१ कोरिन्‍थि 14:31 - बान्‍तावा राई

³¹ खानानिन अ़क्‍छा चिन खोन्‍कि नि निनाम्‍हाङ्‌य़ङ खालुमा त़ऱन, खोवात्‍निओसा झारासा खेङ्‌मा अ़ऱ, खोन्‍कि झारासा राक अ़तोक।

१ कोरिन्‍थि 14:31 ပူးပေါင်းရင်းမြစ်များ

रोमि 1:12

अ़ङ्‌य़ङ्‍ओ अ़तुप्‍माय़ङ ओङा ओ, आम्‍नुओ खोन्‍कि अ़ङ्‌को, आन्‍साकोङ्‌छ़ङ्‌लाम्‍पा आन्‍कान अ़क्‍छा निएदा राक तोक्‍मा ऱम्‍ने।

१ कोरिन्‍थि 14:19

खोन्‍नुछाङ, साम्‍भुङ्‌दा नि य़ङ्‌दा दस हजाराकाय़ङ्‌चिदा चेप्‍मादाङ्‌का ना तुप्‍तुम्‌ओ पाच्‌का य़ङ्‌आ निचि चिन्‍माचि अ़ङ्‌का चेप्‍मा स़ङा।

१ कोरिन्‍थि 14:3

मेन निनाम्‍हाङ्‌य़ङ खाकालु मो म़नाचिएनान्‌ङा चेप। मोचिओ सावा पोन्‍मा, राक पोन्‍मा खोन्‍कि सोम्‍सेत्‍माओ निम्‍पाङ खो चेप।

१ कोरिन्‍थि 14:30

मेन मोदा युङ्‌याङ्‌ओ अ़क्‍छाएदा कोङ्‌दुम खाङ्‌मुमा तानालो बुदा काचेप वाइवेत युङ्‌ने।

१ कोरिन्‍थि 14:32

निनाम्‍हाङ्‌य़ङ खालुमा सावा कातोक्‌चि निनाम्‍हाङ्‌य़ङ खाकालुचिओ अ़चुक़म्‍मादा युङ्‌मादोत।

१ कोरिन्‍थि 14:35

दि-दिसोओ अ़तुक्‌वादा मोचि सिन्‍मा म़स़याङ्‌नालो खिम्‌दा अ़चुखिम्‍हाङ्‌पाचि म़सेनुचिने। देकिनालो साम्‍भुङ्‌दा मेत्‍छामा चेप्‍मा लेजो ओ।

२ कोरिन्‍थि 1:4

खोक्‍कोसाआ आन्‍कान झारा आन्‍दुखाचिदा आन्‍सोम्‍म़सेत। खोन्‌ओसा आन्‍कान्‌छाङ निनाम्‍हाङ्‌एदाङ्‌का तोक्‍तुम्‌ओ मो सोम्‍सेत्‍मालाम्‍पा दियाकोछाङ दुखादा म़छुक्‍ताओचि अ़चुसोम्‍सेत्‍मा ऱम्‍च़म।

एफिसि 6:22

आन्‍काओ तुक्‌वादा खानानिन्‌आ सिन्‍मा त़ऱम्‍ने, खोन्‍कि खोसाआ आम्‍नुओ साकोङ्‌वाचिदा राक त़प़न्‍नेनिओ मिन्‍माआ अ़ङ्‌का खो खानानिन्‌एदा बाइसुङ्‍ओ।

कलस्‍सि 2:2

मोचिआ अ़चुसाकोङ्‌वादा राक अ़तोक्‍ने, खोन्‍कि सोम्‍तुक्‍मादा अ़क्‍नि म़लिने निकिना अ़ङ्‌का ओ दुखा मुङ्‌योङ्‌ओ। मोचिआ निनाम्‍हाङ्‌ओ अ़चुकोङ्‌दुम्‌ओ ताया सिन्‍मादा मोचि नुछ्‍याङा अ़छ़ङ म़लिनेनि मिन्‍ङाङा। मो कोङ्‌दुम ख्रिस्‍त आप्‍पि ओ।

१ थेसलोनिकि 4:18

खोन्‌ओसा ओ य़ङ्‌चिआ अ़क्‍छा निएदा राक प़काप़ मुवानिन।

१ थेसलोनिकि 5:11

खोन्‌ओसा अ़क्‍छा निएदा राक प़काप़ मुवानिन खोन्‍कि अ़क्‍छा निएदा निनाम्‍हाङ साकोङ्‌छ़ङ मुमादा फाकाफा मुवानिन, अ़नुछ्‍या मोवात्‍निङा खानानिन त़च़न्‌येन्‌छाङ।

१ थेसलोनिकि 5:14

ब़ब़, नाना खोन्‍कि निछाचि ओ, आन्‍कान्‍काआ खानानिन यायोक प़निङ्‌नि, कासोचि चाप्‍चेत्‍तानुम्‍च़म। अ़चुराक सुवाओचि, मान्‍ऱकादाचि फासानुम्‍च़म। झाराचिएनान नुलोक चेवानिन।

१ थेसलोनिकि 5:20

निनाम्‍हाङ्‌य़ङ ऩङामान्‍छित्‌दानुम।