१ कोरिन्‍थि 7:9 - बान्‍तावा राई

⁹ मेन मोचिआ आप्‍पि अ़चुमिन्‍मा क़म्‍मा ऩऱन्‌नालो मोचि साया म़काम्‍ने, देकिनालो अ़त्‍लो च़मा मिन्‍माआ ह़त्‍मादाङ्‌का ना साया काम्‍माङा अ़नुवाक ओ।

१ कोरिन्‍थि 7:9 ပူးပေါင်းရင်းမြစ်များ

छाम्‍माय़ङ 19:36

खोन्‌ओसा ओ अ़छ़ङ य़ङ्‌चि क़प्‍मा अ़ऱन्‍मिन्‍चिन्‌ओसा खानानिन वाइवेत युङ्‌मादोत, खोन्‍कि मान्‍मिन्‍खाङ्‌माङ देत्‍छाङ मान्‍च़दानिन।

१ कोरिन्‍थि 7:2

मेन ब़द्‍धे ताङ्‌लान लियाङ्‌ओसा झारा म़नाओ अ़खिम्‍हाङ्‌मा युङ्‌मादोत, खोन्‍कि झारा मेत्‍छामाओ अ़खिम्‍हाङ्‌पा युङ्‌मादोत।

१ कोरिन्‍थि 7:28

मेन खाना साया त़काम्‍सानुछाङ हेवा मान्‍मुत़युक। मोवात्‍निङा वारिसा सायाकाम्‌नुछाङ, हेवा अ़मुनिन। मेन साया काकाम्‌चि, ओ हेन्‍खामादा दुखा म़तोक खोन्‍कि अ़ङ्‌का खानानिन मो दुखाचिदाङ्‌का रात्‍मानि मिन्‍ङाङा।

१ कोरिन्‍थि 7:36

अ़क्‍छा म़नाआ दोरुओ वारिसाएनान नुलोक अ़च़निनिन्‌ओ खोसाआ मित्‍तु खोन्‍कि मो वारिसाओ अ़सायाकाम्‍मा ग़रिछाङ पाङ्‌खात्‌याङ्‌नालो मो म़ना सायाकाम्‍मा स़नालो सायाकाम्‍मा ऱ। मो हेवा अ़लिनिन। मोचि सायाकाम्‍मादोत।

१ कोरिन्‍थि 7:39

अ़खिम्‍हाङ्‌पा ह़ङ्‌याङ्‌ओन अ़खिम्‍हाङ्‌मा अ़खिम्‍हाङ्‌पाओ अ़क़म्‍मादा युङ। मेन अ़खिम्‍हाङ्‌पा स़दानालो मोसाआ अ़ऩङानुसुओ म़नाएनान सायाकाम्‍मा तोक्‍तु। मेन खो हाङ्‌पाओङा अ़चुम़ना याक्‍मादोत।

१ थेसलोनिकि 4:4

खानानिन झारासाआ आम्‍नुओ खिम्‍हाङ्‌माएनान सेङ्‌लो खोन्‍कि सायादा देत्‍नि काचि मुमादोत्‌ओ चिन्‍तानिन्‍चिन,

१ तिमोथि 5:11

मेन साथिकादोङ्‌दाङ्‌का अ़खुक्‌दाओ मेन्‍मित्‍माचि मो रुहुप्‌दा मान्‌युङ्‌दानुम्‍च़म, देकिनालो मोचिओ अ़चुपोक मित्‍माआ मोचि ख्रिस्‍तदाङ्‌का अ़थाया म़लि, खोन्‍कि मोचि साया लामाकाम्‍मा म़स़।

१ तिमोथि 5:14

खोन्‌ओसा साथिकादोङ्‌दाङ्‌का अ़खुक्‌दाओ मेन्‍मित्‍माचि साया म़लाकाम्‍ने, छा म़तोक्‍ने, खोन्‍कि अ़चुखिम्‌चि म़खाचिनेनि अ़ङ्‌का यायोक प़ङ्‌च़ङ। मोवात्‍नि आन्‍ङेङ्‌चिआ आन्‍कान सुङ्‌मा अ़वाखाम ऩतोक्‍तुन।