१ युहन्‍ना 2:11 - बान्‍तावा राई

¹¹ मेन साङ्‌आ अ़निछा ऩङाछिरु, मो कुन्‌यामादा युङ्‌याङ, खोन्‍कि कुन्‌यामादा कोन, खोन्‍कि खो खादात्‍नि खात्‌याङ मोसाआ अ़सिन्‍तुन्‌योन, देकिनालो कुन्‌यामाआ मोसोओ अ़म़क दोप्‍म़क मुयुङ्‌सु।

१ युहन्‍ना 2:11 ပူးပေါင်းရင်းမြစ်များ

युहन्‍ना 12:35

येसुआ मोचि म़लासुलोचि, “हान्‍छाङ अ़क्‍चित्‌तारि साम खानानिन्‌एदा युङ। साम खानानिन्‌एदा युङ्‌याङ्‌तारि कोलानिन, खोन्‌ओसा कुइयामाआ खानानिन त़भुक्‍तिमिन्‍ने। साङ कुइयामादा कोन, मोसाआ खो खादात्‍नि खात्‌ओ अ़सिन्‍तुन।

युहन्‍ना 12:40

“खोक्‍कोसाआ मोचिओ अ़चुम़क्‌चि दोप्‍म़क म़मेत्‍तुप़युङ्‌सुचि, खोन्‍कि मोचिओ अ़चुसाकोङ्‌वाचि छाक्‍लो म़मेत्‍तुप़युङ्‌सुचि। ओवात्‍नि मोचिआ अ़चुम़क्‌चिआ ऩखान्‍ने, खोन्‍कि अ़चुसाकोङ्‌वाचिआ ऩतुप्‍तुन्‍ने, खोन्‍कि मोचि नुमाचिओ निम्‍पाङ अ़ङ्‌काएदा ऩलानिन्‍नेनि निनाम्‍हाङ म़य़ङ्‌याङ।”

२ कोरिन्‍थि 3:14

मेन मोचिओ अ़चुसाकोङ्‌वा छाक्‍ताखारायुङ्‌सा, आय़ओ लेन्‌तारि बुयाओ हिप्‍माय़ङ खिप्‌हिदा मो मुन्‍जेत मान्‍होङ्‌माङ युङ्‌युङ। देकिनालो मो मुन्‍जेत ख्रिस्‍तलाम्‍पा ओन्‍ङा लात्‍खान।

२ कोरिन्‍थि 4:4

ओ हेन्‍खामादाओ माङ्‌आ साकोङ्‌छ़ङ मान्‍मुकादाचिओ अ़चुमिन्‍माचि दोप्‍म़क म़मेत्‍तुप़युङ्‌सुचिओसा ख्रिस्‍तओ साम्‍स़रिओ अ़चुनुय़ङ्‌खान खाङ्‌मादाङ्‌का म़छेक्‍तुचि। ख्रिस्‍त निनाम्‍हाङ्‌ओ अ़चुकात्‍मावा म़कात्‌याङ।

तितस 3:3

देकिनालो आन्‍कान आप्‍पिछाङ अ़क्‍दु खामान्‍सिन, लोमावा मान्‍च़कादा खोन्‍कि लाम मान्‍तुम्‍केसुम्‌युङ्‌सुम। आन्‍कान झाराकापाराओ राका खोन्‍कि ताकावा च़माओ अ़हारुक्‌चि मुन्‌येन। आन्‍ह़ङ्‌म़ङ अ़त्‍लो मित्‍मा खोन्‍कि छुन्‌दा खाइसुम्‌योम, चिप्‍माकात्‍लो मुन्‌येन, खोन्‍कि अ़क्‍छा निआ चिप्‍मा कात्‍काकात मुन्‌येन।

२ पत्रुस 1:9

मेन साङ्‌एदा ओ य़ङ्‌चि मात्‍द़ङ्‌चि, खोसाआ बुयाओ अ़हेवाचिदाङ्‌का सेङाओ य़ङ मान्‍तुकेसुकि दोप्‍म़क माङ्‌लो अ़थाया मान्‍खाङ्‌कादा लि।

१ युहन्‍ना 1:6

आन्‍कान खोक्‍कोसोओ अ़चुयावायोक्‌दा युङिन्‌येन्‌नि य़ङिन, मेन कुन्‌यामादाङा युङिन्‌युङ्‌सिन्‌नालो ना आन्‍कान सोज्‍जेओ चेविन, खोन्‍कि अ़छ़ङ य़ङ्‌वात्‍नि अ़कोलिमिन।

१ युहन्‍ना 2:10

साङ्‌आ अ़निछा सोमातुक्‍तु, मो साम्‌दा युङ, खोन्‍कि खो मोदा धुङ्‌माओ अ़तुक्‌वाङा मात्‍द़ङ।

१ युहन्‍ना 2:9

साङ साम्‌दा युङ्‌ङाङानि य़ङ, मेन अ़द़क्‍छाबुवाचि ऩङाछिरुचिनालो हान्‍छाङ मो कुन्‌यामादाङा युङ्‌याङ।

१ युहन्‍ना 3:15

ख्रिस्‍तियान अ़यावा ऩङाकाछित झारा म़ना कासेत ओ, खोन्‍कि खाक्‍कोछाङ म़नाकासेत्‌एदा अ़लुक्‍निन्‌ओ ह़ङ्‌म़ङ अ़याक्‍निन्‌नि खानानिन त़सिन्‍तुम्‌योम।

१ युहन्‍ना 4:20

साङ “अ़ङ्‌का निनाम्‍हाङ सोमातुक्‍तुङ”नि य़ङ, मेन अ़निछा अ़ऩङाछिरुनालो मो काम़प ओ, देकिनालो खोसाआ खाओ अ़निछाङा सोमामान्‍तुक्‍कादाआ मान्‍खाङ्‌युक्‍तुओ निनाम्‍हाङ सोमातुक्‍मा अ़ऱन।

खाङ्‌मुमा 3:17

‘अ़ङ्‌का कातोक मुङाङा, अ़ङ्‌काएदा चासुम्‍छेन्‍बि युङ्‌याङ, खोन्‍कि अ़ङ्‌का दित्‍छाङ अ़दोत्‍निन’नि खाना त़य़ङ्‌याङ। मेन खाना त़सिन्‍तुन्‌योन, चाअ़त्‍लो दुखा खाना त़तोक्‌याङ्‌ओ, मान्‍तोक्‍कादा, दोप्‍म़क खोन्‍कि कालाङ्‌द़क त़मुयाङ।