१ कोरिन्‍थि 8:10 - बान्‍तावा राई

¹⁰ देकिनालो मान्‍ऱकादा छेन्‍खाताया कातोक साकोङ्‌छ़ङ कामुआ खाना कासिन कातुप्‌आ सेम्‍पोक ब़क्‍खा माङ्‌खिम्‌दा चासि त़युङ्‌ओ त़खाङ्‌नालो दि मोसाआ सेम्‍पोक प़माय़ङ चामायु चामा राक अ़मुनिन कि?

१ कोरिन्‍थि 8:10 ပူးပေါင်းရင်းမြစ်များ

छाम्‍माय़ङ 15:20

मेन मोचि ‘सेम्‍पोक हेन्‍खोक्‌वा दात्‍माय़ङ चामायु चामा, ताङ्‌लान मुमादाङ्‌का खोन्‍कि अ़पोत्‌दा पिन्‍मासेत्‍माय़ङ सायाम्‍पोक्‌ओ अ़सा चामा खोन्‍कि अ़ह़ चामादाङ्‌का अ़थाया युङानिन’निकिना आन्‍कान छाप्‍तुम हान्‍तुम्‍च़म्‍ने।

रोमि 14:14

अ़ङ्‌का सिन्‍तुङ्‌योङ खोन्‍कि हाङ्‌पा येसुआ अ़ङ्‌का अ़छ़ङ ऩमुवाङ्‌युङ्‌साङ, खाक्‍कोछाङ चामायु आप्‍पि अ़पोप्‍निन, मेन साङ्‌आ मो पोप्‍ताओनि मित्‍तुनालो मोसोओ निम्‍पाङ मो पोप्‌ओङा लि।

रोमि 14:23

मेन साङ मान्‍केङ मुकि चामायु चानालो मो निनाम्‍हाङ्‌आ लाहि अ़पाक, देकिनालो मोसाआ साकोङ्‌छ़ङ्‌एनान मान्‍चायुक्‍तु। साकोङ्‌छ़ङ्‍एदाङ्‌का अ़लोन्‍निन्‌ओ झारा य़ङ हेवा ओ।

१ कोरिन्‍थि 10:32

साङ्‌छाङ धुङ्‌खा मान्‍लिदानिन, यहुदिने, ग्रिक्‌ने माङ्‌लो निनाम्‍हाङ्‌ओ अ़चुसाम्‍भुङ्‌ङाने।

१ कोरिन्‍थि 8:4

खोन्‌ओसा सेम्‍पोक प़माय़ङ्‌ओ चामायु चामाओ अ़तुक्‌वादा आन्‍कान सिन्‍तुम्‌योम, ओ हेन्‍खामादा सेम्‍पोक्‌चिओ अ़चुदित्‍छाङ मात्‍द़ङ, मेन अ़क्‍छा निनाम्‍हाङ्‌एदाङ्‌का नि मात्‍द़ङ।

१ कोरिन्‍थि 8:7

मेन झारा साकोङ्‌छ़ङ कामुचिआ ओ अ़छ़ङ य़ङ ऩसिन्‍तुन। देम म़नाचि सेम्‍पोक ब़क्‍मा अ़चुओ च़माथाङ्‌मा युङायुङ्‌साओसा मोचि चामायु म़चायाङ्‌हिदा अ़नुछ्‍याङा सेम्‍पोक प़माय़ङ चामायु चोम्‍काओनि म़मिन। खोन्‍कि मोचिओ अ़चुछेन्‍खाताया मान्‍ऱओसा “अ़ङ्‌का पोप्‍ताङ”नि म़मिन।

१ कोरिन्‍थि 8:9

मेन चाप्‍चेत्‍तानिन्‍चिन, आम्‍नुओ ओ ताकावा च़माआ साकोङ्‌छ़ङ्‌दा मान्‍ऱकादाचिओ निम्‍पाङ धुङ्‌खा अ़लिनिन्‍ने।