१ कोरिन्‍थि 14:6 - बान्‍तावा राई

⁶ हान, ब़ब़, नाना खोन्‍कि निछाचि ओ, अ़ङ्‌का खानानिन्‌एदा निय़ङ्‌चि चेप्‌याङ्‌सा ताङा, मेन खानानिन्‌एदा दियाकोछाङ कोङ्‌दुम खाङ्‌मुमा माङ्‌लो ताया माङ्‌लो निनाम्‍हाङ्‌य़ङ खालुमा माङ्‌लो चिन्‍माय़ङ अ़तात्‍ऩङ्‌नालो अ़ङ्‌काएदाङ्‌का खानानिन दि त़तोक्‍तुम?

१ कोरिन्‍थि 14:6 ပူးပေါင်းရင်းမြစ်များ

मत्‍ति 11:25

मोन्‍ग़रि येसु म़य़ङा, “आपो, निनाम्‍मा खोन्‍कि हेन्‍खामादाओ हाङ्‌पा, अ़ङ्‌का खानानिन आलाङ प़नाङ्‌नानिन, देकिनालो खानानिन्‌आ ओ य़ङ्‌चि खारु कातोक खोन्‍कि तायाहाङ्‌पाचिदाङ्‌का त़कुम्‍सुम, खोन्‍कि छाचि मो खाङ्‌त़मेत्‍तुम्‍च़म।

मत्‍ति 16:17

येसुआ खो अ़लासालोवा, “योनाओ अ़छा सिमोन, खाना आसिखा कातोक ओ! देकिनालो म़नादाङ्‌का खाना ओ त़सिन्‍तुओ माआङ, मेन निनाम्‍मादु कायुङ अ़ङ्‌पापाआ खाना खाङ्‌त़मेत्‍ताओ।

मत्‍ति 16:26

म़नाआ झारा हेन्‍खामा तोक्‍तुकिछाङ अ़ह़ङ्‌म़ङ मासुनालो खोसाआ दि तोक्‍तु कि? माङ्‌लो म़नाआ अ़ह़ङ्‌म़ङ्‌ओ अ़फान्‌दा दि प़मा ऱ?

छाम्‍माय़ङ 2:42

खोन्‍कि मोचि छाम्‍माय़ङ्‌चिआ म़चिन्‍तुचिओ य़ङ्‌चिवा म़चुवाङा, यावायोक म़मुवाङा, पेम्‍पाक म़हासाचाङा, खोन्‍कि याम़माराङा।

रोमि 15:14

अ़ङ्‍ब़ब़, नाना खोन्‍कि निछाचि ओ, अ़ङ्‌का आप्‍पि आम्‍नुओ तुक्‌वादा अ़ङ्‌सोम सुवायुङ्‌सा, खानानिन आप्‍पि अ़नुवाक नुमाआ त़भेप्‍तिन्‌युङ्‌सिन खोन्‍कि झारा ताया खानानिन्‌एदा याआयुङ्‌सा, खोन्‍कि अ़क्‍छा निएदा चिन्‍मा काऱ त़लिसिन्‌युङ्‌सिन।

रोमि 16:17

ब़ब़, नाना खोन्‍कि निछाचि ओ, अ़ङ्‌का खानानिन यायोक प़नाङ्‌नानिन, खानानिन चिन्‍माय़ङ साम्‌योक्‍मि लाम्‌ओ अ़देङ्‌सालाप्‍पादा काफेक्‌चि खोन्‍कि लाम्‍काछेक्‌चिदाङ्‌का चाप्‍चेत्‍तानिन्‍चिन, खोन्‍कि मोचिदाङ्‌का अ़थाया युङानिन!

रोमि 6:17

मेन निनाम्‍हाङ आलाङ्‌ने, देकिनालो खानानिन अ़क्‍दु हेवाओ अ़हारुक त़मुन्‌येन, हान खाक्‍को अ़छ़ङ चिन्‍माय़ङ खानानिन्‌आ त़तोक्‍तुम, मो झारा साकोङ्‌वाआ त़लोउम्‌युङ्‌सुम।

१ कोरिन्‍थि 10:33

अ़ङ्‌काछाङ झाराकापाराआ झारासोओ अ़चुऩङानुमा काचि मुङाङा। अ़ङ्‌नुलोक अ़ङ्‌का अ़लाम्‍ऩङ, मेन ब़द्‍धेसोओ नुलोक लामुङ, खोन्‌ओसा मोचि म़लेन्‍ने।

१ कोरिन्‍थि 14:1

सोम्‍तुक्‍मा आम्‍नुओ मित्‍चिऩङ मुवानुम। मेन लावामि सावाचिदाछाङ आम्‍नुओ मिन्‍मा पाक्‍तानुम। मोचिदाङ्‌का च़लोक अ़काचि याक्‌ओ लावामि सावा निनाम्‍हाङ्‌य़ङ खालुमाओ।

१ कोरिन्‍थि 14:7

बासुरि खोन्‍कि वाकेन्‌वाको अ़साक्‍मा मात्‍द़ङ्‌ओ केन एन्‍नुलो अ़साङ्‌निन्‌नालो दि साङ्‌याङ्‍ओ देत्‍नि सिन्‍मा ऱम?

२ कोरिन्‍थि 11:6

अ़ङ्‌का चेप्‍मादा ब़द्‍धे काले माआङ्‌नुछाङ तायादा ना अ़चुक्‍ऩङ्‌ऩङ। आन्‍कान्‍का ओ य़ङ खानानिन झाराकापाराआ छेङ्‌छेङ्‌वा खाङ्‌मेत्‍नियुङ्‌नि।

२ कोरिन्‍थि 12:1

अ़ङ्‌का अ़ङ्‌चेप्‍मादा तोक्‍पो लिमायुङ्‌माङादोत। मेन ओदाङ्‌का दित्‍छाङ अ़तोक्‍तिमिन्‌नुछाङ, हाङ्‌पाआ तुप्‍मा ऩपुवाङ्‌ओ सेन्‍चिचि खोन्‍कि साम्‌चिओ अ़चुतुक्‌वादा अ़ङ्‌का य़ङ्‌ङा।

२ कोरिन्‍थि 12:7

मेन च़लोक म़दोम्‍दाओ साम्‌चिओ अ़तुक्‌वाआ तोक्‍पो लिमाआ अ़पुन्‍ऩङ्‌दाऩङ्‌ने निकिना अ़ङ्‌का दुखा प़सि खोन्‍कि तोक्‍पो लिमादाङ्‌का अ़ङ्‌छेक्‍सि सैतानाओ अ़य़ङ काखुन्‌वाको अ़क्‌तात त़ङ्‌खोक्‌वा अ़ङ्‌पोक्‌दा ऩपुवाङ।

एफिसि 1:17

अ़ङ्‌का यामात्‍ङा, आन्‍हाङ्‌पा येसु ख्रिस्‍तओ अ़चुनिनाम्‍हाङ, साम्‍स़रिओ निनाम्‍हाङ पापाआ खानानिन खोक्‍कोसोओ झारा अ़चुतायादा लावामि खारु खोन्‍कि साम ऩप़न्‍ने, खोन्‌ओसा खानानिन्‌आ खोक्‍को नुलोक सिन्‍मा त़ऱम्‍ने।

एफिसि 3:4

खानानिन्‌आ ओ त़खिप्‍तुम्‌कि ख्रिस्‍तओ अ़चुकोङ्‌दुम्‌ओ अ़तुक्‌वादा अ़ङ्‌का तुप्‍तुङ्‍ओ अ़तुक्‌वा सिन्‍मा त़ऱम।

फिलिप्‍पि 3:15

आन्‍कान लावामिदा पोयिन्‌ओचि झारा ओवाको मिन्‍माओ मुन्‍ने। मेन खानानिन दि-दिसु य़ङ्‌दा नि मिन्‍माओ त़मुन्‌येन्‌नालो निनाम्‍हाङ्‌आ खानानिन मोछाङ नुलोक तुप्‍मा ऩप़न।

२ तिमोथि 2:14

ओ य़ङ्‌चि साकोङ्‌छ़ङ कामुचि मित्‍मेतुचि। निनाम्‍हाङ्‌ओ अ़चुबुदा य़ङ्‌सिवाचिओ अ़तुक्‌वादा दुम मान्‍छ़न्‍दामा चाप्‍चेत्‍तुचि। मोसाआ नुलोक म़मुनिन, मेन काएन्‌चि ओन लुक्‍तुचि।

२ तिमोथि 3:10

हान खाना अ़ङ्‌चिन्‍माय़ङ, अ़ङ्‌च़माथाङ्‌मा, अ़ङ्‌ह़ङ्‌म़ङ्‌ओ मित्‍चिऩङ, अ़ङ्‌साकोङ्‌छ़ङ, अ़ङ्‌आङ्‌मा, अ़ङ्‌सोम्‍तुक्‍मा, अ़ङ्‌हुङ्‌मा त़खायुङ्‌सु।

२ तिमोथि 3:16

झारा सेङ्‌याङ्‌ओ साम्‍कालिन, निनाम्‍हाङ्‌ओ अ़चुराक्‌लाम्‍पा लिसाओ, खोन्‍कि ओ चिन्‍मा, यासान्‍मा, लाखाङ्‌मेत्‍मा, साम्‌योक्‍मिदा चिन्‍मा अ़नुवाक मु।

२ तिमोथि 4:2

नुय़ङ्‌खान खालुसु, ग़रिदा खोन्‍कि मान्‍ग़रिदा चुम्‍सान्‌युङ्‌सान्‍चिन। हुङ्‌याङ्‌सा नुलोक चिन्‌याङ्‌सा यायोक प़चि, यासान्‍तुचि, खोन्‍कि राक प़चि।

तितस 3:8

ओ अ़नुछ्‍याओ य़ङ ओ। निनाम्‍हाङ्‌एदा साकोङ्‌छ़ङ कामु झारासा अ़नुवाक काचि मुमादा मिन्‍मा अ़पाक्‍ने निकिना खाना त़छ़म्‍तुचिनेनि अ़ङ्‌का लोना। ओवाको काचिचि अ़नुवाक म़मु खोन्‍कि झारा म़नाचिओ निकि अ़नुवाक य़ङ ओ।

हिब्रु 13:9

अ़खाला-खालाओ मान्‍सिन्‍माय़ङ्‌ओ चिन्‍माय़ङ्‌चिआ खानानिन ऩतित्‍तिन्‍खातिमिन्‍ने। देकिनालो चामायु दुङ्‌मायुओ य़ङ्‌हुप्‌आ माआङ, मेन निनाम्‍हाङ्‌ओ अ़चुसोमातुक्‍माआ साकोङ्‌वा छोलो मुमादा अ़नुवाक मु। चामायु दुङ्‌मायुओ य़ङ्‌हुप्‌आ मो य़ङ्‌हुप कात़ङ्‌चि नुलोक मान्‍मुयुक्‍तुचि।

२ पत्रुस 1:5

मोवात्‍निओसाआङा, झाराकापाराओ मुमालाम्‍पा आम्‍नुओ साकोङ्‌छ़ङ्‌दा अ़नुवाक नुमा खोन्‍कि अ़नुवाक नुमादा ताया तेप्‍तानुम।

२ पत्रुस 3:18

मेन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़चुताया खोन्‍कि अ़चुसोम्‍तुक्‍मादा पोन्‌याङ्‌सा खारानिन। ओन्‍ग़रि खोन्‍कि अ़धुन हाङ्‌पाओ अ़चुऩङ्‌लोङ्‌ने। मोवात्‍निङा लिने!

२ युहन्‍ना 1:9

ख्रिस्‍तओ अ़चुचिन्‍मादा मान्‌युङ्‌कादा खोन्‍कि साङ अ़थाया खात, खोएदा निनाम्‍हाङ ऩयुङ्‌निन। मेन खोक्‍कोसोओ अ़चुचिन्‍मादा कायुङ निनाम्‍हाङ पापा खोन्‍कि अ़चुछा ह़वाङ्‌माङ युङ्‌चि।