१ कोरिन्‍थि 16:16 - बान्‍तावा राई

¹⁶ ओवाको खोन्‍कि ओवात्‍निङा झारा काचि कामु आम्‍नुयावाओ अ़क़म्‍मादा युङानिन्‌नि अ़ङ्‌का खानानिन राक प़नानिन।

१ कोरिन्‍थि 16:16 ပူးပေါင်းရင်းမြစ်များ

रोमि 16:12

हाङ्‌पादा अ़न्‍नुनु काचि कामुमाचि त्रुफेना खोन्‍कि त्रफोसा सेवानि लोत्‍निप़नि। हाङ्‌पादा अ़न्‍नुनु अ़चुकाचि कामुमा अ़ङ्‌का सोमातुक्‍तुङ्‌योङ्‌ओ परसिस सेवानि लोत्‍निप़नि।

रोमि 16:3

प्रिस्‍का खोन्‍कि अकिलास ख्रिस्‍त येसुदा अ़क्‍नि काचि कामु अ़ङ्‌यावाचि सेवानि लोत्‍निप़नि।

रोमि 16:6

आम्‍नुओ रादा चात्‍लो काचि कामुमा मरियम सेवानि लोत्‍निप़नि।

रोमि 16:9

ख्रिस्‍तदा आन्‌यावा अ़क्‍नि काचि कामु अ़ङ्‌यावा उर्बनास खोन्‍कि अ़ङ्‌का सोमातुक्‍तुङ्‌योङ्‌ओ स्‍ताखुस सेवानि लोत्‍निप़नि।

१ कोरिन्‍थि 12:28

निनाम्‍हाङ्‌आ साम्‍भुङ्‌दा बुयाओ छाम्‍माय़ङ्‌चि, ह्‍वातात्‌ओतात निनाम्‍हाङ्‌य़ङ खाकालुचि, सुम्‌कातात्‌ओतात काचिन्‌चि, खोन्‍किना म़दोम्‍दाओ काचि कामुचि, खोन्‍कि नुमा सावा कातोक्‌चि, निचि काफाचि, बुसुवाओ सावा कातोक्‌चि, खोन्‍कि अ़खाला-अ़खालाओ य़ङ्‌चि काचेप्‌चि म़छेन्‍तुचि।

१ कोरिन्‍थि 3:9

देकिनालो आन्‍काच्‍या ना निनाम्‍हाङ्‌ओ निम्‍पाङ अ़क्‍नि अ़चुकाचि कामुचिओ। खानानिन निनाम्‍हाङ्‌ओ अ़चुव़क ओ, निनाम्‍हाङ्‌ओ अ़चुखिम्‌ओ।

एफिसि 5:21

ख्रिस्‍तओ अ़चुसाऩङ्‌वादा अ़क्‍छा निओ अ़पाङ्‌दा युङानिन।

फिलिप्‍पि 4:3

अ़ङ्‌सोम्‍कुवाओ यावा, अ़ङ्‌का खानाछाङ लोनाङ्‌ना, ओ मेत्‍छामाचि फासुचि, देकिनालो मोचिआ अ़ङ्‌काएनान अ़क्‍नि नुय़ङ्‌खान खालुमा, क्‍लेमेसएनान खोन्‍कि नि यावाचिएनान अ़क्‍नि चात्‍लो काचि मुवायुङ्‌साचि। मोचिओ अ़चुऩङ ह़ङ्‌म़ङ्‌ओ छाप्‍लाखादा याक्‌याङ।

१ थेसलोनिकि 1:3

आन्‍निनाम्‍हाङ पापाओ अ़चुबुदा आम्‍नुओ साकोङ्‌छ़ङ्‌दाङ्‌का त़मुम्‌ओ काचि, खोन्‍कि सोमातुक्‍माआ त़मुम्‌ओ काचि खोन्‍कि आन्‍हाङ्‌पा येसु ख्रिस्‍तएदा त़मुम्‌ओ सोम्‍कुवाआ खानानिन त़छोसिन्‌ओ आन्‍कान्‍का अ़धुन मित्‍तुम्‌युङ्‌सुम्‍का।

१ थेसलोनिकि 2:9

अ़नुछ्‍या, अ़ङ्‍ब़ब़, नाना खोन्‍कि निछाचि ओ, आन्‍काओ काचि खोन्‍कि दुखा खानानिन त़मित्‍तुम। आन्‍कान्‍का खानानिन साङ्‌छाङ दुखा मान्‍प़दामा निकिना अ़खाखुत खोन्‍कि अ़खोलेन काचि मुयाङ्‌सा आन्‍कान्‍का निनाम्‍हाङ्‌ओ अ़चुनुय़ङ्‌खान खानानिन खाएत्‍नि।

१ थेसलोनिकि 5:12

मेन ब़ब़, नाना खोन्‍कि निछाचि ओ, आन्‍कान्‍का खानानिन लोनिङ्‌नि, आम्‍नुओ रादा काचि कामु आम्‍नुओ बुसुवाचि साङ्‌आ खानानिन हाङ्‌पाएदा ऩतित्‍तिन खोन्‍कि ऩरेन्‍तिन, मोचि साया मेत्‍तानुम्‍च़म।

१ तिमोथि 5:17

साम्‍भुङ नुलोक कातित ताङ्‌पाचि ह्‍वास़रो सायामेत्‍मा खान्‍तुचि। साङ्‌आ नुय़ङ्‌खान खालुमा खोन्‍कि चिन्‍मादा च़लोक काचि मु, खो च़लोक्‌वा साया मेत्‍मा खान्‍तु।

हिब्रु 13:17

आम्‍नुओ बुसुवाचिआ ऩलोन्‌ओवा चुवानिन, खोन्‍कि मोचिओ अ़चुपाङ्‌दा युङानिन। देकिनालो मोचिओ अ़चुकाचि खानानिन खाङ्‌मा ओ, मोचिआ निनाम्‍हाङ खाएत्‍मादोत। खोन्‌ओसा ओ काचि मोचिआ अ़चुऩङानुयाङ्‌सा अ़मुने, खोन्‍कि ह़त्‍पादा माआङ। माङ्‌नालो खानानिन नुलोक त़लिसिमिन।

हिब्रु 13:24

झारा आम्‍नुओ बुसुवाचि खोन्‍कि झारा निनाम्‍हाङ्‌ओ अ़चुम़नाचि सेवानि लोवानुम्‍च़म। इतालियादाओचिआ खानानिन सेवा ऩछोक्‍तिन्‌युङ्‌सिन।

हिब्रु 6:10

निनाम्‍हाङ नुलोक छ़ङ्‌काछेन म़मुयाङ। खोक्‍कोसाआ आम्‍नुओ काचि खोन्‍कि निनाम्‍हाङ्‌ओ अ़चुम़नाचि ब़त्‍मा काचिलाम्‍पा खानानिन्‌आ निनाम्‍हाङ खाङ्‌त़मुसुम्‌ओ खोन्‍कि खाङ्‌त़मुसुम्‌योम्‌ओ सोम्‍तुक्‍मा ऩमान्‍तुन्‍केसुन।

१ पत्रुस 5:5

मोवात्‍निङा सावाछाचि ओ, ताङ्‌पाचिओ अ़चुक़म्‍मादा युङानिन। खानानिन झारा सिम्‍सानिन्‍चिन्‌कि अ़क्‍छा निएदा फाकाफा मुवानिन, देकिनालो, “निनाम्‍हाङ्‌आ ऱक्‍भाक्‌चि फित्‍चि म़मुचि, मेन कासिम्‍नान्‍चिन्‌चि खोक्‍कोसाआ सोमाम़तुक्‍तुचि।”

३ युहन्‍ना 1:8

खोन्‌ओसा आन्‍कान ओवाको म़नाचि फामाचिदोत। मोवात्‍नि आन्‍कान अ़छ़ङ ओ निकि अ़क्‍नि काचि मुन।

खाङ्‌मुमा 2:3

अ़ङ्‌का सिन्‍तुङ्‌योङ, खानानिन्‌आ त़हुङुम्‌कि त़आङ्‌तुम्‌युङ्‌सुम, खोन्‍कि अ़ङ्‌ऩङ्‌ओ अ़तुक्‌वाआ अ़चाअ़त्‍मा त़आङ्‌तुम्‌युङ्‌सुम, खोन्‍कि खानानिन मान्‍होत्‍त़युक्‍तिन।