१ कोरिन्‍थि 5:4 - बान्‍तावा राई

⁴ खानानिन आन्‍हाङ्‌पा येसुओ अ़चुऩङ्‌दा त़कोविन्‍चिन्‌हिदा अ़ङ्‌का लावादा खानानिन्‌एनान युङ्‌ङा खोन्‍कि आन्‍हाङ्‌पा येसुओ अ़चुसावा मोदा म़युङ।

१ कोरिन्‍थि 5:4 ပူးပေါင်းရင်းမြစ်များ

मत्‍ति 16:19

अ़ङ्‌का खाना निनाम्‍हाङ्‌होन्‌ओ अ़होत्‍खाचि प़ना। दि खाना हेन्‍खामादा मुमा त़प़युङ्‌सुचि, निनाम्‍मादुओ निनाम्‍हाङ्‌आ मो अ़छ़ङ अ़मुवाचिआयुङ्‌सा, खोन्‍कि दि खाना हेन्‍खामादा मुमा मान्‍प़त़युक्‍तुचि, मो निनाम्‍मादु अ़छ़ङ अ़मुवायुङ्‌सा।”

मत्‍ति 18:20

देकिनालो खादा ह़वाङ माङ्‌लो सुम्‌कापाङ अ़ङ्‌ऩङ्‌दा म़कोप्‍नान्‍चिन, मोदा मोचिएदा अ़ङ्‌का याक्‍ङा।”

मत्‍ति 28:18

खोन्‍कि येसु मोचिएदा म़ताकि म़लोचि, “निनाम्‍मा खोन्‍कि हेन्‍खामादाओ झारा पाङ अ़ङ्‌का ऩपुवाङ्‌युङ्‌साङ।

मत्‍ति 28:20

अ़ङ्‌का खानानिन लोनानिन्‌ओ झारा य़ङ्‌चि मोचि मुमा चिन्‍तानुम्‍च़म। खानुम, अ़ङ्‌का जुगाओ आदेङ्‌तारि अ़धुन खानानिन्‌एनान युङ्‌ङायुङ्‌ङा।”

युहन्‍ना 20:23

साङ्‌को अ़हेवा खानानिन त़लेत्‍तुम्‌नालो मोसोओ अ़चुहेवा लेत, खोन्‍कि साङ्‌चिओ अ़चुहेवा खानानिन त़लेत्‍तिन्‍चिमिन मोचिओ अ़चुहेवा ऩलेत्‍निन।”

छाम्‍माय़ङ 16:18

खोन्‍कि मो ब़द्‍धेकालेन्‌तारि मोवात्‍निङा चुवायुङ्‌सा। मेन पावल्‌ओ अ़नाप्‍मा लुवाकि मो चाकावालावाआ लाउओएह्‍यात्‍नि हुसान्‍चिन्‌कि लो, “येसु ख्रिस्‍तओ अ़चुऩङ्‌दा अ़ङ्‌का खाना लोनाङ्‌ना, ओ मेत्‍छाछाएदाङ्‌का लोन्‍ताखारा!” खोन्‍कि मोन्‍ग़रिङा चाकावालावाआ मो मेत्‍छाछा छिरुदो।

छाम्‍माय़ङ 3:6

खोन्‍किना पत्रुस्‌आ खो लो, “अ़ङ्‌काएदा हाराक्‌वा खोन्‍कि रुपा ना मात्‍द़ङ, मेन दि अ़ङ्‌काएदा युङ्‌याङ, मो अ़ङ्‌का खाना प़ना। नासरत्‌ओ येसु ख्रिस्‍तओ अ़चुऩङ्‌दा कोला!”

छाम्‍माय़ङ 4:30

खोन्‍कि सेङ्‌याङ्‌ओ हारुक येसुओ अ़चुऩङ्‌लाम्‍पा कातुक म़नाचि नुखा खोन्‍कि बुन्‌चि खोन्‍कि म़दोम्‍दाओ काचिचि मुमादा आम्‍नुओ सावा आन्‍कान्‍का प़नि।”

२ कोरिन्‍थि 13:10

खोन्‌ओसा, खानानिन्‌एदाङ्‌का अ़थाया युङ्‌ङाङाहिदा अ़ङ्‌का ओ छाप्‍तुङ्‌योङ, मोवात्‍नि खानानिन्‌एदा लाङाताङाहिदा हाङ्‌पाआ अ़ङ्‌का ऩपुवाङ्‌ओ पाङ चाअ़त्‍लो अ़ङ्‌का याङ्‌मा अ़दोत्‍निन्‍ने। ओ पाङ खोक्‍कोसाआ अ़ङ्‌का खानानिन काऱ मुमा निम्‍पाङ ऩपुवाङ ओ, भुङ्‌माखान्‍माओ निम्‍पाङ माआङ।

२ कोरिन्‍थि 13:3

मोन्‍ग़रि ओ य़ङ्‌आ अ़ङ्‌का ख्रिस्‍तओ अ़चुपाङ्‌लाम्‍पा चेप्‍ङाङाओ सालुम्‍स़ङ खानानिन ऩप़न। आम्‍नुओ च़माथाङ्‌मादा ख्रिस्‍त मान्‍ऱकादा ऩमुनिनिन, मेन खोक्‍को आम्‍नुओ रादा सावापोरिओ म़मुयाङ।

२ कोरिन्‍थि 2:6

ब़द्‍धेसाआ खो फित्‍चि अ़मुवा, खोन्‍कि मोङा दन्‍दाओ निम्‍पाङ थात्‍तुलो लिसायुङ्‌सा।

एफिसि 5:20

अ़धुन झारा य़ङ्‌चिओ निम्‍पाङ आन्‍हाङ्‌पा येसु ख्रिस्‍तओ अ़चुऩङ्‌दा निनाम्‍हाङ पापा आलाङ पुवानुम।

कलस्‍सि 3:17

दे-दे त़य़ङिन, दे-दे त़च़न, मो झारा हाङ्‌पा येसुओ अ़चुऩङ्‌दा खोक्‍कोलाम्‍पा निनाम्‍हाङ पापा आलाङ प़याङ्‌सा मुवानुम।

२ थेसलोनिकि 3:6

ब़ब़, नाना खोन्‍कि निछाचि ओ, आन्‍हाङ्‌पा येसु ख्रिस्‍तओ अ़चुऩङ्‌दा आन्‍कान्‍का खानानिन लोनिङ्‌नि, आन्‍कान्‍का खानानिन चिन्‍माय़ङ्‌वा मान्‍काङ्‌कादा झारा कासो साकोङ्‌छ़ङ कामुचिदाङ्‌का अ़थाया युङानिन।