१ युहन्‍ना 2:12 - बान्‍तावा राई

¹² सोमातुक्‍नाङ्‌नानिन्‌ओ अ़ङ्‌छाचि ओ, अ़ङ्‌का खानानिन छाप्‍नाङ्‌नानिन, देकिनालो ख्रिस्‍तओ अ़चुऩङ्‌दा आम्‍नुओ हेवाचि ऩलेत्‍तिन्‍प़न्‌युङ्‌सिन।

१ युहन्‍ना 2:12 ပူးပေါင်းရင်းမြစ်များ

लुका 24:47

खोन्‍कि ‘देत्‍नि हेवादाङ्‌का लामाकि हेवा लेत्‍माय़ङ तोक्‍तिन’निओ य़ङ यरुसलेम्‌दाङ्‌का पुङ्‌किना झाराकारावाचितारि ख्रिस्‍तओ अ़चुऩङ्‌दा खालुमादोत।

लुका 5:20

मोचिओ अ़चुसाकोङ्‌छ़ङ अ़खाकि येसुआ मो अ़लोवा, “यावा, अ़ङ्‌का आम्‍हेवाचि लेत्‍नायुङ्‌ना।”

छाम्‍माय़ङ 10:43

झारा निनाम्‍हाङ्‌य़ङ खाकालुचिआ ओक्‍को येसुओ अ़तुक्‌वादा सालुम्‍स़ङ अ़पुवायुङ्‌सा, ‘खोक्‍कोसोओ अ़चुऩङ्‌दा साकोङ्‌छ़ङ कामुचि साङ्‌नुछाङ निनाम्‍हाङ्‌आ अ़चुहेवाचि म़लेत्‍तुप़चि।’”

छाम्‍माय़ङ 13:38

खोन्‌ओसा अ़ङ्‌द़क्‍छाबुवाचि ओ, खानानिन्‌आ सिन्‍तानुम, ओ येसुलाम्‍पा निनाम्‍हाङ्‌आ आम्‍नुओ हेवा ऩलेत्‍तिन्‍प़न निकिना आन्‍काच्‍या खानानिन नुय़ङ्‌खान खाएत्‍निङ्‌नि।

छाम्‍माय़ङ 4:12

खोन्‍कि येसुएदाङ्‌का नि साङ्‌आछाङ लेन्‍मा म़ऱनिन, देकिनालो ओ झारा हेन्‍खामादा आन्‍कान हेवादाङ्‌का लेन्‍मा निम्‍पाङ निनाम्‍हाङ्‌आ येसुओ अ़ऩङ ओन्‍ङा म़पुवायुङ्‌सा।”

१ कोरिन्‍थि 6:11

खा-खाक्‍को खानानिन्‌छाङ ओवाकोङा त़मुन्‌येन। मेन खानानिन वाऩस़न्‌युङ्‌सिन, खानानिन त़सेङिन्‌युङ्‌सिन, हाङ्‌पा येसु ख्रिस्‍तओ अ़चुऩङ्‌दा खोन्‍कि आन्‍निनाम्‍हाङ्‌ओ अ़चुलावालाम्‍पा खानानिन निनाम्‍हाङ्‌ओ अ़चुबुदा साम्‌योक्‍मि ऩकाइसिन्‌युङ्‌सिन।

एफिसि 1:7

निनाम्‍हाङ्‌ओ अ़न्‍नुनु अ़चुसोम्‍तुक्‍माआ ख्रिस्‍तओ अ़चुहेन्‍खोक्‌वालाम्‍पा खोक्‍कोसाआ म़फोङ्‌सा खोन्‍कि आन्‍हेवाचि म़लेत्‍ता।

एफिसि 4:32

निनाम्‍हाङ्‌आ ख्रिस्‍तदा खानानिन ऩलेत्‍तिन्‌वात्‍निङा अ़क्‍छा निएदा लेत्‍मुवानिन, खोन्‍कि खानानिन अ़क्‍छा निएदा अ़नुवाक साकोङ्‌वा खोन्‍कि सोमाकातुक लिसानिन।

कलस्‍सि 1:14

खोक्‍कोसाआ म़फोङ्‌सा खोन्‍कि आन्‍हेवाचि म़लेत्‍ता।

१ युहन्‍ना 1:4

आन्‍ऩङानुसिन्‍चिन्‍ने निकिना आन्‍कान्‍का ओ य़ङ्‌चि छाप्‍तुम्‌योम्‍च़म्‍का।

१ युहन्‍ना 1:7

मेन खोक्‍को साम्‌दा म़मुयाङ्‌वात्‍निङा आन्‍कान्‌छाङ साम्‌दा कोलिन्‌नालो अ़क्‍छा निएदा आन्‌यावायोक लि, खोन्‍कि निनाम्‍हाङ्‌ओ अ़चुछा येसुओ अ़चुह़आ झारा आन्‍हेवादाङ्‌का म़सेङ।

१ युहन्‍ना 1:9

आन्‍कान आन्‍हेवाचि निनाम्‍हाङ्‌ओ अ़चुबुदा लोउम्‍च़म्‌नालो खोक्‍कोसाआ आन्‍हेवाचि आन्‍कान म़लेत प़, खोन्‍कि झारा मान्‍साम्‌योक्‍मिचिदाङ्‌का म़सेङ, देकिनालो खोक्‍को साकोङ्‌छ़ङ मुमा खान्‍तुओ खोन्‍कि साम्‌योक्‍मि म़मुयाङ।

१ युहन्‍ना 2:1

सोमातुक्‍नाङ्‌नानिन्‌ओ अ़ङ्‌छाचि ओ, खानानिन हेवा मान्‍मुदानिन निकिना अ़ङ्‌का ओ य़ङ छाप्‍तुङ्‌योङ। मेन साङ हेवा मुनुछाङ निनाम्‍हाङ पापाएदा आन्‍लिप्‍पादा काचेप अ़क्‍छा साम्‌योक्‍मि येसु ख्रिस्‍त म़युङ्‌याङ।

१ युहन्‍ना 2:21

खानानिन अ़छ़ङ त़सिन्‍तिमिन्‌येन निकिना अ़ङ्‌का छाप्‍तुङ्‌ओ माआङ, मेन खानानिन्‌आ अ़छ़ङ त़सिन्‍तुम्‌योम निकिना छाप्‍तुङ्‌ओ। देकिनालो अ़छ़ङ्‌दा म़प्‍मा अ़याक्‍निन निकिना खानानिन्‌आ त़सिन्‍तुम्‌योम।

१ युहन्‍ना 2:7

सोमातुक्‍नाङ्‌नानिन्‌ओ अ़ङ्‌यावाचि ओ, अ़ङ्‌का अ़ऩङ्‌वा लोमाय़ङ छाप्‍तुङ्‌योङ्‌ओ माआङ, मेन बुयाओ लोमाय़ङ्‌ङा ओ, मो अ़पुङ्‌चिपुक्‌दाङ्‌काङा खानानिन्‌एदा युङाङा।