१ कोरिन्‍थि 7:15 - बान्‍तावा राई

¹⁵ मेन साकोङ्‌छ़ङ मान्‍मुकादाआ छित्‍मानि मिन्‌नालो छित्‍मा पुवानुम। मोवात्‍नि ओ ग़रिदा साकोङ्‌छ़ङ कामुपा निछा माङ्‌लो निछामा फोङ। निनाम्‍हाङ्‌आ आन्‍कान सेवाङ्‌नि युङ्‌मा निकि म़बुत्‍ताओ।

१ कोरिन्‍थि 7:15 ပူးပေါင်းရင်းမြစ်များ

मत्‍ति 12:50

देकिनालो साङ निनाम्‍मादु कायुङ अ़ङ्‌पापाओ अ़चुमिन्‍मावा च़, मोङा अ़ङ्‌निछा, अ़ङ्‌छेत्‍कुमा खोन्‍कि अ़ङ्‌मामा ओ।”

लुका 9:39

अ़क्‌तात चाकावालावाआ मो लाउकि खोक्‍को म़प्‍च़क़क्‌दा चिलिलिवा पात, खोन्‍कि मो छाओ अ़दोदाङ्‌का अ़छोम्‍पुत्‌वा लोन्‍लो धुन्‍मेत्‍तु। मो खेन्‍मान्‌वान्‍माङ्‌तारि लेत्‍माइ अ़लेरुन।

रोमि 12:18

लिमा ऱनालो झाराएनान सेवाङ्‌नि युङ्‌मा लामानिन।

रोमि 14:19

खोन्‌ओसा आन्‍कान दिसाआ सेवाङ्‌नि म़प़, मो य़ङ्‌चि त़ङ्‌तुम्‍च़म्‍ने खोन्‍कि मोसाआ अ़क्‍छा निएदा सोम्‍कुवा पोइसु।

१ कोरिन्‍थि 14:33

देकिनालो निनाम्‍हाङ कापुप्‍खान निनाम्‍हाङ ऩमुनिनिन, मेन सेवाङ्‌निओ म़मुयाङ। निनाम्‍हाङ्‌ओ अ़चुम़नाचिओ झारा साम्‍भुङ्‌दावात्‍नि,

२ कोरिन्‍थि 13:11

देङ्‌दा, ब़ब़, नाना खोन्‍कि निछाचि ओ, हासिन्‍चिन्‍ने। अ़च़वाङ्‍ओ निम्‍पाङ मित्‍चिऩङ मुवानिन। अ़ङ्‌य़ङ एनानुम! अ़क्‍छा निएदा तोङानिन। सेवाङ्‌नि युङानिन। खोन्‍कि निनाम्‍हाङ्‌ओ अ़चुसोमातुक्‍मा खोन्‍कि सेवाङ्‌नि खानानिन्‌एनान युङ।

गलाति 5:22

मेन सेङ्‌लावाओ अ़चुसिवा सोम्‍तुक्‍मा, मिन्‍माचानुमा, सेवाङ्‌नि, हुङ्‌मा, सोम्‍तुक्‍मा खाङ्‌मुमा, नुलोक मुमायु, सोम्‍कुवामुमायु,

हिब्रु 12:14

झारा म़नाचिएनान नुलोक तोङानिन्‌कि युङानिन। सेङ्‍ओ ह़ङ्‌म़ङ ह़ङानिन। सेङ्‌लो मान्‍ह़ङ्‌माङ साङ्‌आछाङ हाङ्‌पा अ़खान।

याकुब 2:15

खाक्‍को अ़क्‍छा साकोङ्‌छ़ङ कामु दुवाछा माङ्‌लो मेत्‍छाछा तित अ़तोक्‍निनिन खोन्‍कि अ़लेन्‍खिन्‍तुम चामायु मो अ़तोक्‍निनिन्‌नालो