१ युहन्‍ना 1:10 - बान्‍तावा राई

¹⁰ आन्‍कान हेवा मान्‍मुयुक्‍तिन्‌नि य़ङिन्‌नालो आन्‍कान निनाम्‍हाङ काम़प्‍पा मुम, खोन्‍कि खोक्‍कोसोओ अ़चुय़ङ आन्‍कान्‌एदा अ़याक्‍निन।

१ युहन्‍ना 1:10 ပူးပေါင်းရင်းမြစ်များ

युहन्‍ना 3:33

साङ्‌आ खोक्‍कोसोओ अ़सालुम्‍स़ङ लोउयुङ्‌सु, मोसाआ निनाम्‍हाङ अ़छ़ङ म़मुयाङ्‌निओ य़ङ अ़छ़ङ खाङ्‌मुसु।

कलस्‍सि 3:16

ख्रिस्‍तओ अ़चुय़ङ खानानिन्‌एदा च़लोक याक्‍ने। झारा खारुएनान अ़क्‍छानिएदात्‍नि चिन्‍मुवानिन खोन्‍कि चाप्‍चेत्‍मुवानिन। चोन्‍मा छाम, साम्‍ऱङ, खोन्‍कि लावामि छाम लुवानिन। आम्‍नुओ साकोङ्‌वादाओ आलाङ्‌एनान निनाम्‍हाङ्‌एदा छाम लुवानिन।

१ युहन्‍ना 1:8

आन्‍कान्‌एदा हेवा मात्‍द़ङ्‌नि य़ङिन्‌नालो ना आन्‍कान आप्‍पि धान्‍तिन्‍चिन, खोन्‍कि आन्‍कान्‌एदा अ़छ़ङ अ़याक्‍निन।

१ युहन्‍ना 2:14

आपाचि ओ, अ़ङ्‌का खानानिन छाप्‍नाङ्‌नानिन, देकिनालो खोक्‍को अ़पुङ्‌चिपुक्‌दाङ्‌काङा कायुङ खानानिन्‌आ त़सिन्‍तुम्‌योम। सावाछाचि ओ, अ़ङ्‌का खानानिन छाप्‍नाङ्‌नानिन, देकिनालो खानानिन काछो त़मुन्‌येन, खोन्‍कि निनाम्‍हाङ्‌ओ अ़चुय़ङ खानानिन्‌एदा याक, खोन्‍कि खानानिन अ़त्‍लो काच़एदा त़छोसिन्‌युङ्‌सिन।

१ युहन्‍ना 2:4

साङ्‌आ “खोक्‍को अ़ङ्‌का सिन्‍तुङ्‌योङ”नि य़ङ, मेन खोक्‍कोसोओ अ़चुलोमाय़ङ अ़लोउन्‌नालो मो सोज्‍जे ओ, खोन्‍किना मोएदा अ़छ़ङ मात्‍द़ङ।

१ युहन्‍ना 4:4

सोमातुक्‍नाङ्‌नानिन्‌ओ छाचि ओ, खानानिन निनाम्‍हाङ्‌दाङ्‌का ओ, खोन्‍कि सोज्‍जेओ निनाम्‍हाङ्‌य़ङ खाकालुचिएदा त़छोसिन्‌युङ्‌सिन। देकिनालो खानानिन्‌एदा कायुङ सेङ्‌लावा हेन्‍खामादाओ लावादाङ्‌का तोक्‍पो म़मुयाङ।

१ युहन्‍ना 5:10

साङ निनाम्‍हाङ्‌ओ अ़चुछाएदा साकोङ्‌छ़ङ मु, मोसोओ अ़साकोङ्‌वादा ओ सालुम्‍स़ङ याक। साङ्‌आ निनाम्‍हाङ साकोङ्‌छ़ङ अ़मुन, मोसाआ निनाम्‍हाङ काम़प काइसु। देकिनालो निनाम्‍हाङ्‌आ अ़चुछाओ अ़तुक्‌वादा अ़पुवाओ अ़चुसालुम्‍स़ङ्‌दा मोसाआ साकोङ्‌छ़ङ मान्‍मुयुक्‍तु।

२ युहन्‍ना 1:2

देकिनालो अ़छ़ङ आन्‍कान्‌एदा याक्‌याङ, खोन्‍कि अ़धुन युङ्‌युङ।