१ कोरिन्‍थि 8:3 - बान्‍तावा राई

³ मेन निनाम्‍हाङ सोमाकातुक म़ना निनाम्‍हाङ्‌आ अ़सिन।

१ कोरिन्‍थि 8:3 ပူးပေါင်းရင်းမြစ်များ

मत्‍ति 7:23

खोन्‍किना अ़ङ्‌का मोचि मोन्‍ग़रि नुलोक लोङ्‌च़ङ, ‘अ़ङ्‌का खानानिन देम्‍खाछाङ मान्‍सिन्‌युक्‍नानिन। अ़त्‍लो काचि कामुचि ओ, अ़ङ्‌काएदाङ्‌का खारालावानिन।’

युहन्‍ना 10:14

अ़ङ्‌का अ़नुवाक भेरा काखाङ्‌पा ओ। अ़ङ्‌का अ़ङ्‌भेराचि सिन्‍तुङ्‌च़ङ, खोन्‍कि अ़ङ्‌भेराचिआ अ़ङ्‌का ऩसिन्‍ङा।

युहन्‍ना 21:17

खोक्‍कोसाआ मो सुम्‌कादुओदु अ़लोवा, “युहन्‍नाओ अ़छा सिमोन, दि खाना अ़ङ्‌का सोमात़तुक्‍ङा?” पत्रुस्‌ओ अ़राक सुवा, देकिनालो खोक्‍कोसाआ सुम्‌कादुओदु “दि खाना अ़ङ्‌का सोमात़तुक्‍ङा?” निकिना खो अ़सेना। मोसाआ खोक्‍को लो, “हाङ्‌पो, खानानिन झारा त़सिन्‍तुम्‌योम, अ़ङ्‌का सोमातुक्‍नानिन निकिना खानानिन त़सिन्‍तुम्‌योम।” येसुआ खो अ़लोवा, “अ़ङ्‌भेराचि चान्‍तुचि।

रोमि 11:2

निनाम्‍हाङ्‌आ बुया म़छेन्‍तुचिओ अ़चुम़नाचि ऩङामान्‍छित्‍म़दोचि। एलियाओ अ़तुक्‌वादा साम्‍कालिन दे य़ङ्‌याङ, दि खानानिन त़सिन्‍तिमिन? खोसाआ इस्राएल्‌ओ अ़देङ्‌सालाप्‍पादा निनाम्‍हाङ्‌एदा देत्‍नि यामात?

१ कोरिन्‍थि 13:12

ओन्‍ग़रि आन्‍कान दर्पनादावा थेम्‍बुवारिरि खाम, मेन मोन्‍ग़रि छेङ्‌छेङ्‌छेङ्‌वा खाङ्‌मुन। ओन्‍ग़रि अ़ङ्‌का अ़क्‍चिलोक ओन्‍ङा तुप्‍तुङ, देत्‍नि निनाम्‍हाङ्‌आ अ़ङ्‌का नुलोक ऩसिन्‍ताङ्‌युङ्‌साङ मोवात्‍नि मोन्‍ग़रि अ़ङ्‌का झारा तुप्‍तुङ।

१ कोरिन्‍थि 2:9

मेन ओवात्‍नि छाप्‌याङ, “म़नाआ देम्‍खाछाङ मान्‍खाङ्‌युक्‍तुओ, अ़नाबाक्‌आ मान्‌एन्‌युक्‍तुओ, देम्‍खाछाङ मान्‍मित्‌दोओ य़ङ निनाम्‍हाङ्‌आ खोक्‍को सोमाकातुक्‌चिओ निम्‍पाङ म़चुम्‍सुप़युङ्‌सुचि।”

गलाति 4:9

मेन हान ना खानानिन्‌आ निनाम्‍हाङ त़सिन्‍तुम्‌युङ्‌सुम, माङ्‌लो ब़द्‍धे अ़च़वाङ निनाम्‍हाङ्‌आ खानानिन ऩसिन्‍तिन्‌युङ्‌सिन। हान देत्‍नि खानानिन मान्‍ऱकादा खोन्‍कि बुयाओ अ़चुप्‍पो लाम्‌चिदा त़लासिन? दि खानानिन हान्‍छाङ मोचिओ अ़चुहारुक लिमा त़स़न्‌येन?

२ तिमोथि 2:19

मेन निनाम्‍हाङ्‌ओ अ़चुम़नाचि अ़तुङ्‌निन्‌ओ छ़ङ्‌वात्‍नि म़युङ्‌युङ, खोन्‍कि मो छ़ङ्‌दा ओ ह्‍वातात य़ङ्‌चि म़छाप्‍तायुङ्‌सा। “हाङ्‌पाआ अ़चुम़नाचि म़सिन्‍तुचि,” खोन्‍कि “साङ-साङ अ़ङ्‌का हाङ्‌पाओ अ़म़नानि य़ङ, खो अ़त्‍लो काचिदाङ्‌का अ़थाया युङ्‌ने।”

याकुब 1:12

चिन्‍माखाङ्‌मा काआङ म़नाआङा आसिखा तोक्‍तु। देकिनालो चिन्‍माखाङ्‌मा खोसाआ आङ्‌तुओसा खोसाआ ह़ङ्‌म़ङ्‌ओ मो ताङ्‌बोप्‍खा तोक्‍तु, निनाम्‍हाङ्‌आ खोक्‍को सोमाकातुक्‌चि मो प़माचि निम्‍पाङ म़हिप्‍तुयुङ्‌सुचि।

याकुब 2:5

अ़ङ्‌का सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, एनानुम, दि निनाम्‍हाङ्‌आ हेन्‍खामादाओ मान्‍तोक्‍कादाचि साकोङ्‌छ़ङ्‌दा कातोक मुसि म़छेन्‍तुचिओ माआङ कि? खोक्‍को सोमाकातुक्‌चि निनाम्‍हाङ्‌आ म़हिप्‍तुचिओ हेन्‍कोप्‌ओ पाङ्‌यि दि मोचिआ ऩतोक्‍तुन कि?

१ पत्रुस 1:8

खानानिन्‌आ खोक्‍को मान्‍खाङ्‌त़युक्‍तुम्‌नुछाङ सोमात़तुक्‍तुम। खोन्‍कि ओन्‍ग़रि खानानिन त़खान्‍मिन्‌नुछाङ खोक्‍कोएदा साकोङ्‌छ़ङ त़मुन, खोन्‍किना य़ङ्‌मा अ़ऱन्‍मिन्‌ओ खोन्‍कि साम्‍स़रिओ छेमाआ आम्‍नुओ ऩङानु।

१ युहन्‍ना 4:19

आन्‍कान सोमातुक्‍मुन्‌येन, देकिनालो बुया निनाम्‍हाङ्‌आ आन्‍कान सोमाम़तुक्‍ता।

१ युहन्‍ना 4:7

सोमातुक्‍नाङ्‌नानिन्‌ओ यावाचि ओ, आन्‍कान अ़क्‍छा निएदा सोमातुक्‍मुन्‍ने, देकिनालो सोम्‍तुक्‍मा निनाम्‍हाङ्‌एदाङ्‌का ता। खोन्‍कि झारा साङ खासोमातुक, खो निनाम्‍हाङ्‌एदाङ्‌का लिसाओ, खोन्‍कि मोसाआ निनाम्‍हाङ सिन्‍तु।

खाङ्‌मुमा 2:13

खानानिन खादा त़युङिन्‌येन, अ़ङ्‌का सिन्‍तुङ्‌योङ। मोदा सैतानाओ अ़हाङ्‌युङ्‌खा युङ्‌याङ। खोन्‍नुछाङ अ़ङ्‌ऩङ्‌दा खानानिन नुलोक त़युङिन। सोम्‍कुवा मुमा खान्‍तुओ अ़ङ्‌सालुम्‍स़ङ काप़पा एन्‍तिपास्‌ओ अ़ग़रिदाछाङ अ़ङ्‌काएदा साकोङ्‌छ़ङ मुमा मान्‍छित्‍त़दोम, खो सैतानाओ अ़युङ्‌खादा आम्‍नुओ रादा सेरायुङ्‌सा।

खाङ्‌मुमा 2:19

खानानिन त़मुम्‌योम्‍च़म्‌ओ अ़तुक्‌वाचि झारा सिन्‍तुङ्‌योङ्‌च़ङ। आम्‍नुओ सोमातुक्‍माचि, आम्‍नुओ साकोङ्‌छ़ङ्‌चि, आम्‍नुओ सेवाचि खोन्‍कि आम्‍नुओ आङ्‌माय़ङ्‌चि अ़ङ्‌का सिन्‍तुङ्‌योङ्‌च़ङ। आदेङ्‌ओ आम्‍नुओ काचिचि बुयाओदाङ्‌का च़लोक म़मुयाङ निकिना अ़ङ्‌का सिन्‍तुङ्‌योङ।

खाङ्‌मुमा 2:9

अ़ङ्‌का आम्‍दुखाचि खोन्‍कि आम्‍मान्‍तोक्‍दामाचि सिन्‍तुङ्‌योङ्‌च़ङ। मेन खाना कातोक त़मुयाङ! साङ आप्‍पि यहुदिनि म़लोनानान्‍चिन, मोचिआ खानानिन ऩसुङ्‌तिन्‌येन्‌ओ अ़ङ्‌का सिन्‍तुङ्‌योङ। मोचि यहुदिचि माआङ, मेन सैतानाओ अ़रुहुप्‌चि ओ।