१ कोरिन्‍थि 4:14 - बान्‍तावा राई

¹⁴ खानानिन लेजोदा धान्‍मा निकिना अ़ङ्‌का ओ छाप्‍तुङ्‌योङ्‌ओ माआङ, मेन सोमातुक्‍तुङ्‌योङ्‌च़ङ्‍ओ अ़ङ्‌छाचिवात्‍नि खानानिन यायोक प़मा निम्‍पाङ ओ।

१ कोरिन्‍थि 4:14 ပူးပေါင်းရင်းမြစ်များ

छाम्‍माय़ङ 20:31

खोन्‌ओसा चाप्‍चेत्‍तानिन्‍चिन! सुम्‌कादोङ्‌तारि अ़खोलेन अ़खाखुत म़क्‌वा धान्‌याङ्‌सा अ़ङ्‌का खानानिन झारा चिन्‍नानिन्‌ओ मित्‍तायुङ्‌सानुम।

१ कोरिन्‍थि 15:34

नुलोक आम्‍नुओ खारुच़ङ्‌तानुम, खोन्‍कि हेवा मुमा छिरानुम। खानानिन्‌एदा देम्‌कापाङ्‌आ ना निनाम्‍हाङ्‌ङा मान्‍सिन्‍त़युक्‍तुम्‌ओसा खानानिन लेजो मेत्‍मा निम्‍पाङ अ़ङ्‌का ओवात्‍नि य़ङाङ्‌ओ।

१ कोरिन्‍थि 4:15

देकिनालो ख्रिस्‍तदा आम्‍नुओ कातित्‌चि दस हजारा म़युङ्‌याङ्‌नुछाङ आम्‍नुओ लावामि पापा अ़क्‍छा ओन्‍ङा म़युङ्‌याङ। देकिनालो नुय़ङ्‌खान खाएत्‍निकि ख्रिस्‍त येसुदा अ़ङ्‌का आम्‍नुओपा लिसाङ।

१ कोरिन्‍थि 4:17

खोवात्‍निओसा अ़ङ्‌का सोमातुक्‍तुङ्‌योङ्‌ओ अ़ङ्‌छा तिमोथि खानानिन्‌एदा बाइसुङ्‌योङ, खो हाङ्‌पाएदा सोम्‍कुवा कामु मुयाङ। अ़ङ्‌का झारादात्‍नि झारा साम्‍भुङ्‌दा दि चिन्‍तुङ्‌च़ङ, ख्रिस्‍त येसुएदा अ़ङ्‌ह़ङ्‌म़ङ देत्‍नि मुयाङ निकिना तिमोथिआ खानानिन खाऩएत्‍तिन।

१ कोरिन्‍थि 6:5

खानानिन लेजो मेत्‍माओ निम्‍पाङ अ़ङ्‌का ओवात्‍नि य़ङ्‌ङाङा। दि साकोङ्‌छ़ङ कामुचिएदा खिमाय़ङ तोङ्‌मा काऱ ताया कातोक म़ना खानानिन्‌एदा साङ्‌छाङ मात्‍द़ङ?

१ कोरिन्‍थि 9:15

मेन अ़ङ्‌का ओ पाङ्‌चिदाङ्‌का खाक्‍कोछाङ मान्‌याङ्‌युक्‍तुङ्‌च़ङ। खोन्‍कि अ़ङ्‌को निकिना ओवाको सामाचि त़मेत्‍नि प़निने निम्‍पाङ छाप्‍तुङ्‌योङ्‌च़ङ्‍ओ माआङ। अ़ङ्‌का तोक्‍पो लिमाओ य़ङ्‌दाङ्‌का साङ्‌आछाङ छेक्‍मादाङ्‌का ना अ़ङ्‌का स़मा नुयाङ।

२ कोरिन्‍थि 11:11

देकि खानानिन्‌एदाङ्‌का छेन्‍बि अ़लोक्‍ऩङ? दि अ़ङ्‌का खानानिन सोमाअ़तुक्‍नान्‍निमिन निकिना ओ? निनाम्‍हाङ्‌आ अ़सिन्‌याङ, अ़ङ्‌का खानानिन सोमातुक्‍नानिन!

२ कोरिन्‍थि 12:19

दि खानानिन त़मित्‍तुम्‌युङ्‌सुम्‌योम, ओन्‌तारि आन्‍कान्‍का आम्‍नुओ बुदा आन्‍कान्‍का आप्‍पि रात्‍तिन्‌येन्‍चिन्‍का ओ? सोमातुक्‍नाङ्‌नानिन्‌ओ यावाचि ओ, आन्‍कान्‍का निनाम्‍हाङ्‌ओ अ़चुबुदा ख्रिस्‍तओ अ़चुपाङ्‌आ चेविन्‌येन्‍का, खोन्‍कि झारा खानानिन काछो मुमा निम्‍पाङ ओ।

२ कोरिन्‍थि 7:3

खानानिन लाहिपाक्‍मा निम्‍पाङ अ़ङ्‌का ओ लोनानिन्‌ओ माआङ। देकिनालो अ़ङ्‌का बुयाङा लोनायुङ्‌नानिन, आन्‍काओ साकोङ्‌वाचिदा खानानिन त़याइन्‌येन। आन्‍कान्‍का स़न्‍का, खोन्‍कि ह़ङिन्‍कानुछाङ खानानिन्‌एनान युङिन्‍का।

कलस्‍सि 1:28

ख्रिस्‍त कात़ङ झारा म़नाचि आन्‍कान्‍का निनाम्‍हाङ्‌ओ अ़चुबुदा खात्‍तुम्‌योम्‍च़म्‍काहिदा खोचि म़पोन्‍चिन्‍ने निकिना आन्‍कान्‍का झारा म़नाचि चाप्‍चेत्‌याङ्‌सा खोन्‍कि झारा खारुदा चिन्‌याङ्‌सा ख्रिस्‍तओ अ़तुक्‌वादा खालुसुम्‍का।

१ थेसलोनिकि 2:11

देकिनालो खानानिन त़सिन्‍तुम्‌योम, आन्‍कान्‍का खानानिन झारा अ़चुपाआ अ़छाचि मुङुचिवात्‍निङा खानानिन मुनि।

१ थेसलोनिकि 5:14

ब़ब़, नाना खोन्‍कि निछाचि ओ, आन्‍कान्‍काआ खानानिन यायोक प़निङ्‌नि, कासोचि चाप्‍चेत्‍तानुम्‍च़म। अ़चुराक सुवाओचि, मान्‍ऱकादाचि फासानुम्‍च़म। झाराचिएनान नुलोक चेवानिन।

२ थेसलोनिकि 3:14

ओ छाप्‍लावादाओ आन्‍काओ लोमाय़ङ्‌वा साङ मुमा छुन्‌नालो मो म़ना सिन्‍तायुङ्‌सानुम। मोचिएनान मान्‍तोङ्‌दानिन, खोन्‌ओसा मोचि लेजो म़लिने।

१ युहन्‍ना 2:1

सोमातुक्‍नाङ्‌नानिन्‌ओ अ़ङ्‌छाचि ओ, खानानिन हेवा मान्‍मुदानिन निकिना अ़ङ्‌का ओ य़ङ छाप्‍तुङ्‌योङ। मेन साङ हेवा मुनुछाङ निनाम्‍हाङ पापाएदा आन्‍लिप्‍पादा काचेप अ़क्‍छा साम्‌योक्‍मि येसु ख्रिस्‍त म़युङ्‌याङ।

३ युहन्‍ना 1:4

अ़ङ्‌छाचि अ़छ़ङ्‌दा म़कोन्‌याङ्‌निओ य़ङ एन्‍माओन्‍तेका तोक्‍पो अ़ऩङानुमा अ़ङ्‌को निकि दित्‍छाङ मात्‍द़ङ?