१ कोरिन्‍थि 4:2 - बान्‍तावा राई

² मोन्‌ओन्‍ङा माआङ, पाङ्‌कातोक्‌चि सोम्‍कुवा मुमा खान्‍तुओचि लिमादोत।

१ कोरिन्‍थि 4:2 ပူးပေါင်းရင်းမြစ်များ

मत्‍ति 25:21

मोसोओ अ़हाङ्‌पाआ मो लासुलो, ‘नुलोक त़चुवा, अ़नुवाक खोन्‍कि सोम्‍कुवामुमायु हारुक। खाना उन्‍निदा सोम्‍कुवामुमायु त़लिसा, हान अ़ङ्‌का खाना ब़द्‍धे य़ङ्‌चिदा पाङ प़ना। खाना ताकि अ़ङ्‌काएनान अ़क्‍नि खाबाचादा आम्‍ऩङानुसान्‍चिन।’

मत्‍ति 25:23

मोसोओ अ़हाङ्‌पाआ मोछाङ लासुलो, ‘नुलोक त़चुवा, अ़नुवाक खोन्‍कि सोम्‍कुवामुमायु हारुक। खाना उन्‍निदा सोम्‍कुवामुमायु त़लिसा, हान अ़ङ्‌का खाना ब़द्‍धे य़ङ्‌चिदा पाङ प़ना। खाना ताकि अ़ङ्‌काएनान अ़क्‍नि खाबाचादा आम्‍ऩङानुसान्‍चिन।’

लुका 12:42

खोन्‍कि हाङ्‌पाआ म़लासुलोचि, “सोम्‍कुवा मुमाय़ङ खोन्‍कि खारु कातोक खिम काचि काखाङ साङ ओ? खोसोओ अ़हाङ्‌पाआ नि अ़हारुक्‌चि खोसोओ अ़छुक्‌दा अ़पाक्‌कि मोचिआ चामादोत्‌ओ ग़रिदा मोचिओ अ़चुचामा, दुङ्‌मायु काप़ अ़मु।

१ कोरिन्‍थि 4:1

खोन्‌ओसा खानानिन्‌आ आन्‍कान्‍का ख्रिस्‍तओ अ़चुकाचि कामुचि खोन्‍कि निनाम्‍हाङ्‌ओ अ़चुकोङ्‌य़ङ्‍ओ अ़तुप्‍माय़ङ म़नाचि खाकाएत पाङ कातोक्‌चि निकिना मित्‍मादोत।

१ कोरिन्‍थि 4:17

खोवात्‍निओसा अ़ङ्‌का सोमातुक्‍तुङ्‌योङ्‌ओ अ़ङ्‌छा तिमोथि खानानिन्‌एदा बाइसुङ्‌योङ, खो हाङ्‌पाएदा सोम्‍कुवा कामु मुयाङ। अ़ङ्‌का झारादात्‍नि झारा साम्‍भुङ्‌दा दि चिन्‍तुङ्‌च़ङ, ख्रिस्‍त येसुएदा अ़ङ्‌ह़ङ्‌म़ङ देत्‍नि मुयाङ निकिना तिमोथिआ खानानिन खाऩएत्‍तिन।

१ कोरिन्‍थि 4:3

मेन खानानिन्‌दाङ्‌का माङ्‌लो खाक्‍कोछाङ म़नाचिओ अ़चुछ़ङ्‌छेन्‍खादाङ्‌का अ़ङ्‌छ़ङ छेन्‍मा ना अ़ङ्‌को निम्‍पाङ अ़चुप्‍पाङ दुम ओ। अ़ङ्‌काछाङ अ़ङ्‌छ़ङ अ़छेन्‍ऩङ।

१ कोरिन्‍थि 7:25

हान वारिसाचिओ अ़चुतुक्‌वादा अ़ङ्‌का हाङ्‌पाएदाङ्‌का खाक्‍कोछाङ लोमाय़ङ मान्‍तोक्‌युक्‍तुङ। मेन हाङ्‌पाओ अ़चुसोम्‍तुक्‍मालाम्‍पा अ़क्‍छा सोम्‍कुवा मुमा खान्‍तुओ लिसाङ्‌ओसा अ़ङ्‌का खानानिन अ़ङ्‌यायोक प़नानिन।

२ कोरिन्‍थि 2:17

देकिनालो ब़द्‍धे निचिवा आन्‍कान्‍का निनाम्‍हाङ्‌ओ अ़चुय़ङ काखित काइन्‌चि माआङ, मेन निनाम्‍हाङ्‌आ ऩछुत्‍तिन्‍काओ अ़चुमिन्‍मा सेङ्‌याङ्‌ओ म़नाचिवा आन्‍कान्‍का निनाम्‍हाङ्‌ओ अ़चुबुदा ख्रिस्‍तओ अ़चुतुक्‌वादा चेविन्‍का।

२ कोरिन्‍थि 4:2

आन्‍कान्‍का लेजोकात्‌ओ खोन्‍कि कुम्‌याङ्‌सा मुमायु काचिचि ऩङाछिरुम्‍च़म्‌का। आन्‍कान्‍का चाप्‍चा मुमा माङ्‌लो निनाम्‍हाङ्‌ओ अ़चुय़ङ ऱक्‍मा छुन्‍तिन्‍का। मेन अ़छ़ङ्‌य़ङ नुलोक खालुयाङ्‌सा निनाम्‍हाङ्‌ओ अ़चुबुदा आन्‍कान्‍का झारा म़नाओ छेन्‍खातायादा लोक्‍मा अ़खान्‍तिन्‍काओ मुन्‍चिन्‍का।

कलस्‍सि 1:7

मो नुय़ङ्‌खान आन्‍कान्‍का सोमातुक्‍तुम्‌योम्‍काओ काफापा यावा इपाफ्रास्‌आ खानानिन त़चिन्‍तिन। मो आन्‍काओ लिप्‍पादा ख्रिस्‍तओ अ़क्‍छा सोम्‍कुवा मुमा खान्‍तुओ काब़त्‍पा ओ।

कलस्‍सि 4:17

“खाना हाङ्‌पाएदाङ्‌का त़तोक्‍तुओ ब़त्‍मा काचि तासुलो”नि अर्खिप्‍पस लोवानुम।

कलस्‍सि 4:7

अ़ङ्‌तुक्‌वादाओ झारा य़ङ्‌चि सोमातुक्‍तुङ्‌योङ्‌ओ निछा सोम्‍कुवा मुमा खान्‍तुओ काचि कामु खोन्‍कि हाङ्‌पाएदाओ यावा हारुक तुखिकस्‌आ खानानिन खात़एत्‍तिन।