१ कोरिन्‍थि 15:32 - बान्‍तावा राई

³² म़नाओङा अ़मित्‍चिऩङ्‌दा एफिसस्‌दाओ खोक्‍लि सायाम्‍पोक्‌चिएनान ङेन मुवाङ्‌कि अ़ङ्‌का दि तोक्‍तुङ कि? म़सुवादाओचि ऩखोन्‍निन्‍लोन्‍निन्‌ओनालो ना “आन्‍कान चान्‍ने, दुङिन्‍ने, देकिनालो माङ्‌कोलेन ना आन्‍कान स़न्‍दान्‍लाविन!”

१ कोरिन्‍थि 15:32 ပူးပေါင်းရင်းမြစ်များ

लुका 12:19

खोन्‍कि अ़ङ्‌का आप्‍पि लोङान्‍च़ङ, ब़द्‍धेकादोङ्‌तारि त़लात्‌ओ च़लोक चासुम, छेन्‍बि आम्‍को निकि भुङ्‌याङ। नुलोक युङा, चा, दुङा खोन्‍कि आम्‍ताकावा चुवा।’

लुका 9:25

झारा हेन्‍खामा तोक्‍तुकिछाङ आप्‍पि लुक्‍नान्‍चिन माङ्‌नालो मानान्‍चिन्‌नालो मो म़नाआ दि तोक्‍तु कि?

छाम्‍माय़ङ 18:19

मोचि एफिसस सहरादा म़तालाकिना पावल्‌आ प्रिस्‍किला खोन्‍कि अकिलास वाप्‍तेला नान्‍खादाङा छिरुदोचि। खोन्‍किना पावल यहुदिचिओ अ़चुयावायोक्‍खिम्‌दा वाङाकि मोचिएनान दुम्‍तुमा पुक्‍तु।

छाम्‍माय़ङ 18:21

मेन पावल मोचिएनान हासान्‌यान्‍चिन्‌हिदा, “निनाम्‍हाङ्‌ओ अ़मिन्‍मा याक्‌याङ्‌नालो अ़ङ्‌का माय़ङ लाङाताङा”नि लोचि। खोन्‍किना खो वाप्‍तेलादा वाङाकि एफिसस सहरादाङ्‌का खारा।

छाम्‍माय़ङ 19:1

अपोल्‍लोस कोरिन्‍थदा युङाङाहिदा पावल धाउलिप्‍पा लियाङ्‌सा धिखाहुप्‌ओ अ़रादात्‍नि लियाङ्‌सा एफिसस्‌दा तादिसा। खोसाआ खा-खाक्‍को काखेङ्‌चि मोदा धिरुचि।

रोमि 3:5

मेन आन्‍मान्‍साम्‌योक्‍मिआ निनाम्‍हाङ्‌ओ अ़चुसाम्‌योक्‍मि नुलोक खाङ्‌मुसुनालो आन्‍कान दे य़ङिन? दि निनाम्‍हाङ्‌ओ अ़चुमाइसुङ आन्‍कान्‌एदा ताहिदा खा-खाक्‍को म़नाचि खोक्‍कोसाआ अ़फिसानि म़य़ङ। मो अ़नुछ्‍या ओ?

रोमि 6:19

खानानिन्‌आ तुप्‍मा त़ऱम्‍ने, अ़ङ्‌का अ़मात्‍ऩङ्‌चिदा चेप्‍ङाङा। खानानिन्‌आ अ़क्‍दु आम्‍नुओ पोक्‍फुत्‌चि पोप्‍माय़ङ खोन्‍कि च़लोक हेवाओ निम्‍पाङ त़याङुम्‍च़म, हान मोवात्‍निङा खानानिन सेङ्‌लो त़लिनिन्‌ओसा झारा आम्‍नुओ पोक्‍फुत्‌चि साम्‌योक्‍मि काचिदा याङानुम्‍च़म।

१ कोरिन्‍थि 16:8

मेन पेन्‍तिकोस्‌तारि अ़ङ्‌का ओदा एफिसस्‌दा युङ्‌ङा।

गलाति 3:15

ब़ब़, नाना खोन्‍कि निछाचि ओ, अ़लेन्‍खिन्‍तुम्‌ओ ह़ङ्‌म़ङ्‌दाङ्‌का अ़क्‌तात अ़मात्‍ऩङ खाङ्‌मेत्‍नानिन्‍ने। अ़क्‍दु अ़छ़ङ लिसाचिआओ म़नाओ हिप्‍माय़ङ्‌दा साङ्‌आछाङ क़प्‍मा अ़ऱन, ना मोदा अ़क्‍चित तेप्‍माङा ऱ।

२ पत्रुस 2:12

मेन ओ म़नाचिआ ऩतुप्‍तुन्‌ओ य़ङ्‌चि म़सुङ्‌तुचि। ओचि अ़चुखारु मात्‍द़ङ्‌ओ सायाम्‍पोक्‌चिवात्‍नि म़मुयाङ, ओचि लाप्‍माकि सेत्‍मा निम्‍पाङ म़लिसाओवा म़मुयाङ। खोन्‍कि ओचिछाङ सायाम्‍पोक्‌चिवाङा म़लुक्‍खात।

यहुदा 1:10

मेन मोचिआ दि ऩतुप्‍तुन, मो य़ङ्‌चि म़सुङ्‌तुचि। मोचि अ़चुखारु मात्‍द़ङ्‌ओ सायाम्‍पोक्‌चिवात्‍नि म़मुयाङ, खोन्‍कि मोचि दि म़मिन, मोवात्‍निङा मोचि म़च़, खोन्‌ओसा मोचि म़लुक।