१ कोरिन्‍थि 16:15 - बान्‍तावा राई

¹⁵ हान ब़ब़, नाना खोन्‍कि निछाचि ओ, खानानिन त़सिन्‍तुम्‌योम, स्‍तिफनास्‌ओ अ़खिम्‍लुम्‍पाचि अखैयादा बुयाओदु साकोङ्‌छ़ङ कामुचिओ, खोन्‍कि निनाम्‍हाङ्‌ओ अ़चुम़नाचिओ अ़चुकाचिदा खोचिङा म़वाङायुङ्‌सा।

१ कोरिन्‍थि 16:15 ပူးပေါင်းရင်းမြစ်များ

१ कोरिन्‍थि 1:16

उवा, अ़ङ्‌का स्‍तिफनास्‌ओ अ़खिम्‍लुम्‍पाछाङ बप्‍तिस्‍मा प़ङ। मोदाङ्‌का नि साङ्‌छाङ बप्‍तिस्‍मा प़ङ्‍ओ अ़ङ्‌का अ़सिन्‍ऩङ्‌ऩङ।

रोमि 16:5

मोचिओ अ़चुखिम्‌दा म़कोप्‍नान्‍चिन्‌ओ साम्‍भुङ्‌चि सेवानि लोवानुम्‍च़म। अ़ङ्‌का सोमातुक्‍तुङ्‌योङ्‌ओ इपेनितस सेवानि लोत्‍निप़नि। खो ख्रिस्‍तओ निम्‍पाङ एसियादाओ बुयाओ साकोङ्‌छ़ङ कामु ओ।

१ पत्रुस 4:10

झारासा दियाको सावा त़तोक्‍तुम्‌युङ्‌सुम, अ़नुवाक कातोङ्‌पावा निनाम्‍हाङ्‌ओ अ़चुसोमातुक्‍माओ अ़खाला-अ़खालाओ अ़चुआसिखा अ़क्‍छा निएदा मो नुलोक याङानुम।

२ कोरिन्‍थि 9:1

निनाम्‍हाङ्‌ओ अ़चुम़नाचि छुक्‍दाम प़माय़ङ्‌ओ अ़तुक्‌वादा अ़ङ्‌का खानानिन छाप्‍मा अ़दोत्‍निन।

२ कोरिन्‍थि 8:4

मोचिआ निनाम्‍हाङ्‌ओ अ़चुम़नाचि ब़त्‍मा निम्‍पाङ लोक्‌ओ अ़वाखाम तोक्‍तुम्‍काने निकिना आन्‍कान्‍का अ़दु-अ़दु ऩलोन्‌युङ्‌सिन्‍का।

रोमि 16:2

अ़ङ्‌का खानानिन लोनाङ्‌नानिन, निनाम्‍हाङ्‌ओ अ़चुम़नाचि खान्‍तुचिवा मो निनाम्‍हाङ्‌दा लोआनुम खोन्‍कि खानानिन्‌एदाङ्‌का मो दि दोत, झारा फासानुम, देकिनालो मो ब़द्‍धेकापाङ्‌सोओ काफा लिसायुङ्‌सा खोन्‍कि अ़ङ्‌काछाङ अ़फासाङ्‌युङ्‌साङ।

रोमि 15:25

मेन हान, निनाम्‍हाङ्‌ओ अ़चुम़नाचि फामायु छोक्‍सि अ़ङ्‌का यरुसलेम खात्‍ङाङा।

रोमि 12:13

निनाम्‍हाङ्‌ओ अ़चुम़नाचिओ अ़चुहाप्‍मादिमादा फासानुम्‍च़म खोन्‍कि तावाङ्‌चि साऩङ्‌वा मेत्‍तायुङ्‌सानुम्‍च़म।

खाङ्‌मुमा 14:4

मोचि मेत्‍छामाचिएनान मान्‍पोप्‍म़युक्‍ता, खोन्‍कि खोचि म़सेङाङा। थुबाछा खादा-खादा म़खात मोचिआ खोक्‍को अ़त़ङ्‌ताङा। निनाम्‍हाङ खोन्‍कि थुबाछाओ निम्‍पाङ बुयाओ अ़सिवावात्‍नि म़नाचिओ अ़चुरादाङ्‌का ओचिओ अ़चुलुङ छोराकि म़खिरा ओ।

हिब्रु 6:10

निनाम्‍हाङ नुलोक छ़ङ्‌काछेन म़मुयाङ। खोक्‍कोसाआ आम्‍नुओ काचि खोन्‍कि निनाम्‍हाङ्‌ओ अ़चुम़नाचि ब़त्‍मा काचिलाम्‍पा खानानिन्‌आ निनाम्‍हाङ खाङ्‌त़मुसुम्‌ओ खोन्‍कि खाङ्‌त़मुसुम्‌योम्‌ओ सोम्‍तुक्‍मा ऩमान्‍तुन्‍केसुन।

फिलेमोन 1:7

निछा ओ, खानाआ सोमात़तुक्‍तुचिओसा ब़द्‍धे अ़ङ्‌ऩङानुवायुङ्‌सा खोन्‍कि ब़द्‍धे अ़ङ्‌सोम सुवायुङ्‌सा, देकिनालो खानाआ निनाम्‍हाङ्‌ओ अ़म़नाचिओ अ़चुसाकोङ्‌वा चानुलो त़मेत्‍तुप़युङ्‌सुचि।

१ तिमोथि 5:10

मो अ़नुवाक काचि मुवाओसा झारासाआ साया अ़मेत्‍ताओ मुमादोत। अ़छाचि नुलोक पोइसुचिओ, तावाङ्‌चि साऩङ्‌वा मेत्‍तुचिओ, निनाम्‍हाङ्‌ओ अ़चुम़नाचिओ अ़चुलाङ वास़त्‍तुचिओ, दुखा कातोक्‌चि फासुचिओ खोन्‍कि झारा अ़नुवाक काचिदा अ़मिन्‍मा कापाक काइसाओ मुमादोत।

१ कोरिन्‍थि 16:17

स्‍तिफनास, फोर्तुनातस खोन्‍कि अखाइकस म़बानाहिदा सेवाङ्‌नि लुवाङ, देकिनालो आम्‍नुओ मान्‌युङ्‌दामा खोचिआ युङिन्‌येन्‌वा ऩमेत्‍ताङ्‌पुवाङ।

रोमि 15:31

यामारानिन खोन्‌ओसा अ़ङ्‌का यहुदियादाओ साकोङ्‌छ़ङ मान्‍मुकादाचिएदाङ्‌का रात्‍मान्‍चिन ऱङाने, खोन्‍कि यरुसलेम्‌दाओ अ़ङ्‌फामायु काचि निनाम्‍हाङ्‌ओ अ़चुम़नाचिआ लोक्‍माखान्‍तुओ लिने।

छाम्‍माय़ङ 18:12

मेन गलियोन अखैया धिखाहुप्‌दाओ हाङ्‌काचि कामु लिसाहिदा यहुदिचि म़तोङाकि पावल अ़लावा, खोन्‍कि खो छ़ङ्‌छेन्‍खादा अ़तारा।

१ कोरिन्‍थि 16:1

हान निनाम्‍हाङ्‌ओ अ़चुम़नाचिओ निम्‍पाङ कोप्‍माय़ङ छेन्‍बिओ अ़तुक्‌वादा, गलातियाओ साम्‍भुङ्‌चि अ़ङ्‌का लोङ्‌च़ङ्‍ओवा चुवानिन।