‍ने! साङ अ़नुवाक काचि मु, मोङा साम्‌योक्‍मि ओ, येसु साम्‌योक्‍मि म़मुयाङ।

१ युहन्‍ना 4:7

सोमातुक्‍नाङ्‌नानिन्‌ओ यावाचि ओ, आन्‍कान अ़क्‍छा निएदा सोमातुक्‍मुन्‍ने, देकिनालो सोम्‍तुक्‍मा निनाम्‍हाङ्‌एदाङ्‌का ता। खोन्‍कि झारा साङ खासोमातुक, खो निनाम्‍हाङ्‌एदाङ्‌का लिसाओ, खोन्‍कि मोसाआ निनाम्‍हाङ सिन्‍तु।

१ युहन्‍ना 5:1

येसुङा ख्रिस्‍त म़युङ्‌याङ निकिना साकोङ्‌छ़ङ कामु झारा निनाम्‍हाङ्‌ओ अ़चुछा ओ। साङ्‌आ निनाम्‍हाङ पापा सोमातुक्‍तु, मोसाआ अ़चुछाछाङ सोमातुक्‍तु।

१ युहन्‍ना 5:18

आन्‍कान सिन्‍तुम्‌योम, आन्‍कान निनाम्‍हाङ्‌एदाङ्‌का लिसिन्‌ओ साङ्‌छाङ हेवा अ़मुनिन, मेन निनाम्‍हाङ्‌आङा मो अ़रात, खोन्‍कि सैतानाआ मो नोप्‍मा अ़ऱन।

१ युहन्‍ना 5:4

देकिनालो झारा निनाम्‍हाङ्‌दाङ्‌का म़लिसाओचिआ हेन्‍खामादा म़छो, खोन्‍कि हेन्‍खामादा काछो आन्‍सोम्‍कुवा ओ।

३ युहन्‍ना 1:11

सोमातुक्‍नाङ्‌नाओ यावा, अ़अ़त्‍पा य़ङ मान्‍खेङ्‌दो, मेन अ़नुवाक य़ङ ओन्‍ङा खेङ्‌सु। साङ नुलोक च़, मो निनाम्‍हाङ्‌दाङ्‌का ओ, साङ अ़त्‍लो च़, मोसाआ निनाम्‍हाङ मान्‍सिन्‌युक्‍तु।