१ कोरिन्‍थि 16:6 - बान्‍तावा राई

⁶ मात्‌दे, खानानिन्‌एनान अ़क्‍चित्‍कालेन युङ्‌ङा माङ्‌लो चुङ्‌हिप्‌छाङ क़प्‍तुङ। खोन्‍कि अ़ङ्‌का खादा खात्‍ङानुछाङ खानानिन्‌आ अ़ङ्‌कोन्‍खा तोङ्‌माप़मा त़ऱङाऩङ्‌ने।

१ कोरिन्‍थि 16:6 ပူးပေါင်းရင်းမြစ်များ

छाम्‍माय़ङ 15:3

खोन्‍किना साम्‍भुङ्‌दाओचिआ खोचि मोदाङ्‌का म़छुत्‍तुचि। खोचि फोनिके खोन्‍कि सामरिया लियाङ्‌सा म़खाराङाहिदा निरावाचिआछाङ निनाम्‍हाङ अ़लोआओ य़ङ मोचि खाम़एत्‍तुचि। मो य़ङ्‌आ मोदाओ झारा साकोङ्‌छ़ङ कामुचिओ अ़न्‍नुनु अ़चुऩङानुवा।

छाम्‍माय़ङ 17:15

पावल छोङ्‌दासि काखात्‌चिआ खो एथेन्‍स सहरादातारि अ़छोङ्‌सादा। खोन्‍किना पावल्‌आ “सिलास खोन्‍कि तिमोथि ऱचि ओन च़क्‍नि बान्‍चिने”नि छोङ्‌सि काखात्‌चि लोबाइसुचि।

छाम्‍माय़ङ 20:38

“अ़ङ्‌का देम्‍खाछाङ त़लाऩङ्‌खाङ्‌ऩङ्‌ऩम़ङ”नि य़ङाओदा मोचि चाअ़त्‍लो अ़चुमिन्‍मा तुआ। खोन्‍किना मोचिआ खो वाप्‍तेलायुतारि अ़छोङ्‌सादा।

छाम्‍माय़ङ 21:5

मेन आन्‍काओ ग़रि चिआकि आन्‍कान्‍का हासिन्‍चिन्‍का खोन्‍कि आन्‍कान्‍का लाम वाङिन्‍का। झारा काखेङ्‌चिओ अ़चुओ खिम्‍हाङ्‌माचि खोन्‍कि अ़चुछाचि आन्‍कान्‍का सहरादाङ्‌का धियाङ्‌वामाओ अ़केम्‌तारि ऩछोङ्‌सिन्‍दान्‍का। मोदा झारासा आन्‍काओ तुम्‍प़छ़क तोम्‍तुम्‍काकि यामारिन्‍का।

छाम्‍माय़ङ 27:12

खोन्‍कि चुङ्‌हिप खान्‍मा मो खान्‍नुओनि अ़लोवाङाओ वाप्‍तेला नान्‍खा अ़नुवाक मान्‍मुयाङ, खोन्‌ओसा वाप्‍तेलादा काकोन ब़द्‍धे म़नाचि मोदाङ्‌का फोनिक्‍स सहरादा तामालामानि अ़छ़ङ अ़मुवा। क्रेत खाम्‍दाक्‌दा याआङाओ मो फोनिक्‍स सहरादाओ वाप्‍तेला नान्‍खा ह्‍युहोन देङ्‌सुहोन खोन्‍कि धाउहोन देङ्‌सुहोन हुसाङा।

छाम्‍माय़ङ 28:11

खोन्‍किना वाप्‍तेला केराओ सुम्‌कादोङ्‌वात्‌कि माल्‍ता खाम्‍दाक्‌दाङ्‌का अलेक्‍जेन्‍द्रिया सहरादाङ्‌का बानाकि चुङ्‌हिप क़प्‍तुओ “काप्‍छाले माङ्‌चि” अ़बुदा ऱमाय़ङ याआङाओ वाप्‍तेलालाम्‍पा आन्‍कान्‍का खारिन्‍का।

रोमि 15:24

खोन्‍किना अ़ङ्‌का स्‍पेन खात्‍ङाङाहिदा खानानिन तुप्‍मानि मिन्‍ङाङा। अ़चित लेन्‌तारि अ़ङ्‌का खानानिन्‌एनान यावायोक्‌दा ऩङानुङाचिन्‍ङान्‍च़ङ्‌कि खानानिन्‌आ अ़ङ्‌को अ़ङ्‌कोन्‍खादा त़फाङाऩङ्‌हेनि मिन्‍ङाङा।

१ कोरिन्‍थि 16:11

खोन्‌ओसा साङ्‌आछाङ खो ऩङाऩछिरुन्‍ने, मेन खो अ़कोन्‍खा लाम्‌दा सेवाङ्‌नि बाइसानुम, खोन्‍किना खो अ़ङ्‌काएदा बान्‍ने। देकिनालो ब़ब़, निछाचिएनान म़बान निकिना अ़ङ्‌का खो हुङुङ्‌योङ।

२ कोरिन्‍थि 1:16

माकेदोनिया खात्‍ङाहिदा खानानिन्‌एदा बान्‍माकि तुप्‍मा खोन्‍कि माकेदोनियादाङ्‌का खानानिन्‌एदा लामाबान्‍माकि यहुदियादाओ अ़ङ्‌कोन्‍मादा खानानिन्‌आ अ़ङ्‌का खान्‍मा त़ऱङाऩङ्‌नि अ़ङ्‌का मिनाङ।

तितस 3:12

अर्तिमास माङ्‌लो तुखिकस अ़ङ्‌का खानाएदा बाइसुङ्‌योङ्‌वा खाना निकोपोलिस्‌दा अ़ङ्‌का तुप्‍सि देत्‍निकिनुछाङ बाना। देकिनालो अ़ङ्‌का मोदाङा चुङ्‌हिप ओन युङ्‌मानि मिनाङ्‌युङ्‌साङ।