१ कोरिन्‍थि 4:9 - बान्‍तावा राई

⁹ अ़ङ्‌का देत्‍नि लुङाङानालो, छोमाय़ङ खाङ्‌मुमाओ अ़देङ्‌दा काकोन स़माओ दन्‍दा कातोक छेक्‍मिचिवात्‍नि निनाम्‍हाङ्‌आ आन्‍कान्‍का छाम्‍माय़ङ्‌चि झारादाङ्‌का देङ्‌या ऩयुङ्‌सिन्‌युङ्‌सिन्‍का। खोन्‍किना आन्‍कान्‍का हेन्‍खामादा निनाम्‍हाङ काफाचि खोन्‍कि म़नाचिओ अ़चुबुदा चोप्‍मायु लिसिन्‌युङ्‌सिन्‍का।

१ कोरिन्‍थि 4:9 ပူးပေါင်းရင်းမြစ်များ

छाम्‍माय़ङ 19:29

खोन्‍कि झारा सहराङा काचेङ्‌वा लिसा, खोन्‍कि म़नाचिआ माकेदोनियादाओ पावल्‌ओ अ़यावाचि गायस खोन्‍कि अरिस्‍तार्खस म़लाउचि, खोन्‍कि हालिफुलि खाचोप्‍खाहुत्‌या अ़क्‍नि म़सारुवाक्‍तुचि।

छाम्‍माय़ङ 19:31

एसिया धिखाहुप्‌दाओ खा-खाक्‍को बुसुवाचि पावल्‌ओ अ़यावाचि म़याआङा, खोचिआ “खाचोप्‍खाहुत्‌या मान्‌वाङ्‌दानिन!”निकिना पावल यायोक अ़पुवा।

रोमि 8:36

साम्‍कालिन्‌दा ओवात्‍नि छाप्‍तायुङ्‌सा, “आम्‍नुओ निम्‍पाङ आन्‍कान्‍का नाम्‍प़क्‍लो स़मा तेम्‍मादोत, धेत्‍मायु भेराचिवात्‍नि आन्‍कान्‍का ऩखान्‌युङ्‌सिन्‍का।”

१ कोरिन्‍थि 15:19

ओ ह़ङ्‌म़ङ्‌ओ निम्‍पाङ ओन्‍ङा आन्‍कान ख्रिस्‍तएदा सोम्‍कुवा मुन्‌येन्‌ओनालो आन्‍कान झारा म़नाचिदाङ्‌का च़लोक दुखा तोक्‍तिन्‌ओ।

२ कोरिन्‍थि 11:23

दि मोचि ख्रिस्‍तओ अ़चुकाफाचि ओ? अ़ङ्‌का च़लोक अ़नुवाक अ़चुकाफापा ओ। अ़ङ्‌का हिम्‍सालेवा चेप्‍ङाङा। अ़ङ्‌का च़लोक काचि मुङ्‌युङ्‌सुङ। छेक्‍खादा ब़द्‍धेकादु छुक्‍ताङ्‌युङ्‌साङ। खिप्‌दि मान्‍तेत य़हुप चोङ्‌युङ्‌सुङ। स़माओ अ़दोदा अ़दु-अ़दु छुक्‍ताङ्‌युङ्‌साङ।

२ कोरिन्‍थि 6:9

आन्‍कान्‍का ऩसिन्‍तिन्‍कानुछाङ ऩसिन्‍तिमिन्‌येन्‍कावा म़च़। स़मादामा मुन्‌येन्‍कानुछाङ आन्‍कान्‍का ह़ङिन्‌येन्‍का। दन्‍दा काआङ्‌नुछाङ मान्‍सेत्‍ऩयुक्‍तिन्‍का।

१ थेसलोनिकि 3:3

खोन्‌ओसा दुखाचिआ आम्‍नुओ साङ्‌कोछाङ राक अ़स़निन्‍ने। खानानिन्‌ङा त़सिन्‍तुम्‌योम, ओवाको दुखाचि ना आन्‍कान आङ्‌माङादोत।

हिब्रु 1:14

खोन्‍नालो निनाम्‍हाङ काफाचिनिओ दि ओ? मोचि म़लेन्‌याङ्‌ओचिओ निम्‍पाङ ब़त्‍सि म़छुत्‍तुचिओ काब़त लावाचि ओ।

हिब्रु 10:33

खानानिन झारा म़नाचिओ अ़चुबुदा ऩसुङ्‌तिन खोन्‍कि ऩधात्‍तिन, खोन्‍कि अ़क्‌वावाक दुखादा म़छुक्‍ताओचि त़फासुम्‍च़म।

हिब्रु 11:36

खा-खाक्‍कोचि म़सुङ्‌तुचि, य़हुप म़पाक्‍तुचिकि म़छ़सुचि खोन्‍कि छेक्‍खादा म़छेक्‍तुचि।