१ कोरिन्‍थि 4:11 - बान्‍तावा राई

¹¹ आइमित्‌छाङ आन्‍कान्‍का सास़न्‍का खोन्‍कि वामित्‍मा स़न्‍का, आन्‍काओ कालाङ्‌द़क मुन्‌येन्‍का, आन्‍कान्‍का धात्‍खावा चान्‌युङ्‌सिन्‍का खोन्‍कि आन्‍काओ खिम मात्‍द़ङ।

१ कोरिन्‍थि 4:11 ပူးပေါင်းရင်းမြစ်များ

मत्‍ति 8:20

खोन्‍कि येसुआ मो अ़लोवा, “हाप्‍सुचिओ अ़चुयुङ्‌खा बुक्‍ताङ्‌चि खोन्‍कि नाम्‍छ़ऱदु कापेन छोङ्‌वाचिओ अ़चुयाङ्‌चि म़याक्‌याङ, मेन म़नाओ अ़छाओ ना अ़ताङ नान्‍खाछाङ मात्‍द़ङ।”

छाम्‍माय़ङ 14:19

खोन्‍किना खा-खाक्‍को एन्‍तिओखिया खोन्‍कि आइकोनियन्‌याङ्‌का म़बानाओ यहुदिचिआ पावल्‌ओ अ़देङ्‌सालाप्‍पादा म़ना मुक्‍लाचि म़थेन्‍तुचि। खोचिआ पावल लुङ्‍आ अ़वेरा, खोन्‍कि खो सुवादानि अ़मित्‍ताकिना सहरादाङ्‌का बुङ्‌खाया अ़सारालोत्‍ता।

छाम्‍माय़ङ 16:23

खोन्‍कि खोचिआ मोचि चाअ़त्‍लो म़धात्‍तुचि, खोन्‍किना खोचि छेक्‍खाखिम्‌दा म़छेक्‍तुचि। खोन्‍कि छेक्‍खाखिम काखाङ “ओचि नुलोक खाचि”नि अ़लोवा।

छाम्‍माय़ङ 23:2

मोन्‍ग़रिङा मुलो काब़क्‍पा हननियाआ पावल्‌ओ अ़च़क्‌दा काएप्‍पा “मोसोओ अ़दोदा धात्‍तु”नि लो।

रोमि 8:35

साङ्‌आ आन्‍कान ख्रिस्‍तओ अ़चुसोम्‍तुक्‍मादाङ्‌का म़फेक? दि अ़चाअ़त्‍माआ माङ्‌लो दुखाआ, ल़क्‍माआ, माङ्‌लो स़ङ्‌साक्‌वाआ, माङ्‌लो काल़ङ्‌द़क्‌आ, माङ्‌लो क़माकात्‍माआ हे बान्‍छोन्‌आ?

१ कोरिन्‍थि 9:4

दि आन्‍कान्‍का चामा खोन्‍कि दुङ्‌मा पाङ मात्‍द़ङ?

२ कोरिन्‍थि 11:20

खाक्‍को अ़क्‍छा म़नाआ खानानिन हारुक त़मुन माङ्‌लो खानानिन ऩच़न्‍तिन माङ्‌लो खानानिन त़लुत्‍तिन माङ्‌लो खो आप्‍पि ऱक्‍भाक मु माङ्‌लो आम्‍नुओ खोम्‍ताङ्‌मादा त़फेङ्‌सिन्‌नुछाङ खानानिन्‌आ झारा त़आङ्‌तुम।

२ कोरिन्‍थि 4:8

आन्‍कान्‍का झारादात्‍निङ्‌का चाअ़त्‍लो लिसिन्‍कानुछाङ मान्‍पेम्‍ऩयुक्‍तिन्‍का। हाक्‍हाक्‍किरा लिसिन्‍कानुछाङ, मेन आन्‍काओ राक मान्‍स़युक।

फिलिप्‍पि 4:12

अ़ङ्‌काएदा दित्‍छाङ मात्‍द़ङ्‌याङ्‌ओ ग़रि खोन्‍कि च़लोक युङाङाओ ग़रि देत्‍नि ह़ङ्‌मादोत, मो अ़ङ्‌का झारा सिन्‍तुङ्‌युङ्‌सुङ। खाङाहिदानेकि सास़ङाङाहिदाने, च़लोक युङ्‌याङ्‌हिदानेकि मात्‍द़ङ्‌हिदाने, झारा ग़रिदा सोम्‍सेत्‍मान्‍चिन्‌ओ अ़कोङ्‌दुम अ़ङ्‌का चिन्‍ताङ्‌युङ्‌साङ्‌च़ङ।

२ तिमोथि 3:11

खाना त़सिन्‍तुङु देम च़लोक अ़चाअ़त्‍माचि खोन्‍कि दुखाप़माय़ङ्‌चि एन्‍तिओखियादा, आइकोनियन्‌दा खोन्‍कि लुस्‍त्रादा अ़ङ्‌काएदा म़छुक्‍ता, खोन्‍कि दियाको अ़चाअ़त्‍माचि अ़ङ्‌का आङ्‌तुङ्‌च़ङ्‌नुछाङ मो झारादाङ्‌का हाङ्‌पाआ अ़ङ्‌का ऩलेइसाङ।