१ युहन्‍ना 1:9 - बान्‍तावा राई

⁹ आन्‍कान आन्‍हेवाचि निनाम्‍हाङ्‌ओ अ़चुबुदा लोउम्‍च़म्‌नालो खोक्‍कोसाआ आन्‍हेवाचि आन्‍कान म़लेत प़, खोन्‍कि झारा मान्‍साम्‌योक्‍मिचिदाङ्‌का म़सेङ, देकिनालो खोक्‍को साकोङ्‌छ़ङ मुमा खान्‍तुओ खोन्‍कि साम्‌योक्‍मि म़मुयाङ।

१ युहन्‍ना 1:9 ပူးပေါင်းရင်းမြစ်များ

मत्‍ति 3:6

खोन्‍कि “आन्‍कान्‍का हेवा मुन्‌युङ्‌सिन्‍का”नि य़ङ्‌सा खोलाम्‍पा यर्दन याङ्‌वामादा मोचि बप्‍तिस्‍मा म़लोआ।

मर्कुस 1:5

झारा यहुदिया धिखाहुप्‌दाओचि खोन्‍कि झारा यरुसलेम्‌दाओ म़नाचि बप्‍तिस्‍मा काप़ युहन्‍नाओ अ़य़ङ एन्‍सि म़खाराङा। खोन्‍कि “आन्‍कान्‍का हेवा मुन्‌युङ्‌सिन्‍का”नि य़ङ्‌सा खोलाम्‍पा यर्दन याङ्‌वामादा मोचि बप्‍तिस्‍मा म़लोआ।

लुका 22:57

मेन पत्रुस्‌आ अ़ऩङाछिरुकि य़ङा, “मेत्‍छामो, अ़ङ्‌का ना खो अ़सिन्‍ऩङ।”

युहन्‍ना 17:25

साम्‌योक्‍मि आपो, हेन्‍खामादाओ म़नाचिआ खानानिन ऩसिन्‍तिमिन, मेन अ़ङ्‌का खानानिन सिन्‍नानिन, खोन्‍कि खानानिन्‌आ अ़ङ्‌का त़छुत्‍निओ ओ काखेङ्‌पाचिआ अ़सिन।

छाम्‍माय़ङ 19:18

येसुएदा साकोङ्‌छ़ङ म़मुवाओ ब़द्‍धे म़नाचि म़ताकि मोचिआ अ़मुवाओ अ़अ़त्‍पा अ़चुकाचिचि म़नाचिओ अ़चुबुदा खाअ़लुसा।

रोमि 3:26

निनाम्‍हाङ आप्‍पि साम्‌योक्‍मि म़मुयाङ्‌ओ खाङ्‌मुमा खोन्‍कि येसुएदा साकोङ्‌छ़ङ कामुचि साम्‌योक्‍मि मुमा, निनाम्‍हाङ्‌आ अ़चुछा म़पुवा।

१ कोरिन्‍थि 1:9

निनाम्‍हाङ साकोङ्‌छ़ङ मुमा खान्‍तुओ म़मुयाङ। खोक्‍कोसोओ अ़चुछा आन्‍हाङ्‌पा येसु ख्रिस्‍तएनान यावायोक मुसि खोक्‍कोसाआ खानानिन ऩबुत्‍तिन।

१ कोरिन्‍थि 6:11

खा-खाक्‍को खानानिन्‌छाङ ओवाकोङा त़मुन्‌येन। मेन खानानिन वाऩस़न्‌युङ्‌सिन, खानानिन त़सेङिन्‌युङ्‌सिन, हाङ्‌पा येसु ख्रिस्‍तओ अ़चुऩङ्‌दा खोन्‍कि आन्‍निनाम्‍हाङ्‌ओ अ़चुलावालाम्‍पा खानानिन निनाम्‍हाङ्‌ओ अ़चुबुदा साम्‌योक्‍मि ऩकाइसिन्‌युङ्‌सिन।

एफिसि 5:26

खोक्‍कोसाआ साम्‍भुङ अ़च़क़ल़क मुमा निम्‍पाङ चाक्‌वाआ वाअ़स़कि निनाम्‍हाङ्‌य़ङ्‌लाम्‍पा सेङ्‌मा अ़ऱने,

१ तिमोथि 1:15

ओ य़ङ अ़छ़ङ खोन्‍कि लोक्‍माखान्‍तुओ मुयाङ, हेवामिचि लेइसि येसु ख्रिस्‍त हेन्‍खामादा म़ता। खोन्‍कि मो हेवामिचिदाङ्‌का अ़ङ्‌का मुलो ओ।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

हिब्रु 10:23

आन्‍कान लोउम्‌ओ तोक्‍मामिन्‍मा ऱक़क्‍क़क्‌वा लाउम्‌युङ्‌सुम्‍ने, देकिनालो आन्‍कान काहिप सोम्‍कुवा मुमा खान्‍तुओ म़मुयाङ।

हिब्रु 11:11

साराआछाङ अ़न्‍नुनु खोक्‍मा लिसाकि छा दाप्‍मा मान्‍ऱकादा लिसायुङ्‌सानुछाङ साकोङ्‌छ़ङ्‌लाम्‍पाङा छा दाप्‍मा रुवा। देकिनालो निनाम्‍हाङ्‌आ अ़मुवाओ हिप्‍माय़ङ अ़ताला निकिना खो साकोङ्‌छ़ङ मुवायुङ्‌सा।

हिब्रु 6:10

निनाम्‍हाङ नुलोक छ़ङ्‌काछेन म़मुयाङ। खोक्‍कोसाआ आम्‍नुओ काचि खोन्‍कि निनाम्‍हाङ्‌ओ अ़चुम़नाचि ब़त्‍मा काचिलाम्‍पा खानानिन्‌आ निनाम्‍हाङ खाङ्‌त़मुसुम्‌ओ खोन्‍कि खाङ्‌त़मुसुम्‌योम्‌ओ सोम्‍तुक्‍मा ऩमान्‍तुन्‍केसुन।

१ युहन्‍ना 1:7

मेन खोक्‍को साम्‌दा म़मुयाङ्‌वात्‍निङा आन्‍कान्‌छाङ साम्‌दा कोलिन्‌नालो अ़क्‍छा निएदा आन्‌यावायोक लि, खोन्‍कि निनाम्‍हाङ्‌ओ अ़चुछा येसुओ अ़चुह़आ झारा आन्‍हेवादाङ्‌का म़सेङ।

खाङ्‌मुमा 15:3

मोचिआ निनाम्‍हाङ्‌ओ अ़चुहारुक मोसाओ अ़साम्‍ऱङ खोन्‍कि थुबाछाओ अ़चुसाम्‍ऱङ अ़लुवाङा, “हाङ्‌पा निनाम्‍हाङ झारा सावाकातोक, आम्‍नुओ काचिचि देम तोक्‍पो खोन्‍कि म़दोम्‍दाओ म़मुयाङ। रावा-रावाचिओ तोक्‍पोहाङ, आम्‍नुओ लाम्‌चि साम्‌योक्‍मि खोन्‍कि अ़छ़ङ म़मुयाङ।