१ कोरिन्‍थि 4:20 - बान्‍तावा राई

²⁰ देकिनालो निनाम्‍हाङ्‌ओ अ़चुहाङ्‌होन चेप्‍मादा माआङ, सावादा याक्‌याङ।

१ कोरिन्‍थि 4:20 ပူးပေါင်းရင်းမြစ်များ

रोमि 1:16

नुय़ङ्‌खान खालुमा अ़ङ्‌लेजो अ़कात्‍निन, देकिनालो झारा साकोङ्‌छ़ङ कामु लेत्‍माओ निम्‍पाङ ओ निनाम्‍हाङ्‌ओ अ़चुसावा ओ: बुयाओदु यहुदिचि, खोन्‍कि ग्रिक्‌चिओ निम्‍पाङ्‌छाङ ओ।

रोमि 14:17

देकिनालो निनाम्‍हाङ्‌ओ अ़चुहाङ्‌होन चामा खोन्‍कि दुङ्‌माओ अ़तुक्‌वा माआङ, मेन सेङ्‌लावादा, साम्‌योक्‍मि तोक्‍मायु, सेवाङ्‌नि खोन्‍कि ऩङानुमान्‍चिन्‌ओ।

रोमि 15:19

ओ म़दोम्‍दाओ काचिचि, सावापोरिओ बुन्‌चि, सेङ्‌लावाओ अ़चुसावालाम्‍पा अ़ङ्‌का मुङ्‌युङ्‌सुङ। ओवात्‍नि यरुसलेम्‌दाङ्‌का इल्‍लुरिकन भेप्‍लो झारादात्‍नि ख्रिस्‍तओ अ़चुनुय़ङ्‌खान अ़ङ्‌का खालुसुङ्‌युङ्‌सुङ।

१ कोरिन्‍थि 1:24

मेन निनाम्‍हाङ्‌आ म़बुत्‍तुचिओ यहुदिचि खोन्‍कि ग्रिक्‌चिओ निकिना ख्रिस्‍तङा निनाम्‍हाङ्‌ओ अ़चुसावा खोन्‍कि निनाम्‍हाङ्‌ओ अ़चुखारु म़युङ्‌याङ।

१ कोरिन्‍थि 2:4

अ़ङ्‌का चेवाङ्‍ओ य़ङ खोन्‍कि खाएत्‍नानिन्‌ओ नुय़ङ्‌खान आम्‍नुओ कोङ्‌दा खात्‌ओ खोन्‍कि ताया याआङाओ य़ङ्‌चिदा मात्‍द़ङ्‌याङ, मेन सेङ्‌लावाओ खोन्‍कि सावाओ अ़खाङ्‌मुमादा याआङा।

२ कोरिन्‍थि 10:8

आन्‍काओ पाङ्‍ओ अ़तुक्‌वादा अ़ङ्‌का अ़क्‍चित च़लोक ऱक्‍भाक मुवाङ्‌नुछाङ अ़ङ्‌का लेजोदा अ़छुक्‍ऩङ, देकिनालो खानानिन लुक्‍माओ निम्‍पाङ माआङ, मेन आम्‍नुओ नुलोक्‌ओ निम्‍पाङ हाङ्‌पाआ आन्‍कान्‍का ओ पाङ ऩप़न्‌युङ्‌सिन्‍का।

१ थेसलोनिकि 1:5

देकिनालो आन्‍कान्‍का खानानिन्‌एदा नुय़ङ्‌खान तारुम्‍काहिदा य़ङ्‌चिदा ओन्‍ङा माआङ, मेन सावा खोन्‍कि सेङ्‌लावादाछाङ अ़नुछ्‍या तारुम्‍काओ त़सिन्‍तुम्‌युङ्‌सुम। आम्‍नुओ निम्‍पाङ आन्‍कान्‍का आम्‍नुओ रादा देत्‍नि युङिन्‍काओ खानानिन नुलोक त़सिन्‍तुम्‌योम।