१ युहन्‍ना 2:10 - बान्‍तावा राई

¹⁰ साङ्‌आ अ़निछा सोमातुक्‍तु, मो साम्‌दा युङ, खोन्‍कि खो मोदा धुङ्‌माओ अ़तुक्‌वाङा मात्‍द़ङ।

१ युहन्‍ना 2:10 ပူးပေါင်းရင်းမြစ်များ

मत्‍ति 13:21

मेन मोसोओ अ़भेन अ़मेत्‍तुन्‌ओसा मो अ़क्‍चित लेन ओन्‍ङा ह़ङ, खोन्‍कि निनाम्‍हाङ्‌ओ अ़चुय़ङ्‌दा साकोङ्‌छ़ङ मुवाओसा अ़चाअ़त्‍मा माङ्‌लो ल़क्‍मा ताहिदा निनाम्‍हाङ्‌ओ अ़चुय़ङ साकोङ्‌छ़ङ मुमादा मो च़क्‍नि देङ्‌ला।

मत्‍ति 18:7

ओ हेन्‍खामा अ़चाअ़त्‍मादा छुक, देकिनालो म़नाचि हेवा मुमेत्‍मा चिन्‍माखाङ्‌मादा धान्‍तुचि। ओवाको य़ङ्‌चि म़ताङे, मेन साङ्‌एदाङ्‌का मोवाको य़ङ्‌चि म़ता, मो म़ना अ़चाअ़त्‍मादा छुक!

युहन्‍ना 11:9

येसुआ मोचि म़लासुलोचि, “दि अ़क लेन्‌दा बारकाकोम अ़याक्‍निन कि? अ़खोलेन काकोन अ़धुङ्‌निन, देकिनालो हेन्‍खामादाओ साम याक्‌याङ।

युहन्‍ना 12:35

येसुआ मोचि म़लासुलोचि, “हान्‍छाङ अ़क्‍चित्‌तारि साम खानानिन्‌एदा युङ। साम खानानिन्‌एदा युङ्‌याङ्‌तारि कोलानिन, खोन्‌ओसा कुइयामाआ खानानिन त़भुक्‍तिमिन्‍ने। साङ कुइयामादा कोन, मोसाआ खो खादात्‍नि खात्‌ओ अ़सिन्‍तुन।

युहन्‍ना 8:31

येसुआ खोक्‍कोएदा साकोङ्‌छ़ङ कामु यहुदिचि म़लोचि, “खानानिन अ़ङ्‌चिन्‍माय़ङ्‌दा त़युङिन्‌नालो खानानिन अ़नुछ्‍या अ़ङ्‌काखेङ्‌चि ओ।

रोमि 14:13

खोन्‌ओसा आन्‍कान अ़क्‍छा निएदा हान्‌दाङ्‌का छ़ङ अ़छेन्‍तिमिन्‍ने। मेन आन्‍निछाओ अ़लाम्‌दा धुङ्‌मायु माङ्‌लो लाम काछेक य़ङ देम्‍खाछाङ मान्‌युङ्‌दामा अ़छ़ङ मुम्‍ने।

फिलिप्‍पि 1:10

खोन्‌ओसा खानानिन्‌आ अ़नुवाक य़ङ छेन्‍मा त़ऱम्‍ने। खोन्‍किना ख्रिस्‍त म़लाताओ लेन्‌दा अ़च़क़ल़क खोन्‍कि लाहि मात्‍द़ङ्‌ओ त़लिसिन्‍ने।

२ पत्रुस 1:10

खोन्‌ओसा, ब़ब़, नाना खोन्‍कि निछाचि ओ, खानानिन बुत्‍माय़ङ खोन्‍कि छेन्‍माय़ङ अ़छ़ङ मुमाओ निम्‍पाङ च़लोक राक मुवानिन, देकिनालो खानानिन मोवात्‍नि त़च़न्‌नालो खानानिन देम्‍खाछाङ त़धाम्‍सिमिन।

१ युहन्‍ना 2:11

मेन साङ्‌आ अ़निछा ऩङाछिरु, मो कुन्‌यामादा युङ्‌याङ, खोन्‍कि कुन्‌यामादा कोन, खोन्‍कि खो खादात्‍नि खात्‌याङ मोसाआ अ़सिन्‍तुन्‌योन, देकिनालो कुन्‌यामाआ मोसोओ अ़म़क दोप्‍म़क मुयुङ्‌सु।

१ युहन्‍ना 3:14

आन्‍कान सिन्‍तुम्‌योम, आन्‍कान स़मादाङ्‌का ह़ङ्‌म़ङ्‌दा सोत्‍तिन्‌युङ्‌सिन्‍चिन, देकिनालो आन्‍कान ख्रिस्‍तियान यावाचि सोमातुक्‍तुम्‌योम्‍च़म। साङ खासोमाअ़तुक्‍निन, मो स़मादा याक।