१ कोरिन्‍थि 8:13 - बान्‍तावा राई

¹³ खोन्‌ओसा अ़ङ्‌का चाङ्‍ओ साआ साकोङ्‌छ़ङ कामु हेवादा धाखा लाम लिनालो अ़ङ्‌का देम्‍खाछाङ सा अ़चाऩङ, मोवात्‍नि अ़ङ्‌का साकोङ्‌छ़ङ कामु हेवादा अ़धान्‍ऩङ।

१ कोरिन्‍थि 8:13 ပူးပေါင်းရင်းမြစ်များ

मत्‍ति 17:27

मेन मोचि आन्‍कान्‌एदाङ्‌का अ़चुमाइसुङ अ़कात्‍निन्‍ने निम्‍पाङ धियाङ्‌वामादा खाराकि ख़ङ्‌य़ धोन्‍ता, खोन्‍कि बुया त़लाउओ ङा बात्‍तु। मोसोओ अ़दो त़होङ्‌सुहिदा खाना अ़क्‌तात रुपाओ फेक्‌वा त़धिरु। मो खात्‍तुकि आम्‍को खोन्‍कि अ़ङ्‌को निम्‍पाङ मोचि प़चि।”

छाम्‍माय़ङ 15:20

मेन मोचि ‘सेम्‍पोक हेन्‍खोक्‌वा दात्‍माय़ङ चामायु चामा, ताङ्‌लान मुमादाङ्‌का खोन्‍कि अ़पोत्‌दा पिन्‍मासेत्‍माय़ङ सायाम्‍पोक्‌ओ अ़सा चामा खोन्‍कि अ़ह़ चामादाङ्‌का अ़थाया युङानिन’निकिना आन्‍कान छाप्‍तुम हान्‍तुम्‍च़म्‍ने।

रोमि 14:13

खोन्‌ओसा आन्‍कान अ़क्‍छा निएदा हान्‌दाङ्‌का छ़ङ अ़छेन्‍तिमिन्‍ने। मेन आन्‍निछाओ अ़लाम्‌दा धुङ्‌मायु माङ्‌लो लाम काछेक य़ङ देम्‍खाछाङ मान्‌युङ्‌दामा अ़छ़ङ मुम्‍ने।

रोमि 14:21

सा चामाआ, अङ्‌गुरा माङ्‌वा दुङ्‌माआ, माङ्‌लो खाक्‍कोछाङ चामायुआ आम्‍निछा धुङ्‌नालो मोचि मान्‍चादामा, मान्‍दुङ्‌दामाङा अ़नुवाक लि।

१ कोरिन्‍थि 10:32

साङ्‌छाङ धुङ्‌खा मान्‍लिदानिन, यहुदिने, ग्रिक्‌ने माङ्‌लो निनाम्‍हाङ्‌ओ अ़चुसाम्‍भुङ्‌ङाने।

१ कोरिन्‍थि 10:33

अ़ङ्‌काछाङ झाराकापाराआ झारासोओ अ़चुऩङानुमा काचि मुङाङा। अ़ङ्‌नुलोक अ़ङ्‌का अ़लाम्‍ऩङ, मेन ब़द्‍धेसोओ नुलोक लामुङ, खोन्‌ओसा मोचि म़लेन्‍ने।

१ कोरिन्‍थि 13:5

सोम्‍तुक्‍मा चाप्‍चिरोङ अ़मुनिन, अ़नुलोक अ़लामुन, अ़नाप्‍मा अ़लुनिन, अ़अ़त्‍पा य़ङ्‌चि अ़मित्‍तुन्‌युङ्‌सुन्‍चिन।

१ कोरिन्‍थि 6:12

खानानिन त़य़ङिन, “अ़ङ्‌का मिन्‍ङाओ झारा य़ङ मुमाछाङ तोक्‍तुङ”, मेन झारा य़ङ्‌आ खानानिन नुलोक ऩमुन्‍मिन। अ़ङ्‌का मिन्‍ङाओ झारा य़ङ मुमाछाङ तोक्‍तुङ, मेन अ़ङ्‌का दिसु य़ङ्‌ओछाङ हारुक अ़लिऩङ।

१ कोरिन्‍थि 9:12

निचिआ खानानिन्‌एदाङ्‌का सामाचि तोक्‍मा पाङ अ़तोक्‍तायुङ्‌सानालो आन्‍कान्‍काआ अ़क्‍चित च़लोक पाङ तोक्‍मादोत्‌ओ माआङ कि? खोन्‍नुछाङ आन्‍कान्‍का ओ पाङ मान्‌याङ्‌युक्‍तुम्‍का, मेन ख्रिस्‍तओ अ़चुनुय़ङ्‌खान खालुमादा लाम अ़छेक्‍निन्‍ने निकिना आन्‍कान्‍का झारा य़ङ आङ्‌तुम्‍का।

२ कोरिन्‍थि 11:29

साङ सोम्‍कुवादा मान्‍ऱकादा मुयाङ, खोन्‍कि अ़ङ्‌का मान्‍ऱकादा अ़मुऩङ्‌ऩङ? साङ हेवादा धान्‍तायुङ्‌सा, खोन्‍कि अ़ङ्‌का अ़ङ्‌माइसुङ्‌आ अ़ह़त्‍ऩङ?

२ कोरिन्‍थि 6:3

आन्‍काओ काचिदा फिमाय़ङ ऩधिरुन्‍ने निकिना आन्‍कान्‍का साङ्‌कोछाङ अ़लाम अ़छेक्‍तिमिन्‍का।