१ कोरिन्‍थि 7:32 - बान्‍तावा राई

³² खानानिन झारा मिन्‍राक मान्‍मुकादा लिसानिन्‌नि अ़ङ्‌का मिन्‍ङाङा। सायामान्‍काम्‌युक्‌ओ म़नाआ देत्‍नि हाङ्‌पाओ अ़चुऩङा नुमानिओ काचिचिओ अ़तुक्‌वादा मिन्‍राक मु।

१ कोरिन्‍थि 7:32 ပူးပေါင်းရင်းမြစ်များ

मत्‍ति 13:22

त़ङ्‌खोक्‌वालादा म़छुक्‍ताओ बिउचि ओचिङा ओ: मोसाआ निनाम्‍हाङ्‌ओ अ़चुय़ङ एनु, मेन ओ हेन्‍खामादाओ मिन्‍राक्‌चि, चासुम्‍छेन्‍बि च़क्‍ख़य़आ मो निनाम्‍हाङ य़ङ उप्‍तुदिसु, खोन्‍कि मोसाआ अ़सिवा अ़सिसुन।

मर्कुस 4:19

मेन ओ हेन्‍खामादाओ मिन्‍राक्‌चि, चासुम्‍छेन्‍बि सोम्‍तुक्‍मा खोन्‍कि नि सामाचिओ च़क्‍ख़य़ मुमाआ मो निनाम्‍हाङ य़ङ उप्‍तुदिसु, खोन्‍कि मोसाआ अ़सिवा अ़सिसुन।

युहन्‍ना 10:13

मो म़ना फुङ, देकिनालो मो भेरा खाङ्‌सि युङ्‌साओ काब़त ओ, मोसाआ भेराचि अ़खान्‍चिन।

१ कोरिन्‍थि 7:33

मेन सायाकाम्‍साओ म़नाआ देत्‍नि अ़खिम्‍हाङ्‌माओ अ़ऩङानुमा निकिना हेन्‍खामादाओ काचिचिओ अ़तुक्‌वादा मिन्‍राक मु।

फिलिप्‍पि 4:6

खाक्‍कोछाङ य़ङ्‌दा मिन्‍राक मान्‍मुदानिन, मेन झारा य़ङ्‌दा आम्‍नुओ यामात्‍मा खोन्‍कि दोत्‍माय़ङ्‌लाम्‍पा आलाङ्‌एनान खानानिन दोत्‌ओचि निनाम्‍हाङ दोत्‍तानुम।

१ तिमोथि 5:5

मेन साङ अ़नुछ्‍या मेन्‍मित्‍मा ओ, खोन्‍कि मोसोओ साङ्‌छाङ मात्‍द़ङ्‍ओनालो मो निनाम्‍हाङ्‌दा सोम्‍कुवा मु, खोन्‍कि अ़खाखुत अ़खोलेन यामात्‌युङ खोन्‍कि निनाम्‍हाङ्‌एदा फालु।