१ कोरिन्‍थि 7:35 - बान्‍तावा राई

³⁵ अ़ङ्‌का ओ य़ङ खानानिन य़ङ्‌हुप्‌आ छुम्‍मा निकिना माआङ्‌ओ, मेन आम्‍नुओ नुलोक्‌ओ निम्‍पाङ य़ङाङ्‌ओ। खानानिन आम्‍नुओ झारा मिन्‍मा पाक्‍तानुम्‌कि हाङ्‌पाको अ़चुकाचि मुमायुङ्‌मा रुवानिन निकिना य़ङ्‌मा लाम्‍ङाङाओ।

१ कोरिन्‍थि 7:35 ပူးပေါင်းရင်းမြစ်များ

मत्‍ति 19:12

देकिनालो खा-खाक्‍कोचि म़लिहिदाङा मेत्‍छाला म़मु, देम्‍पाङ म़नाचिआ मेत्‍छाला मुमाय़ङ्‌चि म़युङ। देम्‍पाङ निनाम्‍हाङ्‌होन्‌ओ निम्‍पाङ आप्‍पि मेत्‍छाला म़मुनान्‍चिन। साङ्‌आ मो लोक्‍मा ऱ, मोसाआ मो लोउने।”

मत्‍ति 22:15

खोन्‍किना फरिसिचि म़खाराकि खोक्‍कोसोओ अ़चुय़ङ्‌दा देत्‍नि धान्‍मा निम्‍पाङ याम़योआ।

लुका 21:34

खानानिन चाप्‍चेत्‍तानिन्‍चिन, माङ्‌नालोना आम्‍नुओ ताकावा च़मा, खाबात्‌आ सेत्‍मा, खोन्‍कि ‘देत्‍नि ह़ङ्‌मा’नि मिन्‍मा योक्‍माआ आम्‍नुओ मिन्‍मा तिमुखात्‍तु, खोन्‍किना वाय़वात्‍निङा अ़क्‍धुवा मो लेन तालाप।

लुका 8:14

त़ङ्‌खोक्‌वालादा म़छुक्‍ताओ बिउचि ओचिङा ओ: साङ्‌आ निनाम्‍हाङ्‌ओ अ़चुय़ङ एनु, मेन मो म़ह़ङ्‌याङ्‌हिदा हेन्‍खामादाओ मिन्‍राक्‌चि, चासुम्‍छेन्‍बि खोन्‍कि अ़चुताकावा युङ्‌माचामाआ उप्‍तुदिसुचि, खोन्‍किना मोचिओ अ़चुसिवा चात्‍मा अ़ऱनिन।

१ कोरिन्‍थि 7:2

मेन ब़द्‍धे ताङ्‌लान लियाङ्‌ओसा झारा म़नाओ अ़खिम्‍हाङ्‌मा युङ्‌मादोत, खोन्‍कि झारा मेत्‍छामाओ अ़खिम्‍हाङ्‌पा युङ्‌मादोत।

१ कोरिन्‍थि 7:28

मेन खाना साया त़काम्‍सानुछाङ हेवा मान्‍मुत़युक। मोवात्‍निङा वारिसा सायाकाम्‌नुछाङ, हेवा अ़मुनिन। मेन साया काकाम्‌चि, ओ हेन्‍खामादा दुखा म़तोक खोन्‍कि अ़ङ्‌का खानानिन मो दुखाचिदाङ्‌का रात्‍मानि मिन्‍ङाङा।

१ कोरिन्‍थि 7:36

अ़क्‍छा म़नाआ दोरुओ वारिसाएनान नुलोक अ़च़निनिन्‌ओ खोसाआ मित्‍तु खोन्‍कि मो वारिसाओ अ़सायाकाम्‍मा ग़रिछाङ पाङ्‌खात्‌याङ्‌नालो मो म़ना सायाकाम्‍मा स़नालो सायाकाम्‍मा ऱ। मो हेवा अ़लिनिन। मोचि सायाकाम्‍मादोत।

एफिसि 5:3

मेन आम्‍नुओ रादा पोप्‍मुमा खोन्‍कि झाराकाखालाओ अ़सेङ्‌निनिन्‌ओ माङ्‌लो च़ख़य़ओ अ़ऩङ्‌छाङ अ़बुत्‍निन्‍ने। मो निनाम्‍हाङ्‌ओ अ़चुम़नाचिएदा लिमा अ़खान्‍तुन।

फिलिप्‍पि 4:8

देङ्‌दा ब़ब़, नाना खोन्‍कि निछाचि ओ, दि अ़छ़ङ मुयाङ, दि सायामेत्‍मायु मुयाङ, दि साम्‌योक्‍मि मुयाङ, दि सेङ्‌याङ, दि सोमा तुक्‍मायु मुयाङ, दि चोन्‍मायु मुयाङ, मोवात्‍नि दि-दिचि अ़नुवाक खोन्‍कि चोन्‍मा खान्‍तुओ म़मुयाङ्‌नालो, मो य़ङ्‌चिओ अ़तुक्‌वादा मित्‍तानुम्‍च़म।

१ तिमोथि 1:10

ताङ्‌लान कामुचिओ निम्‍पाङ, दुवाछा-दुवाछा अ़त्‍लोकाच़चिओ निम्‍पाङ, हारुक काइन्‌चिओ निम्‍पाङ, म़ना काम़प्‌चिओ निम्‍पाङ, सोज्‍जे सालुम्‍स़ङ काप़चि खोन्‍कि अ़छ़ङ चिन्‍माय़ङ्‌ओ अ़देङ्‌सालाप्‍पादा दियाकोछाङ काचि कामुचिओ निम्‍पाङ मुवा ओ।

तितस 2:3

मोवात्‍निङा खोक्‍मा मेत्‍छामाचि सायाकातोक लिमा चिन्‍तुचि। म़नाचिओ अ़त्‍लो दुम लुमा अ़नुनिन्‌नि मोचि चिन्‍तुचि। मोचि हेङ्‌मावाओ अ़क़म्‍मादा मान्‍छुक्‍कादा लिमादोत, खोन्‍कि अ़नुवाक य़ङ्‌चि काचिन लिमादोत।