१ कोरिन्‍थि 2:8 - बान्‍तावा राई

⁸ ओ जुगादाओ हाङ्‌काचि कामुचि साङ्‌आछाङ ओ य़ङ मान्‍तुप्‌अ़दा। अ़तुप्‍ताओदे मोचिआ ऩङ्‌लोङ्‌मा खान्‍तुओ हाङ्‌पा क्रुस्‌दा मान्‍ख़न्‌अ़दाओ।

१ कोरिन्‍थि 2:8 ပူးပေါင်းရင်းမြစ်များ

मत्‍ति 11:25

मोन्‍ग़रि येसु म़य़ङा, “आपो, निनाम्‍मा खोन्‍कि हेन्‍खामादाओ हाङ्‌पा, अ़ङ्‌का खानानिन आलाङ प़नाङ्‌नानिन, देकिनालो खानानिन्‌आ ओ य़ङ्‌चि खारु कातोक खोन्‍कि तायाहाङ्‌पाचिदाङ्‌का त़कुम्‍सुम, खोन्‍कि छाचि मो खाङ्‌त़मेत्‍तुम्‍च़म।

मत्‍ति 13:22

त़ङ्‌खोक्‌वालादा म़छुक्‍ताओ बिउचि ओचिङा ओ: मोसाआ निनाम्‍हाङ्‌ओ अ़चुय़ङ एनु, मेन ओ हेन्‍खामादाओ मिन्‍राक्‌चि, चासुम्‍छेन्‍बि च़क्‍ख़य़आ मो निनाम्‍हाङ य़ङ उप्‍तुदिसु, खोन्‍कि मोसाआ अ़सिवा अ़सिसुन।

लुका 23:34

खोन्‍किना येसु म़य़ङा, “आपो, ओचि लेत्‍तापुवानुम्‍च़म। देकिनालो ओचि दे म़च़याङ, ओचिआ ऩसिन्‍तुन्‌योन।” खोन्‍कि रात्‍खामिचि होरा म़पाआ खोन्‍कि खोक्‍कोसोओ अ़चुतित्‌चि अ़हासा।

युहन्‍ना 16:3

खोन्‍कि मोचिआ ओ काचिचि म़मुचि, देकिनालो मोचिआ अ़ङ्‌पापा मान्‍सिन्‌अ़युक, ना अ़ङ्‌काङा ऩसिन्‍ताङ्‌युङ्‌साङ।

युहन्‍ना 7:48

दि पाङ्‌कातोक्‌चि माङ्‌लो फरिसिचिएदाओ खाक्‍को खोक्‍कोएदा साकोङ्‌छ़ङ मुवायुङ्‌सा?

युहन्‍ना 8:19

मोचिआ खोक्‍को अ़सेना, “आम्‍पा खादा युङ्‌याङ?” येसुआ म़लोचि, “खानानिन्‌आ ना अ़ङ्‌का त़सिन्‍ङाऩङ ना अ़ङ्‌पापा त़सिन्‍तुम। खानानिन्‌आ त़सिन्‍ताङ्‌ऩङ्‌ओदे अ़ङ्‌पापाछाङ त़सिन्‍तुम्‌ओ।”

छाम्‍माय़ङ 13:27

मेन यरुसलेम्‌दा कायुङ म़नाचि खोन्‍कि खोचिओ अ़चुबुसुवाचिआ येसु कालेन्‍पा निकिना मान्‍सिन्‌अ़दा। मोचिआ झारा सावातोम्‍खा-लेन्‌दा अ़खिप्‍ताङाओ निनाम्‍हाङ्‌य़ङ खाकालुचिओ अ़चुय़ङ मान्‍तुप्‌अ़दाकिना येसु स़माओ दन्‍दा अ़पुवा, खोन्‍कि निनाम्‍हाङ्‌य़ङ खाकालुचि म़चेवाओ य़ङ अ़तासाला।

छाम्‍माय़ङ 7:2

खोन्‍कि स्‍तिफनस्‌आ य़ङ्‌लासु, “अ़ङ्‍ब़ब़चि खोन्‍कि अ़ङ्‌पापाचि ओ, अ़ङ्‌का य़ङ्‌ङाङाओ एनानुम! आन्‍सुन्‍तुम अब्राहाम हारान खात्‍मा बुया मेसोपोतामियादा युङाङाहिदा अ़चुऩङ्‌लोङ्‌मा खान्‍तुओ आन्‍निनाम्‍हाङ अब्राहाम्‌एदा खाङ्‌म़मुसान्‍चिन।

१ कोरिन्‍थि 1:20

खारु कातोक म़ना खादा युङ्‌याङ? य़ङ्‌हुप काचिन खादा युङ्‌याङ? ओ जुगाओ दुम्‍कातु खादा युङ्‌याङ? दि निनाम्‍हाङ्‌आ हेन्‍खामादाओ खारु खामान्‍सिन मान्‍मुअ़दाकि?

१ कोरिन्‍थि 2:6

खोन्‍नुछाङ आन्‍कान्‍का कालेकासिन्‌चिओ अ़चुरादा तायाओ य़ङ खालुन्‍का, मेन ओ जुगादाओ ताया माङ्‌लो ओ जुगादा हाङ्‌काचि कामुचिओ अ़चुतायादा माआङ। मोचि ना म़माखात।

२ कोरिन्‍थि 3:14

मेन मोचिओ अ़चुसाकोङ्‌वा छाक्‍ताखारायुङ्‌सा, आय़ओ लेन्‌तारि बुयाओ हिप्‍माय़ङ खिप्‌हिदा मो मुन्‍जेत मान्‍होङ्‌माङ युङ्‌युङ। देकिनालो मो मुन्‍जेत ख्रिस्‍तलाम्‍पा ओन्‍ङा लात्‍खान।

एफिसि 1:17

अ़ङ्‌का यामात्‍ङा, आन्‍हाङ्‌पा येसु ख्रिस्‍तओ अ़चुनिनाम्‍हाङ, साम्‍स़रिओ निनाम्‍हाङ पापाआ खानानिन खोक्‍कोसोओ झारा अ़चुतायादा लावामि खारु खोन्‍कि साम ऩप़न्‍ने, खोन्‌ओसा खानानिन्‌आ खोक्‍को नुलोक सिन्‍मा त़ऱम्‍ने।

एफिसि 4:18

मोचिओ अ़चुसाकोङ्‌वाओ अ़छाक्‍माआ तारुओ अ़चुखामान्‍सिन्‍दामाआ मोचि निनाम्‍हाङ्‌ओ अ़चुह़ङ्‌मादाङ्‌का अ़थाया म़लिसायुङ्‌सा, खोन्‍कि मोचिओ अ़चुछेन्‍खाताया कुइयामा लिसायुङ्‌सा।

१ तिमोथि 1:13

बुया अ़ङ्‌का ख्रिस्‍त रुकाफोक, काल़क खोन्‍कि खोक्‍को कासुङ मुवाङ्‌याङ्‌नुछाङ अ़ङ्‌का ओ मान्‍सिन्‍ङाङा खोन्‍कि साकोङ्‌छ़ङ मान्‍मुयुक्‍तुङ्‌हिदा मुङ्‌ओसा अ़ङ्‌का निनाम्‍हाङ्‌आ सोमाऩतुक्‍ताङ।

याकुब 2:1

अ़ङ्‍ब़ब़, नाना खोन्‍कि निछाचि ओ, साम्‍स़रिओ आन्‍हाङ्‌पा येसु ख्रिस्‍तएदा साकोङ्‌छ़ङ कामु त़लिसिन्‌ओसा खानानिन साङ्‌लिप्‍पाछाङ मान्‌वाङ्‌दानिन।