१ कोरिन्‍थि 5:11 - बान्‍तावा राई

¹¹ अ़ङ्‌का छाप्‍तुङ्‌कि लोमा लाप्‍नाङ्‌नानिन्‌ओ य़ङ दिओनालो, साङ आप्‍पि साकोङ्‌छ़ङ कामुनि लोनान्‍चिन, मेन खो ताङ्‌लान कामु माङ्‌लो च़क्‍ख़य़ कामु माङ्‌लो सेम्‍पोक काब़क माङ्‌लो कासुङ माङ्‌लो खाबात सेत्‍चावा माङ्‌लो काङाप्‍खात ओ। ओवाको म़नाएनान चासिछाङ मान्‌युङ्‌दानिन।

१ कोरिन्‍थि 5:11 ပူးပေါင်းရင်းမြစ်များ

मत्‍ति 18:17

मोवात्‍नि खोसाआ खोचिओ अ़चुय़ङ्‌छाङ एन्‍मा छुन्‌नालो साम्‍भुङ्‌दा खालुसु। खोसाआ साम्‍भुङ्‌ओ अ़य़ङ्‌छाङ एन्‍मा छुन्‌नालो खो आम्‍को निम्‍पाङ निरावा खोन्‍कि अ़क्‍छा दाम्‍दुकालात्‌वा लिने।

मत्‍ति 23:25

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन लाङ्‌चोक्‍खुङ खोन्‍कि फाङ्‌लान्‌ओ अ़दुङ्‌लिप्‍पा त़प़न्‍तुम, मेन आम्‍नुओ कोङ्‌हुत्‌या मो च़क्‍ख़य़ खोन्‍कि आप्‍पि खाङ्‌मान्‍चिन्‌आ भेप्‍तुयुङ्‌सु।

लुका 18:11

फरिसि पुवालोन्‍ताकि अ़कोङ्‌या यामारा, ‘निनाम्‍हाङ्‌पो, अ़ङ्‌का खानानिन आलाङ प़नानिन। देकिनालो अ़ङ्‌का नि म़नाचिवाको काच़न, अ़त्‍लोकाच़, ताङ्‌लान कामु माङ्‌लो ओ दाम्‍दुकालात्‌वाकोछाङ अ़ङ्‌का अ़मुऩङ्‌ऩङ।

लुका 21:34

खानानिन चाप्‍चेत्‍तानिन्‍चिन, माङ्‌नालोना आम्‍नुओ ताकावा च़मा, खाबात्‌आ सेत्‍मा, खोन्‍कि ‘देत्‍नि ह़ङ्‌मा’नि मिन्‍मा योक्‍माआ आम्‍नुओ मिन्‍मा तिमुखात्‍तु, खोन्‍किना वाय़वात्‍निङा अ़क्‍धुवा मो लेन तालाप।

छाम्‍माय़ङ 1:15

खोन्‍कि अ़क्‌लेन पत्रुस पुवालोन्‍ताकि साकोङ्‌छ़ङ कामुचिओ अ़चुरादा चेप्‍मा पुङ्‌सु, मोदा आप्‍फात अ़क सये बिस्‌कापाङ हाङ्‌पा येसुदा साकोङ्‌छ़ङ कामु म़नाचि म़कोवान्‌युङ्‌सान्‍चिन।

छाम्‍माय़ङ 9:17

खोन्‍किना हननिया खाराकि यहुदाओ अ़खिम्‌दा वाङा। खोन्‍कि सावल्‌एदा अ़छुक युङ्‌सुकि लो, “सावल निछा, हाङ्‌पा येसु खाना त़बानाङाओ लाम्‌दा खानाएदा खाङ्‌म़मुसान्‍चिन, खोसाआङा अ़ङ्‌का खाना लामाखाखाङ्‌मा त़ऱने खोन्‍कि सेङ्‌लावाआ त़भेप्‍ने निकिना अ़ङ्‌का ऩछुत्‍ताङ्‌युङ्‌साङ।”

रोमि 13:13

अ़खोलेन्‌वा आन्‍कान नुलोक च़न्‍ने। ताकावा च़मा, सेत्‍चावादा, ताङ्‌लान्‌दा, लुत्‍माचामादा, खिमादा खोन्‍कि ऩङ्‌च़दा माआङ।

रोमि 16:17

ब़ब़, नाना खोन्‍कि निछाचि ओ, अ़ङ्‌का खानानिन यायोक प़नाङ्‌नानिन, खानानिन चिन्‍माय़ङ साम्‌योक्‍मि लाम्‌ओ अ़देङ्‌सालाप्‍पादा काफेक्‌चि खोन्‍कि लाम्‍काछेक्‌चिदाङ्‌का चाप्‍चेत्‍तानिन्‍चिन, खोन्‍कि मोचिदाङ्‌का अ़थाया युङानिन!

१ कोरिन्‍थि 10:14

खोन्‌ओसा, सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, सेम्‍पोक ब़क्‍मादाङ्‌का अ़थाया युङानिन।

१ कोरिन्‍थि 11:21

देकिनालो खानानिन त़चान्‌हिदा झारासाआ आप्‍पिओ आम्‍नुओ चामायु चामा त़पुक्‍तुम, खोन्‍कि अ़क्‍छा मान्‍चा लि, खोन्‍कि अ़क्‍छा सेत्‍मायुआ सेरु।

१ कोरिन्‍थि 5:13

निनाम्‍हाङ्‌आङा साम्‍भुङ बुङ्‌खादाओचि अ़चुछ़ङ म़छेन्‍तुचि। साम्‍कालिन य़ङ्‌याङ, “अ़अ़त्‍पा म़ना आम्‍नुओ रादाङ्‌का लोइसाखाइसानुम।”

१ कोरिन्‍थि 6:10

काख़चि, च़क्‍ख़य़ कामुचि, खाबात सेत्‍चावाचि, कासुङ्‌चि खोन्‍कि काङाप्‍खात्‍चिआ निनाम्‍हाङ्‌ओ अ़चुहाङ्‌होन्‌ओ पाङ ऩतोक्‍तुन।

१ कोरिन्‍थि 6:6

मेन अ़क्‍छा साकोङ्‌छ़ङ कामु नि साकोङ्‌छ़ङ कामुओ अ़देङ्‌सालाप्‍पादा छ़ङ्‌छेन्‍खादा खात खोन्‍कि मोछाङ साकोङ्‌छ़ङ मान्‍मुकादाचिओ अ़चुबुदा!

१ कोरिन्‍थि 6:9

मान्‍साम्‌योक्‍मिचिआ निनाम्‍हाङ्‌ओ अ़चुहाङ्‌होन्‌दुओ पाङ ऩतोक्‍तुन्‌नि दि खानानिन त़सिन्‍तिमिन्‌येन? धान्‍मादा मान्‍छुक्‍दानिन। काचान्‍चाचि, सेम्‍पोक काब़क्‌चि, ताङ्‌लान कामुचि, दुवाछा-दुवाछा काचान्‍चाचि,

१ कोरिन्‍थि 7:12

मेन निचि अ़ङ्‌का ओवात्‍नि लोङ्‌च़ङ, ओ लोमाय़ङ अ़ङ्‌को ओ, हाङ्‌पाओ माआङ। ख्रिस्‍तदा साकोङ्‌छ़ङ कामु निछाओ साकोङ्‌छ़ङ मान्‍मुकादा अ़खिम्‍हाङ्‌मा युङ्‌याङ, खोन्‍कि मोएनान युङ्‌मानि मिन्‌नालो मोसाआ अ़खिम्‍हाङ्‌मा अ़छिरुन्‍ने।

१ कोरिन्‍थि 7:15

मेन साकोङ्‌छ़ङ मान्‍मुकादाआ छित्‍मानि मिन्‌नालो छित्‍मा पुवानुम। मोवात्‍नि ओ ग़रिदा साकोङ्‌छ़ङ कामुपा निछा माङ्‌लो निछामा फोङ। निनाम्‍हाङ्‌आ आन्‍कान सेवाङ्‌नि युङ्‌मा निकि म़बुत्‍ताओ।

१ कोरिन्‍थि 8:11

खोन्‍कि आम्‍खारुआ मो मान्‍ऱकादा साकोङ्‌छ़ङ कामु लुक, मोसोओ निकिनाछाङ ख्रिस्‍त म़सुवाओ।

गलाति 2:12

याकुब्‌आ खाइसुचिओ म़नाचि तामा बुया खो निरावाचिएनान अ़क्‍नि चाङा। मेन मोचि म़तालाकि निरावाचिएनान चामा छिरु खोन्‍कि खो आप्‍पि हासान्‍चिन, देकिनालो खो सिप्‍मायाम्‍बुन पाक्‍माय़ङ रुहुप्‌दाङ्‌का अ़क़माकारा।

एफिसि 5:18

अङ्‌गुरा माङ्‌वाआ त़सेरिमिन्‍ने, देकिनालो मोसाआ खानानिन त़लुक्‍तिन, मेन सेङ्‌लावाआ भेप्‍तानिन।

एफिसि 5:5

देकिनालो खानानिन्‌आ ओ अ़नुछ्‍या सिन्‍तानुम, खाक्‍कोछाङ ताङ्‌लान कामु खोन्‍कि अ़सेङ्‌निनिन्‌ओ म़ना माङ्‌लो च़क्‍ख़य़ कामु म़ना (मो अ़क्‍छा सेम्‍पोक काब़क ओ), ख्रिस्‍तओ खोन्‍कि निनाम्‍हाङ्‌ओ अ़चुहाङ्‌होन्‌दा देम्‍खाछाङ पाङ्‌यि अ़तोक्‍तुन।

कलस्‍सि 3:5

खोन्‌ओसा खानानिन्‌एदा म़युङ्‌याङ्‌ओ हेन्‍खामादाओ मिन्‍माचि सेरानुम्‍च़म। मोचि पोप्‍मुमा, मान्‍सेङ्‌दामा, राका मित्‍मा, अ़त्‍लो मित्‍मा ओ। च़क्‍ख़य़ मान्‍मुदानिन, देकिनालो मो सेम्‍पोक ब़क्‍मावाको ओ।

२ थेसलोनिकि 3:14

ओ छाप्‍लावादाओ आन्‍काओ लोमाय़ङ्‌वा साङ मुमा छुन्‌नालो मो म़ना सिन्‍तायुङ्‌सानुम। मोचिएनान मान्‍तोङ्‌दानिन, खोन्‌ओसा मोचि लेजो म़लिने।

२ थेसलोनिकि 3:6

ब़ब़, नाना खोन्‍कि निछाचि ओ, आन्‍हाङ्‌पा येसु ख्रिस्‍तओ अ़चुऩङ्‌दा आन्‍कान्‍का खानानिन लोनिङ्‌नि, आन्‍कान्‍का खानानिन चिन्‍माय़ङ्‌वा मान्‍काङ्‌कादा झारा कासो साकोङ्‌छ़ङ कामुचिदाङ्‌का अ़थाया युङानिन।

१ तिमोथि 3:3

खाबात सेत्‍चावा खोन्‍कि ङेन कामु माआङ, मेन वाइवेत कायुङ, मान्‍खिकादा, छेन्‍बि च़क्‍ख़य़ मान्‍मुकादा मुमादोत।

१ तिमोथि 6:5

ओ म़नाचिआ अ़धुन खिखा अ़लोन। अ़चुओ मिन्‍मा अ़ओङ्‌सायुङ्‌सा, खोन्‍कि मोचिआ अ़छ़ङ देङ्‍अ़ह़त्‍तायुङ्‌सा। मोचिओ निम्‍पाङ साम्‌योक काचि ना दुप्‍खा लाम ओन्‍ङा ओनि म़मिन।

२ युहन्‍ना 1:10

खोन्‌ओसा साङ खानानिन्‌एदा ताकि ख्रिस्‍तओ अ़चुचिन्‍माय़ङ अ़तारुन्‌नालो खिम्‌दा खो मान्‍लोक्‍दानुम माङ्‌लो साया मान्‍मेत्‌दानुम।

खाङ्‌मुमा 2:14

मेन आम्‍नुओ देङ्‌सालाप्‍पादा अ़ङ्‌काएदा दि-दि य़ङ्‌चि म़युङ्‌याङ। देकिनालो आम्‍नुओ रादा खा-खाक्‍कोचि म़युङ्‌याङ, मोचिआ बालाम्‌ओ अ़चिन्‍माय़ङ अ़त़ङ। इस्राएलिचि धुङ्‌खाओ अ़तुक्‌वा लिने निकिना सेम्‍पोक्‌चि प़माय़ङ चामायुचि चामा खोन्‍कि ताङ्‌लान मुमा बालाम्‌आ बालाक चिन्‍तु।

खाङ्‌मुमा 2:20

मेन आम्‍नुओ देङ्‌सालाप्‍पादा अ़ङ्‌काएदा ओ य़ङ य़ङ्‌मा दोत्‌याङ: खाना इजेबेल्‌निओ मेत्‍छामा त़आङ्‌तुङु। मो आप्‍पि निनाम्‍हाङ्‌य़ङ खाकालुनि लोनान्‍चिन, खोन्‍कि अ़ङ्‌का काब़त्‌चि ताङ्‌लान मुमा खोन्‍कि सेम्‍पोक्‌चि प़माय़ङ चामायुचि चामा चिन्‌याङ्‌सा थेम्‍सुङुचि।

खाङ्‌मुमा 21:8

मेन अ़चुक़मा काकात्‌चि, साकोङ्‌छ़ङ मान्‍मुकादाचि, चिप्‍माकात्‍तुओचि, म़ना कासेत्‌चि, पोप्‍कामुचि, म़क्‍फेङ कामुचि, सेम्‍पोक काब़क्‌चि खोन्‍कि म़ना काम़प्‌चि झारा मो म़नाचिओ अ़चुपाङ्‌यि लेत्‌याङ्‌ओ गन्‍दक्‌ओ मिराक्‌दा लि। ओ ह्‍वादुओदु स़मा ओ।”

खाङ्‌मुमा 22:15

मेन मो सहरा बुङ्‌खाया ना कुतिवाचि, म़क्‍फेङ कामुचि, पोप्‍कापोप कामुचि, म़ना कासेत्‌चि, सेम्‍पोक काब़क्‌चि खोन्‍कि सोज्‍जेओ ऩङाकानुचि खोन्‍कि मोवात्‍निङा काच़चि म़युङ।