१ कोरिन्‍थि 4:8 - बान्‍तावा राई

⁸ खानानिन दोराङाओ झारा य़ङ बुयाङा खानानिन्‌आ त़तोक्‍तुम्‌चिउम? खानानिन कातोक त़लिसिन्‍चिइन्‌युङ्‌सिन? आन्‍कान्‍का मात्‍द़ङ खानानिन हाङ त़लिसिन? खानानिन हाङ काचि त़मुन्‌ओदे नुवाओ। खोन्‍दे आन्‍कान्‍का खानानिन्‌एनान हाङ मुन्‍काओ।

१ कोरिन्‍थि 4:8 ပူးပေါင်းရင်းမြစ်များ

मत्‍ति 5:1

म़ना मुक्‍लाचि म़खाचिकिना खोक्‍को भ़ऱदु म़लोन्‍ता खोन्‍कि म़युङा। खोक्‍कोसोओ अ़चुकाखेङ्‌पाचि खोक्‍कोएदा म़ता।

लुका 6:25

अ़चाअ़त्‍मादा त़छुक्‍तिन ओन्‍ग़रि बुक काखाचि ओ! देकिनालो खानानिन मान्‍चामाङ त़युङिन। अ़चाअ़त्‍मादा त़छुक्‍तिन ओन्‍ग़रि काइचि ओ! देकिनालो खानानिन त़खाविन खोन्‍कि त़पारिन।

छाम्‍माय़ङ 26:29

पावल्‌आ लासुलो, “च़क्‍निनेकि स़लेनिने खानानिन खोन्‍कि झारा आय़ अ़ङ्‌य़ङ काएन्‌चि अ़ङ्‌कावाङा लिसानिन, मेन काकारा चोक्‍माय़आ ऩछुम्‍सिमिन्‍ने निकिना अ़ङ्‌का निनाम्‍हाङ्‌एदा यामात्‍ङा।”

रोमि 12:3

निनाम्‍हाङ्‌आ ऩपुवाङ्‌ओ अ़चुपाङ्‌आ अ़ङ्‌का खानानिन झारा लोनानिन, आप्‍पि खानानिन तोक्‍पोनि मान्‍मित्‌दानिन्‍चिन। मेन खानानिन निनाम्‍हाङ्‌आ देम च़लोक साकोङ्‌छ़ङ ऩप़न्‌युङ्‌सिन, खानानिन्‌छाङ मोन्‍तेकाङा नुलोक मित्‍माचिदोत।

१ कोरिन्‍थि 1:5

ख्रिस्‍तदा खानानिन झाराकापाराआ झारा य़ङ चेप्‍मा खोन्‍कि झारा तायादा कातोक त़लिसिन्‌युङ्‌सिन।

१ कोरिन्‍थि 4:18

खानानिन्‌एदाओ देम्‌कापाङ अ़ङ्‌का मोदा अ़बान्‍ऩङ्‌नि म़मिनाकिना ऱक्‍भाक म़लिसायुङ्‌सा।

१ कोरिन्‍थि 5:6

आम्‍नुओ ऱक्‍भाक अ़नुवाक माआङ। उन्‍नि खमिराआ झारा बुत्‍थ़ बोप होम्‍सुलोइसुनि दि खानानिन्‌आ त़सिन्‍तिमिन्‌येन?

२ कोरिन्‍थि 11:1

खानानिन्‌आ उन्‍नि अ़ङ्‌खामान्‍सिन त़आङ्‌ङाप़ङाऩङ्‌नि मिन्‍ङाङा! अ़नुछ्‍या खानानिन्‌आ अ़ङ्‌का आङ्‌निप़नि।

२ कोरिन्‍थि 13:9

आन्‍कान्‍का मान्‍ऱकादा मुन्‌येन्‍कानुछाङ खोन्‍कि खानानिन काछो त़लिसिन्‌हिदा आन्‍काओ ऩङानु। खानानिन उन्‍निज़ङ्‌नि लिसानिन निम्‍पाङ आन्‍कान्‍का यामारिन्‍का।

गलाति 6:3

मेन दित्‍छाङ माआङ्‌ओ अ़ङ्‌का अ़च़वाङ्‌ओनि मित्‍नान्‍चिन्‌नालो मो आप्‍पि धान्‍नान्‍चिन।

फिलिप्‍पि 1:27

अ़च़वाङ य़ङ ओङा ओ, आम्‍नुओ ह़ङ्‌म़ङ्‌ओ च़माथाङ्‌माआ ख्रिस्‍तओ अ़चुनुय़ङ्‌खान खान्‍तुओ मुने। अ़ङ्‌का बान्‍ङाकि तुप्‍नानिन्‌नुछाङ माङ्‌लो अ़ङ्‌का अ़युङ्‌ऩङ्‌ऩङ्‌ङाने, अ़ङ्‌का ओ य़ङ आम्‍नुओ तुक्‌वादा एन्‍मा स़ङा, खानानिन अ़क्‌तात लावादा अ़क्‍नि त़लिसिन्‌कि त़एविन्‌ओ खोन्‍कि अ़क्‍मिन्‍माओ त़लिसिन्‌कि नुय़ङ्‌खान्‌ओ साकोङ्‌छ़ङ्‌ओ निम्‍पाङ अ़क्‍नि त़मुन्‌येन्‌ओ अ़ङ्‌का एन्‍मा तोक्‍तुङ्‌ने।

फिलिप्‍पि 2:12

खोन्‌ओसा सोमातुक्‍नाङ्‌नानिन्‌ओ यावाचि ओ, देत्‍नि खानानिन्‌आ अ़धुन निनाम्‍हाङ्‌ओ अ़चुलोमाय़ङ त़काङ्‌सिन, अ़ङ्‌का खानानिन्‌एदा युङाङ्‌याङ्‌हिदा ओन्‍ङा मुन्‌वा माआङ, मेन च़लोक अ़ङ्‌का मात्‍द़ङ्‌हिदाछाङ क़माआ धुन्‌याङ्‌सा आम्‍नुओ लेन्‍माय़ङ्‌आ खानानिन झारासाआ चात्‍लो काचि मुवायुङ्‌सानिन।

खाङ्‌मुमा 3:17

‘अ़ङ्‌का कातोक मुङाङा, अ़ङ्‌काएदा चासुम्‍छेन्‍बि युङ्‌याङ, खोन्‍कि अ़ङ्‌का दित्‍छाङ अ़दोत्‍निन’नि खाना त़य़ङ्‌याङ। मेन खाना त़सिन्‍तुन्‌योन, चाअ़त्‍लो दुखा खाना त़तोक्‌याङ्‌ओ, मान्‍तोक्‍कादा, दोप्‍म़क खोन्‍कि कालाङ्‌द़क त़मुयाङ।

खाङ्‌मुमा 5:10

खोन्‍कि मोचि अ़क्‌तात हाङ्‌होन खोन्‍कि आन्‍काओ निनाम्‍हाङ काब़क्‌चि त़मुम्‌युङ्‌सुम्‍च़म, खोन्‍कि मोचि हेन्‍खामादा हाङ्‌म़मु।”