१ कोरिन्‍थि 3:13 - बान्‍तावा राई

¹³ छ़ङ्‌छेन्‍मा लेन्‌दा झारासाआ अ़मुवाओ अ़चुकाचि मिलाम्‍पा नुलोक दात। खाक्‍को म़नाआ दियाको काचि मुओ, मो मिआ खाङ्‌मुसु।

१ कोरिन्‍थि 3:13 ပူးပေါင်းရင်းမြစ်များ

मत्‍ति 10:15

अ़नुछ्‍या, अ़ङ्‌का खानानिन लोनानिन, छ़ङ्‌छेन्‍खा लेन मो सहरादाओ म़नाचिदाङ्‌का सदोम खोन्‍कि गमोरादाओ म़नाचिआ च़लोक निनाम्‍हाङ्‌ओ अ़चुदन्‍दा आङ्‌मा अ़ऱलो लि।

मत्‍ति 16:27

देकिनालो म़नाओ अ़छा अ़चुपापाओ अ़चुसाम्‌दा निनाम्‍हाङ काफाचिएनान य़, खोन्‍कि मोन्‍ग़रि खोसाआ झारा म़नाचिआ अ़मुवाओ अ़चुकाचिवाको सिरिफा म़प़चि।

लुका 2:35

खोन्‍कि ब़द्‍धेसोओ साकोङ्‌वाहुत्‌दाओ अ़चुमिन्‍माचि म़दात। खोन्‍कि आम्‍साकोङ्‌वा बान्‍छोन्‌आ धुविन्‌वात्‍नि दुखाआ योक्‍तु।”

रोमि 2:16

ओ य़ङ निनाम्‍हाङ्‌आ येसु ख्रिस्‍तलाम्‍पा म़नाचिओ अ़चुसाकोङ्‌वादा याक्‌याङ्‍ओ सुकुलादाओ य़ङ छ़ङ्‌छेन्‍माओ लेन्‌दा लि। ओ निनाम्‍हाङ्‌ओ अ़चुनुय़ङ्‌खान अ़ङ्‌का खालुसुङ्‌वाको ओ।

रोमि 2:5

मेन खानानिन ऱक्‍भाक त़मुन्‌येन खोन्‍कि फान्‍मान्‍चिन त़छुन्‍तिन। खोन्‌ओसा निनाम्‍हाङ्‌आ अ़चुओ माइसुङ खाङ्‌अ़मुओ लेन्‌दा खोक्‍कोसाआ खानानिन अ़न्‍नुनु चाअ़त्‍लो दन्‍दा ऩप़न। मो लेन झारासाआ निनाम्‍हाङ्‌ओ अ़चुछ़ङ्‌छेन्‍मा नुलोक अ़खाङ।

१ कोरिन्‍थि 1:8

आन्‍हाङ्‌पा येसु ख्रिस्‍तओ अ़चुलामातामा लेन्‌दा खानानिन ऩङ्‌छिन मान्‍मुमाङ युङ्‌मा खोक्‍कोसाआ खानानिन आदेङ्‌तारि साकोङ्‌छ़ङ्‌दा नुलोक ऩयुङ्‌सिन।

१ कोरिन्‍थि 3:12

साङ्‌आ ओ छ़ङ दुङ्‌दा हाराक्‌वा, रुपा, अ़लुङ्‌छ़ओ लुङ्‌ताक, स़ङ, घासा माङ्‌लो पराला याङ्‌याङ्‌सा खिम अ़मुनालो,

१ कोरिन्‍थि 4:5

खोन्‌ओसा काइसाओ ग़रिदाङ्‌का बुया दित्‍छाङ छ़ङ्‌मान्‍छेन्‌दानिन। हाङ्‌पा म़तालो हुङानुम। दि कुइयामादा कुमायुङ्‌सा, खोक्‍कोसाआ साम्‌दा म़तारुचि खोन्‍कि म़नाचिओ अ़चुसाकोङ्‌वादाओ अ़चुमित्‍चिऩङ्‌चि खाङ्‌म़मुसुचि। मोन्‍ग़रि झारा म़नाचिआ निनाम्‍हाङ्‌एदाङ्‌का अ़चुचोन्‍मा अ़तोक।

२ तिमोथि 1:12

खोवात्‍निओसा अ़ङ्‌का ओ य़ङ्‌चिदा छेक्‍खादा दुखा आङ्‌तुङ्‌योङ, खोन्‍नुछाङ अ़ङ्‌का ओ य़ङ्‌दा अ़ङ्‌लेजो अ़कात्‍निन। देकिनालो अ़ङ्‌का साङ्‌एदा साकोङ्‌छ़ङ मुङ्‌युङ्‌सुङ, अ़ङ्‌का सिन्‍तुङ्‌योङ खोन्‍कि अ़छ़ङ मुङ्‌युङ्‌सुङ, दि अ़ङ्‌का खोक्‍कोसोओ अ़चुलामाय़मातारि प़ङ्‌युङ्‌सुङ, मो रात्‍मा काऱ खोक्‍को म़युङ्‌याङ।

२ तिमोथि 1:18

हाङ्‌पा येसु म़लाय़ओ लेन हाङ्‌पाआ खो सोमातुक्‍मा खाङ्‌अ़मेत्‍ने! खाना नुलोक त़सिन्‍तुङु, एफिसस्‌दा खोसाआ अ़ङ्‌का ब़द्‍धे अ़फासाङ्‌ओ।

२ तिमोथि 3:9

मेन मोचि ब़द्‍धे ऩयुङ्‌निन, देकिनालो मो ह़वाङ म़नाचिवात्‍नि मोचिओ अ़चुखामान्‍सिन झाराएदा छेङ्‌छेङ्‌छेङ्‌वा लि।

२ तिमोथि 4:8

हान्‌दाङ्‌का मोह्‍यात्‍नि अ़ङ्‌को निम्‍पाङ साम्‌योक्‍मिओ सिरिफा युङ्‌सायुङ्‌सा। मो साम्‌योक्‍मिओ छ़ङ्‌काछेन हाङ्‌पाआ मो लेन अ़ङ्‌का ऩप़ङा, खोन्‍कि अ़ङ्‌का ओन्‍ङा माआङ, मेन खोक्‍कोसोओ अ़चुलामातामा सोमाकातुक झारा म़प़चि।

हिब्रु 10:25

खा-खाक्‍कोचिओ अ़चुच़मावा आन्‍कान यावायोक्‌दा अ़क्‍नि कोप्‍मान्‍चिन अ़छिरिमिन्‍ने। मेन हाङ्‌पाओ अ़चुलेन च़क्‌दा तायाङ्‌ओ खानानिन त़खाम्‌ओसा अ़क्‍छाआ नि च़लोक राक प़काप़ मुवानिन।

१ पत्रुस 1:7

ओ चिन्‍माखाङ्‌माचिआ आम्‍नुओ साकोङ्‌छ़ङ अ़नुछयाओनि अ़छ़ङ अ़मु, खोन्‍कि मिलाम्‍पा हेङ्‌नुछाङ लुक्‍खात्‌ओ हाराक्‌वादाङ्‌काछाङ च़लोक अ़च़वाङ निकिना खाङ्‌म़मु। ओ येसु ख्रिस्‍त खाङ्‌म़मुनान्‍चिन्‌हिदा ऩङ्‌चोन्‍मा, ऩङ्‌लोङ्‌मा खोन्‍कि साया तोक्‍मा खान्‍तुओ लिने।

१ पत्रुस 4:12

सोमातुक्‍निङ्‌निओ यावाचि ओ, अ़न्‍नुनु अ़चाअ़त्‍मा चिन्‍माखाङ्‌मा खानानिन्‌एदा ताहिदा मान्‍सिन्‍त़युक्‍तुम्‌ओ य़ङ लियाङ्‌वात्‍नि खानानिन त़दोम्‍तिन्‍दान्‍मिन्‍ने।

२ पत्रुस 3:10

मेन हाङ्‌पाओ अ़चुलेन ना काख़पा अ़सिन्‍तिमिन्‌ओ ग़रि तान्‌वा ता। खोन्‍किना मो लेन नाम्‍छ़ऱ अ़धिवो य़ङ्‌आ माखात। नाम्‍छ़ऱदुओ झारा सामाचि नाम, लादिप्‍मा खोन्‍कि साङ्‌केन्‍माचि मिआ म़योङ्‌खात खोन्‍कि हेन्‍खामाकिना मो दुङ्‌दाओ काचिचि म़ह़त्‍खात।

२ पत्रुस 3:7

मेन मो य़ङ्‌आ निनाम्‍हाङ मान्‍ब़क्‍कादा म़नाचिओ छ़ङ्‌छेन्‍मा खोन्‍कि लुक्‍मा लेन्‌तारिओ निकिना आइमित्‌ओ नाम्‍छ़ऱ खोन्‍कि हेन्‍खामा मिओ निम्‍पाङ अ़च़क्‍तायुङ्‌सा।

खाङ्‌मुमा 20:12

अ़धिवा अ़चुप्‍पा झारा म़सुवादाओचि हाङ्‌युङ्‌खाओ अ़बुदा म़एवाङाओ अ़ङ्‌का खाङ्‌च़ङ। खोन्‍कि छाप्‍लाखाचि म़होङ्‌सा, खोन्‍कि नि ह़ङ्‌म़ङ्‌ओ छाप्‍लाखाछाङ होङ्‌सा। मो छाप्‍लाखाचिदा म़छाप्‍ताङाओ य़ङ्‌चिवा मोचिआ अ़मुवाओ काचिवात्‍नि म़सुवादाओचिओ अ़चुछ़ङ म़छेन्‍तुचि।