१ कोरिन्‍थि 3:10 - बान्‍तावा राई

¹⁰ निनाम्‍हाङ्‌आ अ़ङ्‌का ऩपुवाङ्‌ओ अ़चुसोम्‍तुक्‍माआ अ़न्‍नुनु काले खिम्‍कामुआवात्‍नि छ़ङ अ़ङ्‌का युङ्‌सुङ, खोन्‍कि निचिआ मो दुङ्‌दा खिम मुयाङ्‌सा अ़खात। मेन झारा खिम कामुआ देत्‍नि मुमादोत खोसाआ मिन्‍मा पाक्‍मादोत।

१ कोरिन्‍थि 3:10 ပူးပေါင်းရင်းမြစ်များ

मत्‍ति 24:45

सोम्‍कुवा मुमाय़ङ खोन्‍कि खारु कातोक खिम काचि काखाङ साङ ओ? खोसोओ अ़हाङ्‌पाआ नि अ़हारुक्‌चि खोसोओ अ़छुक्‌दा अ़पाक्‌कि मोचिआ चामादोत्‌ओ ग़रिदा मोचिओ अ़चुचामा, दुङ्‌मायु काप़ अ़मु।

मत्‍ति 7:24

मोवात्‍नि साङ्‌आ अ़ङ्‌य़ङ्‌चि एनुचि खोन्‍कि मोचि मुचि, मो अ़क्‍छा तायाहाङ्‌पा म़ना अ़खिम लुङ्‌छ़ङ दुङ्‌दा कामुपावाको ओ।

लुका 11:35

चाप्‍चेत्‍तान्‍चिन, खानाएदा याक्‌याङ्‍ओ साम कुन्‌यामा अ़लिनिन्‍ने।

लुका 21:8

खोक्‍कोसाआ मोचि म़लासुलोचि, “चाप्‍चेत्‍तानिन्‍चिन, साङ्‌आछाङ खानानिन ऩथेम्‍सिमिन्‍ने। देकिनालो ब़द्‍धे म़नाचि अ़ङ्‌ऩङ्‌दा ‘अ़ङ्‌का ख्रिस्‍त ओ!’नि य़ङ्‌सा म़ता। खोन्‍कि ‘ग़रि ताचिआयुङ्‌सा!’नि म़य़ङ। मेन मोचि मान्‍त़ङ्‌दानुम्‍च़म।

छाम्‍माय़ङ 18:27

खोन्‍कि खोसाआ अखैया धिखाहुप खात्‍मा अ़छ़ङ मु, खोन्‌ओसा एफिसस्‌दाओ हाङ्‌पाएदाओ काखेङ्‌चिआ खो राक अ़पुवा, खोन्‍कि “अखैयाया अपोल्‍लोस साऩङ्‌वा मेत्‍तानुम”निकि मोदाओ काखेङ्‌चि छाप्‍लावा म़छाप्‍तुछोक्‍तुचि। खो मोया तालाकि निनाम्‍हाङ्‌ओ अ़सोम्‍तुक्‍मालाम्‍पा साकोङ्‌छ़ङ कामुचि ब़द्‍धे फासुचि।

रोमि 1:5

आन्‍हाङ्‌पा येसु ख्रिस्‍तलाम्‍पा निनाम्‍हाङ्‌आ आन्‍कान सोमाम़तुक्‍ताकि छाम्‍माय़ङ लिमाओ अ़वाखाम म़पुवायुङ्‌सा, खोन्‌ओसा झारा रावाओ म़नाचि साकोङ्‌छ़ङ्‌दा खोन्‍कि लोमाय़ङ्‌दा तित्‍मा ऱम्‍च़म्‌कि निनाम्‍हाङ्‌ओ अ़चुऩङ अ़लोङ्‌ने।

रोमि 12:3

निनाम्‍हाङ्‌आ ऩपुवाङ्‌ओ अ़चुपाङ्‌आ अ़ङ्‌का खानानिन झारा लोनानिन, आप्‍पि खानानिन तोक्‍पोनि मान्‍मित्‌दानिन्‍चिन। मेन खानानिन निनाम्‍हाङ्‌आ देम च़लोक साकोङ्‌छ़ङ ऩप़न्‌युङ्‌सिन, खानानिन्‌छाङ मोन्‍तेकाङा नुलोक मित्‍माचिदोत।

रोमि 15:15

मेन निनाम्‍हाङ्‌ओ अ़चुआसिखा अ़ङ्‌का ऩपुवाङ्‌युङ्‌साङ्‍ओसा अ़ङ्‌का राक्‌एनान खानानिन देम य़ङ्‌चि मित्‍मेत्‍मा निम्‍पाङ छाप्‍तुङ्‌युङ्‌सुङ।

रोमि 15:20

नि म़नाचिआ नुय़ङ्‌खान खाअ़लुसाचिआओदा अ़ङ्‌का ख्रिस्‍तओ अ़चुऩङ खामान्‍लुदामा निम्‍पाङ मान्‌एन्‌अ़युक्‌ओदा नुय़ङ्‌खान खालुमानि अ़ङ्‌मिन्‍मा पाक्‍तुङ्‌युङ्‌सुङ।

१ कोरिन्‍थि 3:11

देकिनालो निनाम्‍हाङ्‌आ खाक्‍को छ़ङ अ़युङ्‌सायुङ्‌सा, मो येसु ख्रिस्‍तङा ओ। मोदाङ्‌का साङ्‌आछाङ नितात अ़छ़ङ युङ्‌मा अ़ऱन।

१ कोरिन्‍थि 9:2

अ़ङ्‌का निचिओ निम्‍पाङ अ़चुछाम्‍माय़ङ माआङ्‌नुछाङ आम्‍नुओ ना अ़नुछ्‍याङा छाम्‍माय़ङ ओ! देकिनालो हाङ्‌पाओ अ़चुछाम्‍माय़ङ लिमा अ़ङ्‌को अ़ङ्‌बुत्‍माय़ङ्‌ओ अ़सालुम्‍स़ङ खानानिन त़याइन्‌येन।

२ कोरिन्‍थि 10:15

आन्‍कान्‍का नि म़नाचिओ अ़चुकाचिचिदा तोक्‍पो अ़लिसिमिन्‍का, मेन आन्‍काओ सोम्‍कुवा ओङा ओ, आम्‍नुओ साकोङ्‌छ़ङ पोन्‌याङ्‌सा आम्‍नुओ रादा खात्‌याङ्‌हिदा मोसाआ आन्‍काओ काचि मुखा खाहुप पोइसु।

एफिसि 2:20

देकिनालो खानानिन छाम्‍माय़ङ्‌चि खोन्‍कि निनाम्‍हाङ्‌य़ङ खाकालुचिओ अ़चुछ़ङ्‌दा त़लिसिन्‌युङ्‌सिन, खोन्‍कि ख्रिस्‍त आप्‍पि मुलो खुचुरोङ लुङ म़लिसायुङ्‌सा।

कलस्‍सि 1:29

मो काचिओ निम्‍पाङ अ़ङ्‌कोङ्‌दा काचि म़मुयाङ्‌ओ ख्रिस्‍तओ तोक्‍पो अ़चुसावाआ अ़ङ्‌का अ़न्‍नुनु चात्‍लो काचि मुङा।

कलस्‍सि 4:17

“खाना हाङ्‌पाएदाङ्‌का त़तोक्‍तुओ ब़त्‍मा काचि तासुलो”नि अर्खिप्‍पस लोवानुम।

१ थेसलोनिकि 3:2

खोन्‍कि खानानिन तुप्‍सि तिमोथि छुत्‍तुम्‍का। खो आन्‍निछा ख्रिस्‍तओ अ़चुनुय़ङ्‌खान खालुमा काफा निनाम्‍हाङ्‌ओ अ़चुकाचि कामु ओ। आन्‍कान्‍का खो खानानिन नुलोक साकोङ्‌छ़ङ मुमेत्‍मा फासि खोन्‍कि आम्‍नुओ सोम्‍कुवादा राक प़सि छुत्‍तुम्‍का।

१ तिमोथि 4:16

आम्‍ह़ङ्‌म़ङ्‌ओ अ़तुक्‌वादा खोन्‍कि खाना त़चिन्‍तुचिओ अ़तुक्‌वादा चाप्‍चेत्‍तान्‍चिन। मोचि मुयुङ्‌सुचि। देकिनालो ओवात्‍नि त़च़नालो खाना आप्‍पि खोन्‍कि आम्‌य़ङ काएन्‌चिछाङ त़लेइसुचि।

२ तिमोथि 2:15

लेजोकात्‍मा अ़दोत्‍निन्‌ओ खोन्‍कि अ़नुछ्‍याओ य़ङ नुलोक कायाङ काचि कामुचिवात्‍नि खाना आप्‍पि निनाम्‍हाङ्‌दा लोक्‍मा त़खान्‍लो खाङ्‌मुमान्‍चिन अ़न्‍नुनु काचि मुवा।

याकुब 3:1

ब़ब़, नाना खोन्‍कि निछाचि ओ, खानानिन ब़द्‍धेकापाङ काचिन्‌चि मान्‍लिदानिन। देकिनालो खानानिन त़सिन्‍तुम्‌योम, आन्‍कान्‍का काचिन्‍चिओ आन्‍काओ छ़ङ्‌छेन्‍मा ब़द्‍धे चाअ़त्‍लो लि।

१ पत्रुस 4:11

साङ चेप्‌नालो निनाम्‍हाङ्‌ओ अ़चुय़ङ खालुसिन्‌वा चेप्‍ने। काब़त निनाम्‍हाङ्‌आ प़माय़ङ्‌ओ सावालाम्‍पा ब़रुने। ओवात्‍नि झारा य़ङ्‌दा येसु ख्रिस्‍तलाम्‍पा निनाम्‍हाङ्‌ओ अ़चुऩङ चोन्‍ने। तोक्‍पो सावा खोन्‍कि अ़चुऩङ्‌चोन्‍मा अ़धुन-अ़धुन्‌तारि खोक्‍कोसोओ लियुङ्‌ने। मोवात्‍निङा लिने!

२ पत्रुस 3:15

आन्‍हाङ्‌पाआ म़नाचि हेवादाङ्‌का लेन्‍मा अ़वाखाम म़प़चिहिदा खोक्‍कोसाआ देम अ़हुङा मो य़ङ मित्‍तानुम। मोवात्‍निङा आन्‍कान सोमातुक्‍तुम्‌योम्‌ओ निछा पावल्‌आछाङ निनाम्‍हाङ्‌आ अ़पुवाओ तायावात्‍नि खानानिन मो य़ङ्‌चि त़छाप्‍तिन।

खाङ्‌मुमा 21:14

सहरादाओ कुदारिओ अ़छ़ङ्‌चि बारकातात म़याआङा। मो झारा दुङ्‌दा थुबाछाओ बारकापाङ छाम्‍माय़ङ म़नाचिओ अ़चुऩङ छाप्‍ताङा।

खाङ्‌मुमा 21:19

कुदारिओ अ़छ़ङ्‌चि अ़पारा-अ़पाराओ ब़द्‍धे अ़लुङ्‌छुक्‌ओ रत्‍नचिआ म़चोङ्‌सायुङ्‌सा। बुयाओ अ़छ़ङ बिल्‍लौरआ, देङ्‌दाओ निरआ, सुम्‌कातात्‌ओतात हरित्‌आ चारकाताओतात पन्‍नाआ,