१ कोरिन्‍थि 9:21 - बान्‍तावा राई

²¹ य़ङ्‌हुप्‌दा मान्‌युङ्‌कादाचि तात्‍माचि निम्‍पाङ अ़ङ्‌का य़ङ्‌हुप्‌दा मान्‌युङ्‌कादाचिवाङा लिसाङ, खोन्‍नुछाङ निनाम्‍हाङ्‌ओ अ़चुय़ङ्‌हुप्‌दाङ्‌का अ़ङ्‌का अ़फोङ्‌ऩङ्‌ऩङ। मेन अ़ङ्‌का ख्रिस्‍तओ अ़चुय़ङ्‌हुप्‌ओ अ़चुक़म्‍मादा याक्‍ङाङा।

१ कोरिन्‍थि 9:21 ပူးပေါင်းရင်းမြစ်များ

छाम्‍माय़ङ 15:28

ह्‍युना म़छाप्‌याङ्‌ओदाङ्‌का नि ब़द्‍धे पाङ खानानिन खुन्‍मेत्‍मा अ़नुनिन निकिना सेङ्‌लावा खोन्‍कि आन्‍कान्‍का अ़नुवाक लुन्‍का।

छाम्‍माय़ङ 16:4

खोन्‍किना खोचि सहरा-सहरा खाराचिकि खोचिआ यरुसलेम्‌दाओ छाम्‍माय़ङ्‌चिआ खोन्‍कि ताङ्‌पाचिआ अ़छ़ङ अ़मुवाओ य़ङ्‌हुप्‌चिवा निरावा साकोङ्‌छ़ङ कामुचिआ च़मादोत्‌नि खाअ़एत्‍ताचुचिन।

छाम्‍माय़ङ 21:25

हाङ्‌पा येसु ख्रिस्‍तएदा साकोङ्‌छ़ङ कामु निरावाचिओ अ़चुतुक्‌वादा अ़छ़ङ मुम्‍काकि आन्‍कान्‍का ‘सेम्‍पोक हेन्‍खोक्‌वा दात्‍माय़ङ अ़सा चामा, अ़ह़ चामा, अ़पोत्‌दा पिन्‍मासेत्‍माय़ङ सायाम्‍पोक्‌ओ अ़सा चामा खोन्‍कि ताङ्‌लान मुमादाङ्‌का अ़थाया युङ्‌मादोत’नि बुयाङा छाप्‍लावादा बाइसुम्‌युङ्‌सुम्‍का।”

रोमि 2:12

देम्‍साआ मोसाओ अ़य़ङ्‌हुप मात्‍द़ङ हेवा म़मुवायुङ्‌सा, मोचि य़ङ्‌हुप मात्‍द़ङ्‌ङा म़लुक्‍खात। खोन्‍कि देम्‍साआ य़ङ्‌हुप्‌दा म़युङ्‌कि हेवा म़मु, मोचिओ य़ङ्‌हुप्‌लाम्‍पाङा अ़चुछ़ङ्‌छेन।

रोमि 2:14

देकिनालो य़ङ्‌हुप मान्‍तोक्‍कादा निरावाचि अ़चुच़माथाङ्‌मालाम्‍पा अ़नुवाक खोन्‍कि अ़अ़त्‍पा अ़सिन्‌कि य़ङ्‌हुप्‌वात्‍नि काचि म़मुनालो मोचिओ अ़चुय़ङ्‌हुप मात्‍द़ङ्‌नुछाङ मो मुमाय़ङ य़ङ्‌चिआङा मोचिओ अ़चुओ साकोङ्‌वादा य़ङ्‌हुप याक्‌याङ निकिना खाङ्‌मुसु।

रोमि 7:22

देकिनालो अ़ङ्‌साकोङ्‌वा हुत्‌याङ्‌का निनाम्‍हाङ्‌ओ अ़चुय़ङ्‌हुप्‌दा अ़ङ्‌ऩङानु,

रोमि 7:25

निनाम्‍हाङ आलाङ्‌ने! आन्‍हाङ्‌पा येसु ख्रिस्‍तलाम्‍पा खोक्‍कोसाआ अ़ङ्‌का ऩलेन्‍ङा! खोन्‌ओसा, आप्‍पि अ़ङ्‌मिन्‍माआ अ़नुछ्‍याङा निनाम्‍हाङ्‌ओ अ़चुय़ङ्‌हुप्‌वात्‍नि मुमा स़ङा, मेन पोक्‌दा अ़ङ्‌का हेवाओ अ़य़ङ्‌हुप्‌ओ अ़हारुक मुङाङा।

रोमि 8:4

हेवामि मित्‍माचिदा काकोन माआङ, मेन सेङ्‌लावादा काकोन्‌ओ निम्‍पाङ साम्‌योक्‍मिआ दोरुओ य़ङ्‌हुप नुलोक आन्‍कान्‌एदा तालाने निकिना निनाम्‍हाङ्‌आ ओ अ़मुवा।

गलाति 3:2

ओ ओन्‍ङा अ़ङ्‌का खानानिन सेन्‍मा स़ङाङा, खानानिन्‌आ सेङ्‌लावा य़ङ्‌हुप्‌ओ काचिलाम्‍पा त़तोक्‍तुम हे त़एनुम्‌ओ य़ङ्‌दा साकोङ्‌छ़ङ त़मुन कि?

गलाति 6:2

अ़क्‍छा निएदा पाङ खुन्‍मा फामुवानिन, खोन्‍कि ओवात्‍नि ख्रिस्‍तओ अ़चुलोमाय़ङ तासालानुम।

हिब्रु 8:10

हाङ्‌पा निनाम्‍हाङ म़य़ङ्‌याङ, मो लेन अ़ङ्‌का इस्राएल्‌दाओ म़नाचिएनान ओ य़ङ्‌छ़ङ मुङ, मोचिओ अ़चुमिन्‍माचिदा अ़ङ्‌य़ङ्‌हुप युङ्‌सुङ, खोन्‍कि अ़चुओ साकोङ्‌वाचिदा मोचि छाप्‍तुङ्‌प़ङ्‌च़ङ, खोन्‍कि अ़ङ्‌का मोचिओ अ़चुनिनाम्‍हाङ लिङा, खोन्‍कि मोचि अ़ङ्‌म़नाचि म़लि।