१ कोरिन्‍थि 6:9 - बान्‍तावा राई

⁹ मान्‍साम्‌योक्‍मिचिआ निनाम्‍हाङ्‌ओ अ़चुहाङ्‌होन्‌दुओ पाङ ऩतोक्‍तुन्‌नि दि खानानिन त़सिन्‍तिमिन्‌येन? धान्‍मादा मान्‍छुक्‍दानिन। काचान्‍चाचि, सेम्‍पोक काब़क्‌चि, ताङ्‌लान कामुचि, दुवाछा-दुवाछा काचान्‍चाचि,

१ कोरिन्‍थि 6:9 ပူးပေါင်းရင်းမြစ်များ

मत्‍ति 19:29

खोन्‍कि साङ-साङ्‌आ अ़ङ्‌ऩङ्‌ओ निम्‍पाङ अ़खिम माङ्‌लो अ़द़क्‍छा-बुवाचि माङ्‌लो अ़ना-निछाचि माङ्‌लो अ़पापा-अ़मामाचि माङ्‌लो अ़छाचि माङ्‌लो अ़व़क्‍स़ङ्‌चि छिरुयुङ्‌सुचि, मोसाआ सयेकास़रो तोक्‍तु, खोन्‍कि अ़लुक्‍निन्‌ओ ह़ङ्‌म़ङ्‌ओ पाङ तोक्‍तु।

मत्‍ति 25:34

खोन्‍किना हाङ्‌आ अ़चुचुप्‍ताङ्‌छुक्‍लिप्‍पाओचि म़लोचि, ‘बानानिन, अ़ङ्‌पापाओ अ़चुआसिखा कातोक्‌चि ओ! हेन्‍खामा मुन्‍माय़ङ ग़रिदाङ्‌काङा आम्‍नुओ निम्‍पाङ चुम्‍सायुङ्‌साओ हाङ्‌होन्‌दा त़वाङिन।

लुका 21:8

खोक्‍कोसाआ मोचि म़लासुलोचि, “चाप्‍चेत्‍तानिन्‍चिन, साङ्‌आछाङ खानानिन ऩथेम्‍सिमिन्‍ने। देकिनालो ब़द्‍धे म़नाचि अ़ङ्‌ऩङ्‌दा ‘अ़ङ्‌का ख्रिस्‍त ओ!’नि य़ङ्‌सा म़ता। खोन्‍कि ‘ग़रि ताचिआयुङ्‌सा!’नि म़य़ङ। मेन मोचि मान्‍त़ङ्‌दानुम्‍च़म।

छाम्‍माय़ङ 20:32

हान अ़ङ्‌का खानानिन निनाम्‍हाङ्‌ओ खोन्‍कि खोक्‍कोसोओ अ़चुसोम्‍तुक्‍माओ य़ङ्‌दा पाक्‍नाङ्‌नानिन। निनाम्‍हाङ्‌ओ अ़चुय़ङ्‌आ खानानिन येसुएदा साकोङ्‌छ़ङ नुलोक मुमा त़ऱन्‍ने खोन्‍कि म़सेङ्‌सुचिओ झारा म़नाचिओ अ़चुरादा खानानिन आसिखा ऩप़न्‍ने।

छाम्‍माय़ङ 24:25

मेन पावल्‌आ साम्‌योक्‍मिओ अ़तुक्‌वादा, क़म्‍मान्‍चिन्‌ओ अ़तुक्‌वादा खोन्‍कि तायाङ्‍ओ निनाम्‍हाङ्‌ओ अ़चुछ़ङ्‌छेन्‍मा लेन्‌ओ अ़तुक्‌वादा खाएत्‍तुहिदा फेलिक्‍स्‌ओ अ़क़माकारा। खोन्‍कि खोसाआ लो, “ओन्‍ग़रि खात्‍मा त़ऱ, अ़ङ्‌का काङाओ ग़रि खाना बुत्‍नाने।”

रोमि 1:18

निनाम्‍हाङ्‌ओ अ़चुच़ऱपा झारा म़नाचिओ अ़चुहेवा खोन्‍कि अ़चुओ अ़अ़त्‍पाओ अ़देङ्‌सालाप्‍पादा निनाम्‍मादुङ्‌का खाङ्‌मुसायुङ्‌सा। मो अ़चुओ अ़अ़त्‍पा काचिआ अ़छ़ङ तिमुयुङ्‌सु।

१ कोरिन्‍थि 15:33

धान्‍मादा मान्‍छुक्‍दानिन। “अ़अ़त्‍पा यावायोक्‌आ अ़नुवाक च़माथाङ्‌मा लुक्‍तु।”

१ कोरिन्‍थि 15:50

हान ब़ब़, नाना खोन्‍कि निछाचि ओ, अ़ङ्‌का खानानिन ओवात्‍नि लोनानिन, सा खोन्‍कि ह़ निनाम्‍हाङ्‌ओ अ़चुहाङ्‌होन्‌दुओ पाङ्‌यि लिमा अ़ऱनिन। ओ म़स़दाओ पोक्‌चिआ अ़धुन युङ्‌युङ्‌ओ पाङ्‌यि तोक्‍मा ऩऱन।

१ कोरिन्‍थि 3:16

दि खानानिन निनाम्‍हाङ्‌ओ अ़चुब़क्‍खाखिम खोन्‍कि निनाम्‍हाङ्‌ओ अ़चुलावा खानानिन्‌एदा म़याक निकिना त़सिन्‍तिमिन्‌येन?

१ कोरिन्‍थि 5:1

आम्‍नुओ रादा ताङ्‌लान लिसाओ अ़नुछ्‍या खाऩएत्‍ताङ्‌युङ्‌साङ, अ़क्‍छाआ अ़पाओ अ़खिम्‍हाङ्‌मा युङ्‌सुयुङ्‌सु नि। ओवात्‍नि ना निरावाचिओ अ़चुरादाछाङ अ़लिनिन।

१ कोरिन्‍थि 5:10

मोसोओ अ़तुप्‍माय़ङ ओ हेन्‍खामादाओ ताङ्‌लान कामु, च़क्‍ख़य़ कामु, काङाप्‌चि माङ्‌लो सेम्‍पोक काब़क्‌चिएनान योक मान्‍मुदानिन्‌नि लोनानिन्‌ओ माआङ, माङ्‌नालोना खानानिन ओ हेन्‍खामादाङ्‌का लोन्‍माखात्‍मा दोराओ।

१ कोरिन्‍थि 5:11

अ़ङ्‌का छाप्‍तुङ्‌कि लोमा लाप्‍नाङ्‌नानिन्‌ओ य़ङ दिओनालो, साङ आप्‍पि साकोङ्‌छ़ङ कामुनि लोनान्‍चिन, मेन खो ताङ्‌लान कामु माङ्‌लो च़क्‍ख़य़ कामु माङ्‌लो सेम्‍पोक काब़क माङ्‌लो कासुङ माङ्‌लो खाबात सेत्‍चावा माङ्‌लो काङाप्‍खात ओ। ओवाको म़नाएनान चासिछाङ मान्‌युङ्‌दानिन।

१ कोरिन्‍थि 6:10

काख़चि, च़क्‍ख़य़ कामुचि, खाबात सेत्‍चावाचि, कासुङ्‌चि खोन्‍कि काङाप्‍खात्‍चिआ निनाम्‍हाङ्‌ओ अ़चुहाङ्‌होन्‌ओ पाङ ऩतोक्‍तुन।

१ कोरिन्‍थि 6:18

ताङ्‌लान्‌दाङ्‌का अ़थाया युङानिन। म़नाआ खाक्‍कोछाङ हेवा मु, मोसाआ अ़पोक्‌ओ अ़देङ्‌सालाप्‍पादा हेवा अ़मुन, मेन ताङ्‌लान कामु म़नाआ आप्‍पिओ अ़पोक्‌ओ अ़देङ्‌सालाप्‍पादा हेवा मु।

१ कोरिन्‍थि 6:19

आम्‍नुओ पोक निनाम्‍हाङ्‌ओ सेङ्‌लावाओ अ़चुब़क्‍खाखिम्‌ओ निकिना दि खानानिन त़सिन्‍तिमिन्‌येन? मो सेङ्‌लावा खानानिन्‌आ निनाम्‍हाङ्‌दाङ्‌का त़तोक्‍तुम्‌युङ्‌सुम, खोन्‍कि खोक्‍को खानानिन्‌एदा म़याक। खानानिन्‌छाङ आम्‍नुओ माआङ।

१ कोरिन्‍थि 9:24

दि खानानिन त़सिन्‍तिमिन्‌येन, लोत्‍मा होरादा झारा कालोत्‌चि म़लोत, मेन सिरिफा अ़क्‍छाआ ओन्‍ङा तोक्‍तु? मोवात्‍निङा खानानिन्‌छाङ सिरिफा तोक्‍मा निम्‍पाङ लोरानिन।

२ कोरिन्‍थि 12:21

अ़ङ्‌का लाङाबान्‍ङाहिदा अ़ङ्‌निनाम्‍हाङ्‌आ अ़ङ्‌का आम्‍नुओ तुक्‌वाआ लेजो ऩमुङा हे निम्‍पाङ खोन्‍कि साङ्‌चि बुया हेवा म़मुवा ओ, खोचि ब़द्‍धेकापाङ्‌आ अ़चुपोप्‍मान्‍चिन, ताङ्‌लान, हेवा खोन्‍कि राकादाङ्‌का मान्‍लाम़युक्‍नान्‍चिन्‌ओसा अ़ङ्‌का सोखा मुमादोत हे निकिना अ़ङ्‌क़माकात्‌याङ।

गलाति 6:7

आप्‍पि मान्‍धान्‍दानिन्‍चिन, निनाम्‍हाङ धान्‍मा अ़ऱन्‍मिन। देकिनालो म़नाआ दि लित्‍तु खोसाआ मोङा कोउ।

कलस्‍सि 3:5

खोन्‌ओसा खानानिन्‌एदा म़युङ्‌याङ्‌ओ हेन्‍खामादाओ मिन्‍माचि सेरानुम्‍च़म। मोचि पोप्‍मुमा, मान्‍सेङ्‌दामा, राका मित्‍मा, अ़त्‍लो मित्‍मा ओ। च़क्‍ख़य़ मान्‍मुदानिन, देकिनालो मो सेम्‍पोक ब़क्‍मावाको ओ।

हिब्रु 12:14

झारा म़नाचिएनान नुलोक तोङानिन्‌कि युङानिन। सेङ्‍ओ ह़ङ्‌म़ङ ह़ङानिन। सेङ्‌लो मान्‍ह़ङ्‌माङ साङ्‌आछाङ हाङ्‌पा अ़खान।

हिब्रु 12:16

साङ्‌छाङ काचान्‍चा अ़लिनिन्‍ने। निनाम्‍हाङ कित्‌याङ्‌सा ह़ङानिन, एसाब्‌वात्‍नि माआङ, खोसाआ अ़क्‍खुङ चामायुदा खोसोओ अ़कुम्‍पा पाङ इनुचो।

हिब्रु 13:4

झारासाआ सायाकाम्‍माय़ङ साया मेत्‍मादोत खोन्‍कि खिम्‍हाङ्‌मा खिम्‍हाङ्‌पा सोम्‍कुवा मुकामु लिमादोत, देकिनालो काचान्‍चाचि खोन्‍कि ताङ्‌लान कामुचि निनाम्‍हाङ्‌आ छ़ङ म़छेन्‍तुचि।

याकुब 1:16

अ़ङ्‌का सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, मान्‍धादानिन।

१ युहन्‍ना 3:7

सोमातुक्‍नाङ्‌नानिन्‌ओ अ़चुप्‍पो छाचि ओ, खाक्‍कोछाङ म़नाआ खानानिन ऩधान्‍तिमिन्‍ने! साङ अ़नुवाक काचि मु, मोङा साम्‌योक्‍मि ओ, येसु साम्‌योक्‍मि म़मुयाङ।

खाङ्‌मुमा 21:8

मेन अ़चुक़मा काकात्‌चि, साकोङ्‌छ़ङ मान्‍मुकादाचि, चिप्‍माकात्‍तुओचि, म़ना कासेत्‌चि, पोप्‍कामुचि, म़क्‍फेङ कामुचि, सेम्‍पोक काब़क्‌चि खोन्‍कि म़ना काम़प्‌चि झारा मो म़नाचिओ अ़चुपाङ्‌यि लेत्‌याङ्‌ओ गन्‍दक्‌ओ मिराक्‌दा लि। ओ ह्‍वादुओदु स़मा ओ।”

खाङ्‌मुमा 22:15

मेन मो सहरा बुङ्‌खाया ना कुतिवाचि, म़क्‍फेङ कामुचि, पोप्‍कापोप कामुचि, म़ना कासेत्‌चि, सेम्‍पोक काब़क्‌चि खोन्‍कि सोज्‍जेओ ऩङाकानुचि खोन्‍कि मोवात्‍निङा काच़चि म़युङ।