१ युहन्‍ना 2:18 - बान्‍तावा राई

¹⁸ सोमातुक्‍नाङ्‌नानिन्‌ओ छाचि ओ, आदेङ्‌ओ ग़रि ओङा ओ। ख्रिस्‍तओ अ़चुङेङ तायाङ निकिना खानानिन्‌आ त़एनुम्‌युङ्‌सुम। ओन्‍ग़रिछाङ ख्रिस्‍तओ अ़चुङेङ्‌चि ब़द्‍धे म़ताचिआयुङ्‌सा। खोन्‌ओसा ओ आदेङ्‌ओ ग़रिओ निम्‍पाङ आन्‍कान सिन्‍तुम्‌योम।

१ युहन्‍ना 2:18 ပူးပေါင်းရင်းမြစ်များ

मत्‍ति 24:11

ब़द्‍धे सोज्‍जेओ निनाम्‍हाङ्‌य़ङ खाकालुचि म़लोन्‌कि ब़द्‍धे म़नाचि म़थेम्‍सुखात्‍तुचि।

मत्‍ति 24:24

देकिनालो सोज्‍जेओ ख्रिस्‍तचि, खोन्‍कि सोज्‍जेओ निनाम्‍हाङ्‌य़ङ खाकालुचि म़लोन, खोन्‍कि लिमा ऱनालो छेन्‍माय़ङ्‌चिछाङ थेम्‍माखात्‍माचि निम्‍पाङ अ़धिवो बुन्‌चि खोन्‍कि म़दोम्‍दाओ काचिचिछाङ म़मुचि।

मत्‍ति 24:5

देकिनालो ब़द्‍धे म़नाचि अ़ङ्‌ऩङ्‌दा ‘अ़ङ्‌का ख्रिस्‍त ओ!’नि य़ङ्‌सा म़ता, खोन्‍किना ब़द्‍धे म़नाचि म़थेम्‍सुचि।

मर्कुस 13:6

देकिनालो ब़द्‍धे म़नाचि अ़ङ्‌ऩङ्‌दा ‘अ़ङ्‌का ख्रिस्‍त ओ!’नि य़ङ्‌सा म़ता। खोन्‍किना ब़द्‍धे म़नाचि म़थेम्‍सुचि।

युहन्‍ना 21:5

येसुआ मोचि म़लोचि, “छाचि ओ, खानानिन्‌एदा देम ङाचि म़युङ्‌याङ?” मोचिआ खोक्‍को अ़लासालोवा, “मात्‍द़ङ।”

रोमि 13:11

ग़रि नेक्‍तातायुङ्‌सा, मो खानानिन त़सिन्‍तुम्‌योम। हान आम्‍नुओ निम्‍पाङ दुखुप्‌दाङ्‌का थिन्‍मा ग़रि तादिसायुङ्‌सा, देकिनालो आन्‍कान बुया साकोङ्‌छ़ङ मुम्‌ओदाङ्‌का आइमित आन्‍लेन्‍मा च़लोक नेक्‍तातायुङ्‌सा।

रोमि 13:12

अ़खाखुत खाराचिआ खोन्‍कि लेन च़क्‌दा ताचिआ। खोन्‌ओसा कुन्‌यामादाओ काचिचि छिरुम्‍च़म्‌कि आन्‍कान साम्‌ओ अ़बान्‍छुबिछु लोउम्‍ने।

हिब्रु 1:2

मेन ओ आदेङ्‌ओ लेन्‍चिदा खोक्‍को अ़चुछालाम्‍पा आन्‍कान्‌एनान म़चेवायुङ्‌सा। अ़चुछाङा खोक्‍कोसाआ झारा य़ङ्‌चिओ पाङ्‌यि कातोक अ़मुवायुङ्‌सा, खोक्‍कोलाम्‍पाङा हेन्‍खामाछाङ अ़मुया।

१ पत्रुस 1:20

खोक्‍को हेन्‍खामा मुन्‍मादाङ्‌का बुयाङा निनाम्‍हाङ्‌आ अ़छेन्‍तायुङ्‌सा, मेन आम्‍नुओ निकिना आदेङ्‌माङ खोक्‍को खाङ्‌अ़मुसा।

१ पत्रुस 1:5

खानानिन्‌आ आम्‍नुओ साकोङ्‌छ़ङ्‌लाम्‍पा अ़चुसावादा लेन्‍मा मान्‍तोक्‍त़युक्‍तुम्‌तारि निनाम्‍हाङ्‌आ खानानिन ऩरात्‍तिन। मो लेन्‍मा आदेङ्‌माङ्‌ओ लेन्‌दा खाङ्‌मेत्‍मा निम्‍पाङ खोक्‍कोसाआ अ़चुम्‍सायुङ्‌सा।

१ पत्रुस 4:7

झारा य़ङ्‌चिओ अ़चुलुक्‍माखात्‍मा च़क्‌दा ताचिआयुङ्‌सा। खोन्‌ओसा खारुच़ङ्‌तानुम खोन्‍कि आम्‍नुओ यामात्‍माओ निम्‍पाङ चाप्‍चेत्‍तानिन्‍चिन।

२ पत्रुस 2:1

देत्‍नि म़नाचिओ अ़चुरादाछाङ सोज्‍जेओ निनाम्‍हाङ्‌य़ङ खाकालुचि म़युङाङा, मोवात्‍निङा आम्‍नुओ रादाछाङ सोज्‍जेओ काचिन्‍पाचि म़याक। मोचिआ मान्‍सिन्‍माङ सोज्‍जेओ लुक्‍खा ताया ऩचिन्‍तिन। ओदातारि हे तोक्‍पो अ़चुहाङ्‌पाछाङ मोचिआ ऩङाअ़छित, खोन्‍कि आप्‍पिएदा च़क्‍नि लुक्‍मा अ़तात।

२ पत्रुस 3:3

झारादाङ्‌का बुया खानानिन्‌आ ओ तुप्‍माङादोत, आदेङ्‌ओ लेन कासुङ्‌चि सुङ्‌याङ्‌सा मोचिओ अ़चुअ़त्‍लो मित्‍मादा म़ता।

१ युहन्‍ना 2:22

काम़प साङ ओ? साङ्‌आ येसुङा ख्रिस्‍तओ निकिना ऩङाछिरु खोङा ओ। साङ्‌आ निनाम्‍हाङ पापा खोन्‍कि अ़चुछा ऩङाअ़छित, ओङा ख्रिस्‍तओ अ़चुङेङ ओ।

१ युहन्‍ना 4:1

सोमातुक्‍नाङ्‌नानिन्‌ओ यावाचि ओ, झारा लावाचि साकोङ्‌छ़ङ मान्‍मुदानुम्‍च़म, मेन लावाचि निनाम्‍हाङ्‌दाङ्‌का म़ताओ हे माआङ, मोचि सिन्‍मा निम्‍पाङ चिन्‍ताखानुम्‍च़म, देकिनालो सोज्‍जेओ निनाम्‍हाङ्‌य़ङ खाकालुचि ओ हेन्‍खामादा झारादात्‍नि म़खारायुङ्‌सा।

१ युहन्‍ना 4:3

खोन्‍कि येसु मान्‍लोक्‍कादा झारा लावा निनाम्‍हाङ्‌दाङ्‌काओ माआङ। मेन मो लावा ना ख्रिस्‍तओ अ़चुङेङ्‌दाङ्‌का ओ। मो तायाङ्‌ओ अ़तुक्‌वादा खानानिन्‌आ त़एनुम्‌युङ्‌सुम, खोन्‍कि ओन्‍ग़रि मो हेन्‍खामादा ताचिआयुङ्‌सा।

२ युहन्‍ना 1:7

देकिनालो हेन्‍खामादा ब़द्‍धेकापाङ काधान्‌चि झारादात्‍नि म़खारायुङ्‌सा, मोचिआ येसु ख्रिस्‍त अ़चुपोक्‌दा म़ताओनि ऩय़ङ्‌निन। मोवाको म़नाङा काधान खोन्‍कि ख्रिस्‍तओ अ़चुङेङ ओ।

यहुदा 1:18

मोचिआ खानानिन ऩलोन्‌युङ्‌सिन ओ, “आदेङ्‌ओ ग़रिदा निनाम्‍हाङ कासुङ्‌चि म़ताकि अ़चुओ मान्‍साम्‌योक्‍मि अ़त्‍लो मिन्‍मादा म़वाङ।”