१ कोरिन्‍थि 6:13 - बान्‍तावा राई

¹³ “चामायु बुक्‌ओ निम्‍पाङ ओ, बुक चामायुओ निम्‍पाङ ओ।” मेन निनाम्‍हाङ्‌आ ह्‍वातात्‍माङ म़लुक्‍तुचि। पोक ताङ्‌लान्‌ओ निम्‍पाङ माआङ, मेन हाङ्‌पाओ निम्‍पाङ ओ, खोन्‍कि हाङ्‌पा पोक्‌ओ निम्‍पाङ ओ।

१ कोरिन्‍थि 6:13 ပူးပေါင်းရင်းမြစ်များ

मत्‍ति 15:17

दि-दि दोदाङ्‌का बुक्‌हुत्‌दा वाङ, मो बुङ्‌खाया लोन्‍खात। ओ खानानिन त़सिन्‍तिमिन्‌येन?

मत्‍ति 15:20

ओ य़ङ्‌चिआ म़नाचि पोप्‍तुचि। मेन छुक वामान्‍स़माङ चामाआ म़नाचि अ़पोप्‍तुन्‍चिन।”

मर्कुस 7:19

देकिनालो चामायु साकोङ्‌वादा अ़वाङ्‌निन, मेन मो बुक्‍हुत्‌दा वाङ्‌किना पोक्‌दाङ्‌का बुङ्‌खाया लोन्‍खात।” (ओवात्‍नि य़ङ्‌याङ्‌सा, “झारा चामायुचि म़सेङ्‌याङ”नि येसु म़य़ङा।)

युहन्‍ना 6:27

लुक्‍खात्‌ओ चामायुओ निम्‍पाङ काचि मान्‍मुदानिन, मेन अ़लुक्‍निन्‌ओ ह़ङ्‌म़ङ काप़ चामायुओ निम्‍पाङ काचि मुवानिन। मो चामायु म़नाओ अ़छाआ खानानिन ऩप़न। देकिनालो पापा निनाम्‍हाङ्‌आ म़नाओ अ़चुछाएदा अ़चुओ सेप्‍मा पाङ अ़पुवायुङ्‌सा।”

युहन्‍ना 6:49

आम्‍नुओ सुन्‍तुम्‌चिआ लेक्‍लेक्‍लेक्‌वाओदा मन्‍ना अ़चानुछाङ मोचि म़सुवादा।

रोमि 12:1

खोन्‌ओसा अ़ङ्‍ब़ब़, नाना खोन्‍कि निछाचि ओ, निनाम्‍हाङ्‌ओ अ़चुतोक्‍पो सोम्‍तुक्‍माआ अ़ङ्‌का खानानिन यायोक प़नाङ्‌नानिन, खानानिन आप्‍पि सेङ्‌लो खोन्‍कि निनाम्‍हाङ्‌ओ अ़चुऩङानुओ अ़ह़ङ हेन्‍खोक्‌वाचिवात्‍नि पुवालावानुम। ओ खानानिन्‌आ प़मादोत्‌ओ अ़नुछ्‍याओ तोङ्‌लो ब़क्‍मायु ओ।

रोमि 14:17

देकिनालो निनाम्‍हाङ्‌ओ अ़चुहाङ्‌होन चामा खोन्‍कि दुङ्‌माओ अ़तुक्‌वा माआङ, मेन सेङ्‌लावादा, साम्‌योक्‍मि तोक्‍मायु, सेवाङ्‌नि खोन्‍कि ऩङानुमान्‍चिन्‌ओ।

रोमि 6:12

खोन्‌ओसा पोक मित्‍मावात्‍नि तुङ्‌मा अ़दोत्‍निन्‍ने निकिना आम्‍नुओ स़दाओ पोक्‌दा हेवा हाङ मुमा मान्‍प़दानुम।

रोमि 7:4

खोन्‌ओसा अ़ङ्‍ब़ब़, नाना खोन्‍कि निछाचि ओ, खानानिन्‌छाङ ख्रिस्‍तओ अ़चुपोक्‌ओ अ़फुत्‌ओसा य़ङ्‌हुप्‌एदा त़स़न्‌युङ्‌सिन। खोन्‍कि ओन्‍ग़रि खानानिन म़सुवादाओदाङ्‌का म़खोन्‍तालोन्‍ताओ ख्रिस्‍तएनान अ़क्‌तात त़लिसिन्‌युङ्‌सिन। मोवात्‍निओसा, आन्‍कान निनाम्‍हाङ्‌ओ निम्‍पाङ अ़नुवाक काचिओ अ़सिवा सिमा ऱम।

१ कोरिन्‍थि 3:16

दि खानानिन निनाम्‍हाङ्‌ओ अ़चुब़क्‍खाखिम खोन्‍कि निनाम्‍हाङ्‌ओ अ़चुलावा खानानिन्‌एदा म़याक निकिना त़सिन्‍तिमिन्‌येन?

१ कोरिन्‍थि 6:15

आम्‍नुओ पोक ख्रिस्‍तओ अ़चुधाङ्‌चिओ निकिना दि खानानिन त़सिन्‍तिमिन्‌येन? खोन्‍नालो दि अ़ङ्‌का ख्रिस्‍तओ अ़चुधाङ खात्‍माकि काचान्‍चामाएनान अ़क्‌तात मुमा? ओ देम्‍खाछाङ लिमा अ़ऱनिन!

१ कोरिन्‍थि 6:19

आम्‍नुओ पोक निनाम्‍हाङ्‌ओ सेङ्‌लावाओ अ़चुब़क्‍खाखिम्‌ओ निकिना दि खानानिन त़सिन्‍तिमिन्‌येन? मो सेङ्‌लावा खानानिन्‌आ निनाम्‍हाङ्‌दाङ्‌का त़तोक्‍तुम्‌युङ्‌सुम, खोन्‍कि खोक्‍को खानानिन्‌एदा म़याक। खानानिन्‌छाङ आम्‍नुओ माआङ।

२ कोरिन्‍थि 11:2

निनाम्‍हाङ्‌वात्‍निङा अ़ङ्‌का खानानिन खाङ्‌नायुङ्‌नानिन। अ़क्‍छा खिम्‍हाङ्‌पाओ सेङ्‌याङ्‌ओ वारिसावात्‍नि खानानिन खाङ्‌मुमाओ निकि अ़ङ्‌का ख्रिस्‍तओ निम्‍पाङ खानानिन दोत्‍नाप़नायुङ्‌नानिन।

२ कोरिन्‍थि 5:15

ओवात्‍नि, ख्रिस्‍त आन्‍कान झारासोओ निम्‍पाङ म़सुवा। खोन्‌ओसा साङ आप्‍पिओ निम्‍पाङ ह़ङ, मो हान्‌दाङ्‌का आप्‍पिओ निम्‍पाङ माआङ, मेन आन्‍कान झारासोओ निकिना कास़ खोन्‍कि म़सुवाओदाङ्‌का म़लासाखोन्‍तालोन्‍ताओसो निम्‍पाङ आन्‍कान ह़ङ्‌मादोत।

गलाति 5:24

खोन्‍कि साङ्‌चि ख्रिस्‍त येसुओचि ओ, मोचिआ हेवामि च़माथाङ्‌मा मोसोओ अ़पोक मित्‍माचि खोन्‍कि अ़मिन्‍माचि क्रुस्‌दा अ़ख़न्‍तायुङ्‌सा।

एफिसि 5:23

देत्‍नि ख्रिस्‍त साम्‍भुङ्‍ओ अ़मुलो म़युङ्‌याङ, मोवात्‍नि खिम्‍हाङ्‌पा खिम्‍हाङ्‌माओ अ़मुलो ओ। मो साम्‍भुङ खोक्‍कोसोओ अ़चुपोक ओ, खोन्‍कि खोक्‍कोङा मोसोओ अ़कालेन्‍पा ओ।