१ कोरिन्‍थि 3:6 - बान्‍तावा राई

⁶ अ़ङ्‌का विउ लित्‍तुङ, अपोल्‍लोस्‌आ चाक्‌वा पाक्‍तु, मेन निनाम्‍हाङ्‌आ ओ अ़पोइसा।

१ कोरिन्‍थि 3:6 ပူးပေါင်းရင်းမြစ်များ

छाम्‍माय़ङ 11:18

ओ य़ङ अ़एनाकि मोचि वाइवेत म़लिसा, खोन्‍कि निनाम्‍हाङ्‌ओ अ़चुऩङ लोङ्‌याङ्‌सा, “हान निरावाचिछाङ अ़चुहेवादाङ्‌का लामाकिना म़ह़ङ्‌ने निम्‍पाङ अ़वाखाम निनाम्‍हाङ्‌आ म़प़युङ्‌सुचि”नि म़य़ङा।

छाम्‍माय़ङ 14:27

खोचि एन्‍तिओखियादा लासाताचिकिना साम्‍भुङ अ़बुत्‍ताचु, खोन्‍कि निनाम्‍हाङ्‌आ खोचिएदा अ़मुवाओ झारा काचिचिओ अ़तुक्‌वादा खोन्‍कि देत्‍नि निनाम्‍हाङ्‌आ निरावाचिछाङ साकोङ्‌छ़ङ मुखालाम म़होत्‍तुप़चिओ मो खाअ़एत्‍ताचुचिन।

छाम्‍माय़ङ 16:14

मोचिएदाओ थिआतिरा सहरादा कायुङ्‌मा लिदिया अ़ऩङ मुवाङाओ अ़क्‍छा निरावा मेत्‍छामा याआङा, मो ब़द्‍धे अ़लुङ छुक्‍ताङाओ तित इनाङा। मोसाआ निनाम्‍हाङ ब़क्‍तुङु। हाङ्‌पाआ मोसोओ अ़साकोङ्‌वा अ़होत्‍तापुवाओसा पावल चेवाङाओ य़ङ नुलोक तुप्‍तु।

छाम्‍माय़ङ 18:24

अलेक्‍जेन्‍द्रिया सहरादा पुक्‍तान्‍चिन्‌ओ अपोल्‍लोस अ़ऩङ मुवाङाओ अ़क्‍छा यहुदि एफिसस्‌दा ता। खो अ़क्‍छा नुलोक काचेप खोन्‍कि साम्‍कालिन ब़द्‍धे लेसाङा।

छाम्‍माय़ङ 19:1

अपोल्‍लोस कोरिन्‍थदा युङाङाहिदा पावल धाउलिप्‍पा लियाङ्‌सा धिखाहुप्‌ओ अ़रादात्‍नि लियाङ्‌सा एफिसस्‌दा तादिसा। खोसाआ खा-खाक्‍को काखेङ्‌चि मोदा धिरुचि।

छाम्‍माय़ङ 21:19

पावल्‌आ मोचि सेवा मेत्‍तुचिकि खोसोओ अ़काचिलाम्‍पा निनाम्‍हाङ्‌आ निरावाचिओ अ़चुरादा अ़मुवाओ झारा काचिचि अ़सिसिपेन खाएत्‍तुचि।

रोमि 15:18

अ़ङ्‌का खालुसुङ्‌ओ य़ङ्‌चि खोन्‍कि मुङ्‌ओ काचिचिलाम्‍पा देत्‍नि ख्रिस्‍तआ निरावाचि लोमावा काच़चि म़मुयुङ्‌सुचि, मो य़ङ्‌चिदाङ्‌का दित्‍छाङ चेप्‍मा अ़ङ्‌का राक अ़मुऩङ।

१ कोरिन्‍थि 1:12

अ़ङ्‌का य़ङ्‌मा लाम्‍ङाङाओ य़ङ ओङा ओ, खानानिन्‌एदा खा-खाक्‍कोसाआ “अ़ङ्‌का पावल्‌ओ ओ”, “अ़ङ्‌का अपोल्‍लोस्‌ओ ओ”, “अ़ङ्‌का केफास्‌ओ ओ” खोन्‍कि “अ़ङ्‌का ख्रिस्‍तओ ओ”नि त़य़ङिन्‌येन्‌नि।

१ कोरिन्‍थि 1:30

निनाम्‍हाङ्‌आ खानानिन ख्रिस्‍त येसुएनान अ़क्‌तात ऩमुन्‌युङ्‌सिन। खोक्‍कोङा आन्‍को निम्‍पाङ निनाम्‍हाङ्‌एदाङ्‌काओ ताया माङ्‌लो आन्‍कान साम्‌योक्‍मि काकान, आन्‍कान कासेङ खोन्‍कि आन्‍कान कालेन्‍पा म़लिसायुङ्‌सा।

१ कोरिन्‍थि 3:22

पावल्‌ङाने माङ्‌लो अपोल्‍लोस्‌ङाने माङ्‌लो केफास्‌ङाने माङ्‌लो हेन्‍खामाङाने माङ्‌लो ह़ङ्‌म़ङ्‌ङाने माङ्‌लो स़माङाने माङ्‌लो आइमित्‌ओ ग़रिङाने खोन्‍कि माय़ङ्‌ओ ग़रि, झारा य़ङ आम्‍नुओङा ओ,

१ कोरिन्‍थि 3:7

खोन्‌ओसा विउ कालित दित्‍छाङ माआङ, चाक्‌वा कापाक्‌छाङ दित्‍छाङ माआङ, मेन कापोन निनाम्‍हाङ ओन्‍ङा अ़च़वाङ ओ।

१ कोरिन्‍थि 9:1

दि अ़ङ्‌का अ़ङ्‌ताकावा च़मा अ़ऱऩङ कि? दि अ़ङ्‌का छाम्‍माय़ङ माआङ? दि अ़ङ्‌का आन्‍हाङ्‌पा येसु मान्‍खाङ्‌युक्‍तुङ? दि खानानिन हाङ्‌पाओ निम्‍पाङ अ़ङ्‌का मुङ्‌ओ काचि सिवा माआङ कि?

एफिसि 3:17

खोन्‍कि साकोङ्‌छ़ङ्‌लाम्‍पा ख्रिस्‍त आम्‍नुओ साकोङ्‌वाचिदा म़याक्‍ने, खोन्‍कि सोम्‍तुक्‍मादा आम्‍नुओ भेन पाक्‍तुओ खोन्‍कि छ़ङ युङ्‌सानुम निम्‍पाङ अ़ङ्‌का यामात्‍ङा।

१ थेसलोनिकि 1:5

देकिनालो आन्‍कान्‍का खानानिन्‌एदा नुय़ङ्‌खान तारुम्‍काहिदा य़ङ्‌चिदा ओन्‍ङा माआङ, मेन सावा खोन्‍कि सेङ्‌लावादाछाङ अ़नुछ्‍या तारुम्‍काओ त़सिन्‍तुम्‌युङ्‌सुम। आम्‍नुओ निम्‍पाङ आन्‍कान्‍का आम्‍नुओ रादा देत्‍नि युङिन्‍काओ खानानिन नुलोक त़सिन्‍तुम्‌योम।