१ कोरिन्‍थि 8:8 - बान्‍तावा राई

⁸ मेन चामायुआ आन्‍कान निनाम्‍हाङ्‌ओ अ़चुच़क्‌दा म़तात्‍निन्‍लानिन। आन्‍कान अ़चान्‍मिनुछाङ अ़त्‍लो अ़लिसिमिन, आन्‍कान चाम्‌नुछाङ नुलोक अ़लिसिमिन।

१ कोरिन्‍थि 8:8 ပူးပေါင်းရင်းမြစ်များ

मत्‍ति 25:15

खोसाआ झारासोओ अ़चुऱमावा अ़क्‍छा पाच्‌काबेखा हाराक्‌वाओ फेक्‌वा, नि ह्‍वा बेखा खोन्‍कि नि अ़क बेखा प़चिकि खारालावा।

रोमि 14:17

देकिनालो निनाम्‍हाङ्‌ओ अ़चुहाङ्‌होन चामा खोन्‍कि दुङ्‌माओ अ़तुक्‌वा माआङ, मेन सेङ्‌लावादा, साम्‌योक्‍मि तोक्‍मायु, सेवाङ्‌नि खोन्‍कि ऩङानुमान्‍चिन्‌ओ।

१ कोरिन्‍थि 6:13

“चामायु बुक्‌ओ निम्‍पाङ ओ, बुक चामायुओ निम्‍पाङ ओ।” मेन निनाम्‍हाङ्‌आ ह्‍वातात्‍माङ म़लुक्‍तुचि। पोक ताङ्‌लान्‌ओ निम्‍पाङ माआङ, मेन हाङ्‌पाओ निम्‍पाङ ओ, खोन्‍कि हाङ्‌पा पोक्‌ओ निम्‍पाङ ओ।

हिब्रु 13:9

अ़खाला-खालाओ मान्‍सिन्‍माय़ङ्‌ओ चिन्‍माय़ङ्‌चिआ खानानिन ऩतित्‍तिन्‍खातिमिन्‍ने। देकिनालो चामायु दुङ्‌मायुओ य़ङ्‌हुप्‌आ माआङ, मेन निनाम्‍हाङ्‌ओ अ़चुसोमातुक्‍माआ साकोङ्‌वा छोलो मुमादा अ़नुवाक मु। चामायु दुङ्‌मायुओ य़ङ्‌हुप्‌आ मो य़ङ्‌हुप कात़ङ्‌चि नुलोक मान्‍मुयुक्‍तुचि।