१ कोरिन्‍थि 6:20 - बान्‍तावा राई

²⁰ खानानिन निनाम्‍हाङ्‌ओ अ़चुलुङ अ़छोराकि ऩखिरिन्‌ओ। खोन्‌ओसा खानानिन्‌आ आम्‍नुओ पोक्‌दा निनाम्‍हाङ साया मेत्‍तानुम।

१ कोरिन्‍थि 6:20 ပူးပေါင်းရင်းမြစ်များ

मत्‍ति 5:16

ओवात्‍निङा आम्‍नुओ साम म़नाचिओ अ़चुबुदा लेत्‍ने, खोन्‍कि मोचिआ आम्‍नुओ अ़नुवाक काचि अ़खाङ्‌ने खोन्‍कि निनाम्‍मादुओ आम्‍नुओ पापाओ अ़चुऩङ अ़लोङ्‌ने।

छाम्‍माय़ङ 20:28

खानानिन आम्‍नुओ निम्‍पाङ खोन्‍कि सेङ्‌लावाआ खाङ्‌मा ऩप़न्‌ओ साम्‍भुङ्‌दाओ झारा साकोङ्‌छ़ङ कामुचिओ निम्‍पाङ चाप्‍चेत्‍तानिन्‍चिन। निनाम्‍हाङ्‌आ येसुओ अ़चुह़लाम्‍पा म़खिरुचिओ साम्‍भुङ काखाङ्‌चि लिसानिन।

रोमि 12:1

खोन्‌ओसा अ़ङ्‍ब़ब़, नाना खोन्‍कि निछाचि ओ, निनाम्‍हाङ्‌ओ अ़चुतोक्‍पो सोम्‍तुक्‍माआ अ़ङ्‌का खानानिन यायोक प़नाङ्‌नानिन, खानानिन आप्‍पि सेङ्‌लो खोन्‍कि निनाम्‍हाङ्‌ओ अ़चुऩङानुओ अ़ह़ङ हेन्‍खोक्‌वाचिवात्‍नि पुवालावानुम। ओ खानानिन्‌आ प़मादोत्‌ओ अ़नुछ्‍याओ तोङ्‌लो ब़क्‍मायु ओ।

रोमि 6:19

खानानिन्‌आ तुप्‍मा त़ऱम्‍ने, अ़ङ्‌का अ़मात्‍ऩङ्‌चिदा चेप्‍ङाङा। खानानिन्‌आ अ़क्‍दु आम्‍नुओ पोक्‍फुत्‌चि पोप्‍माय़ङ खोन्‍कि च़लोक हेवाओ निम्‍पाङ त़याङुम्‍च़म, हान मोवात्‍निङा खानानिन सेङ्‌लो त़लिनिन्‌ओसा झारा आम्‍नुओ पोक्‍फुत्‌चि साम्‌योक्‍मि काचिदा याङानुम्‍च़म।

१ कोरिन्‍थि 10:31

मोवात्‍नि माआङ, खानानिन चानिन माङ्‌लो दुङानिन माङ्‌लो आम्‍नुओ ताकावा चुवानिन, ओ झारा निनाम्‍हाङ्‌ओ अ़चुऩङ लोङ्‌माओ निम्‍पाङ मुवानुम।

१ कोरिन्‍थि 7:23

खानानिन निनाम्‍हाङ्‌आ आम्‍नुओ लुङ अ़छोराकि ऩखिरिन ओ, म़नाचिओ अ़चुहारुक मान्‍लिदानिन।

गलाति 3:13

आन्‍को निम्‍पाङ माङ्‌हिम म़लिसाकि य़ङ्‌हुप्‌आ तारुओ माङ्‌हिम्‌दाङ्‌का ख्रिस्‍तआ आन्‍कान म़लेइसा, देकिनालो “स़ङ्‌दा क़ङ्‌माय़ङ झारा माङ्‌हिम लि”नि छाप्‌याङ।

फिलिप्‍पि 1:20

अ़ङ्‌को अ़न्‍नुनु अ़ङ्‌हुङ्‌मा खोन्‍कि सोम्‍कुवा ओङा ओ, अ़ङ्‌का देम्‍खाछाङ लेजो अ़लिऩङ, मेन अ़ङ्‌को च़लोक अ़ङ्‌राक पोन, खोन्‍कि अ़धुन्‌वा आइमित्‌छाङ अ़ङ्‌पोक्‌आ ख्रिस्‍त साया मेत्‍तु, ह़ङ्‌ङानेकि स़ङादाङाने।

हिब्रु 9:12

मेनेत्‍पा माङ्‌लो बोयोङ्‌ओ अ़ह़आ माआङ, मेन आप्‍पिओ अ़चुह़आ आन्‍कान अ़धुन्‌ओ निम्‍पाङ लेइसि अ़क्‍धुवा तोक्‍पो सेङ्‌याङ्‌ओ खोप्‌हुत्‌दा खोक्‍को म़वाङा।

१ पत्रुस 1:18

खानानिन त़सिन्‍तुम्‌योम, आम्‍नुओ सुन्‍तुम्‌चिदाङ्‌का त़तोक्‍तुम्‌ओ सोज्‍जेओ च़माथाङ्‌मादाङ्‌का खानानिन ऩफोङ्‌सिन। ओ फोङ्‌मा ना हाराक्‌वा खोन्‍कि रुपावाको लुक्‍खात्‌ओ सामालाम्‍पा आम्‍नुओ लुङ अ़छोराकि त़तोक्‍तुम्‌ओ माआङ।

१ पत्रुस 2:9

मेन खानानिन छेन्‍माय़ङ रावा ओ, हाङ्‌ओ अ़चुकाब़क्‍पाचि, त़सेङिन्‌येन्‌ओ म़नाचि, निनाम्‍हाङ्‌ओ आप्‍पिओ अ़चुम़नाचि ओ। खोक्‍कोसाआ खानानिन कुन्‌यामादाङ्‌का म़दोम्‍दाओ साम्‌दा ऩबुत्‍तिन, खोन्‌ओसा खोक्‍कोसोओ म़दोम्‍दाओ अ़चुकाचिचि खानानिन्‌आ खात़लुसुम्‍ने।

२ पत्रुस 2:1

देत्‍नि म़नाचिओ अ़चुरादाछाङ सोज्‍जेओ निनाम्‍हाङ्‌य़ङ खाकालुचि म़युङाङा, मोवात्‍निङा आम्‍नुओ रादाछाङ सोज्‍जेओ काचिन्‍पाचि म़याक। मोचिआ मान्‍सिन्‍माङ सोज्‍जेओ लुक्‍खा ताया ऩचिन्‍तिन। ओदातारि हे तोक्‍पो अ़चुहाङ्‌पाछाङ मोचिआ ऩङाअ़छित, खोन्‍कि आप्‍पिएदा च़क्‍नि लुक्‍मा अ़तात।

खाङ्‌मुमा 5:9

मोचिआ अ़क्‌तात अ़ऩङ्‌वा छाम अ़लुवा। “खानानिन ओ छाप्‍लाखाओ अ़भोङ कालोक खोन्‍कि मोसोओ अ़सेप्‍खाचि फोङ्‌मा त़खान्‍तिन्‌ओ त़मुन्‌येन। देकिनालो खानानिन ऩसेरिन, खोन्‍कि आम्‍नुओ स़मा हेन्‍खोक्‌वाआ खानानिन निनाम्‍हाङ्‌ओ निम्‍पाङ झारा भुङ्‌चि, य़ङ्‌चि, म़नाचि खोन्‍कि रावाचि त़खिरुम्‍च़म।