१ युहन्‍ना 2:15 - बान्‍तावा राई

¹⁵ हेन्‍खामा सोमामान्‍तुक्‍दानुम ना हेन्‍खामादाओ सामाचिङा सोमातुक्‍तानुम्‍च़म। साङ्‌आ हेन्‍खामा सोमातुक्‍तुनालो निनाम्‍हाङ पापाआ मो सोमाअ़तुक्‍तुन।

१ युहन्‍ना 2:15 ပူးပေါင်းရင်းမြစ်များ

मत्‍ति 4:8

सैतानाआ येसु अ़न्‍नुनु झोन्‍ताङाओ भ़ऱदु लासुखात्‍तु, खोन्‍कि हेन्‍खामादाओ झारा हाङ्‌होन्‌चि खोन्‍कि मोसोओ तोक्‍पो अ़खान्‍नुमा सावा खाङ्‌मेत्‍तु।

मत्‍ति 6:24

साङ्‌आछाङ ह़वाङ अ़हाङ्‌पाचि ब़त्‍मा अ़ऱन्‍चिन। देकिनालो मोसाआ अ़क्‍छा ऩङाछिरु, खोन्‍कि नि सोमातुक्‍तु, माङ्‌नालो मोसाआ अ़क्‍छा साया मेत्‍तु खोन्‍कि नि साया पेप्‍तु। खानानिन्‌आ निनाम्‍हाङ खोन्‍कि चासुम्‍छेन्‍बि ह्‍वातात्‍माङ ब़त्‍मा त़ऱन्‍मिन।

लुका 16:13

खाक्‍कोछाङ हारुक्‌आ ह़वाङ अ़हाङ्‌पाचि ब़त्‍मा अ़ऱन्‍चिन। देकिनालो मोसाआ अ़क्‍छा ऩङाछिरु, खोन्‍कि नि सोमातुक्‍तु माङ्‌नालो मोसाआ अ़क्‍छा साया मेत्‍तु, खोन्‍कि नि ऩङाछिरु। खानानिन्‌आ निनाम्‍हाङ खोन्‍कि चासुम्‍छेन्‍बि ह्‍वातात्‍माङ ब़त्‍मा त़ऱन्‍मिन।”

युहन्‍ना 15:19

खानानिन ओ हेन्‍खामादाओ खाङ्‌देना हेन्‍खामाआ खानानिन आप्‍पिओ त़मित्‍तिन्‌कि सोमाऩतुक्‍तिन्‌ओ। मेन खानानिन ओ हेन्‍खामाओ माआङ। मेन खानानिन ओ हेन्‍खामादाङ्‌का अ़ङ्‌का छेन्‍नानिन, खोन्‌ओसा हेन्‍खामाआ खानानिन ऩङात़छिरिन।

रोमि 12:2

ओ हेन्‍खामादाओ अ़च़माथाङ्‌माचिवा मान्‍च़दानिन, मेन आम्‍नुओ मिन्‍मादा अ़ऩङ्‌वा लिसानिन्‌कि झारा फान्‍तानिन्‍चिन। खोन्‍किना निनाम्‍हाङ्‌ओ अ़नुवाक, अ़चुऩङानुओ खोन्‍कि अ़छ़ङ अ़चुमिन्‍मा दि ओ, मो खानानिन्‌आ सिन्‍मा त़ऱम।

गलाति 1:10

दि अ़ङ्‌का म़नाचिओ अ़चुचोन्‍मा लामुङ्‌योङ ओ, हे निनाम्‍हाङ ओ? माङ्‌लो दि अ़ङ्‌का म़नाचिओ अ़चुऩङानुमा लाप्‍तुङ्‌योङ्‌च़ङ? मोवात्‍नि च़लोक हान्‍छाङ म़नाचिओ अ़चुऩङानुमा लाप्‍तुङ्‌योङ्‌च़ङ्‌नालो अ़ङ्‌का ख्रिस्‍तओ अ़चुहारुक मान्‍लिङा ओ।

एफिसि 2:2

मोन्‍ग़रि खानानिन ओ हेन्‍खामादाओ अ़अ़त्‍पा लाम्‌दा त़कोलिन्‌येन। खानानिन्‌आ नाम्‍छ़ऱदुओ सावाओ अ़हाङ्‌पा त़त़ङ्‌तुम्‌योम, मो लावाङा निनाम्‍हाङ्‌आ लोमाय़ङ्‌वा मान्‍च़कादा छाचिएदा आइमित काचि मुयाङ।

१ तिमोथि 6:10

देकिनालो याङ सोमातुक्‍माङा झारापाराओ अ़अ़त्‍पाओ अ़भेन ओ। याङ्‍ओ च़क्‍ख़य़दा म़छुक्‍ताकि खा-खाक्‍कोचि साकोङ्‌छ़ङ्‌दाङ्‌का नि लाम्‌दा म़वाङायुङ्‌सा, खोन्‍कि ब़द्‍धे दुखाचिआ मोचिओ अ़चुसाकोङ्‌वाचि धुउयुङ्‌सु।

याकुब 1:27

आन्‍निनाम्‍हाङ पापाओ अ़चुबुदा सेङ्‌याङ्‌ओ खोन्‍कि मान्‍पोप्‌ओ साम्‌योक ओङा ओ: अ़चाअ़त्‍मादा म़छुक्‍ताओ हेत्‍छाकुवाचि खोन्‍कि मेन्‍मित्‍माचि खाङ्‌माचि खोन्‍कि हेन्‍खामादाओ अ़अ़त्‍पा य़ङ्‌चिदाङ्‌का मान्‍पोप्‌दामान्‍चिन ओ।

याकुब 4:4

ताङ्‌लान कामु म़नाचि ओ, हेन्‍खामाएनान यावाकामु ना निनाम्‍हाङ्‌ओ अ़चुङेङ्‌ओनि दि खानानिन त़सिन्‍तिमिन्‌येन? खोन्‌ओसा साङ हेन्‍खामाओ अ़यावा लिमा लाम, मो निनाम्‍हाङ्‌ओ अ़चुङेङ लि।

१ युहन्‍ना 3:17

मेन हेन्‍खामादाओ चासुम्‍छेन्‍बि कातोक्‌आ साकोङ्‌छ़ङ कामु हाप्‍ताओ खाकिछाङ अ़साकोङ्‌वा खोएदा छाक्‍लो मुनालो निनाम्‍हाङ्‌ओ अ़चुसोम्‍तुक्‍मा मोएदा देत्‍नि याक?

१ युहन्‍ना 4:5

मोचि हेन्‍खामादाङ्‌काओचि ओ, खोन्‌ओसा हेन्‍खामादाओ य़ङ म़चेप, खोन्‍कि मोचि म़चेप्‌ओ य़ङ हेन्‍खामादाओ म़नाचिआ अ़एन।

१ युहन्‍ना 5:10

साङ निनाम्‍हाङ्‌ओ अ़चुछाएदा साकोङ्‌छ़ङ मु, मोसोओ अ़साकोङ्‌वादा ओ सालुम्‍स़ङ याक। साङ्‌आ निनाम्‍हाङ साकोङ्‌छ़ङ अ़मुन, मोसाआ निनाम्‍हाङ काम़प काइसु। देकिनालो निनाम्‍हाङ्‌आ अ़चुछाओ अ़तुक्‌वादा अ़पुवाओ अ़चुसालुम्‍स़ङ्‌दा मोसाआ साकोङ्‌छ़ङ मान्‍मुयुक्‍तु।